12 ਜੁਲਾਈ (ਦੀਪਕ ਦੱਤਾ) :ਤਾਮਿਲਨਾਡੂ ਦੇ ਮੁੱਖ ਮੰਤਰੀ ਸੀ. ਜੋਸਫ਼ ਵਿਜੇ (ਥਲਪਤੀ ਵਿਜੇ) ਦੀ ਮੁੱਖ ਭੂਮਿਕਾ ਵਾਲੀ ਬਹੁਤ ਹੀ ਉਡੀਕੀ ਜਾ ਰਹੀ ਫ਼ਿਲਮ “ਜਨ ਨਾਇਗਨ” ਦਾ ਇੱਕ ਨਵਾਂ ਪੋਸਟਰ ਸ਼ਨੀਵਾਰ ਨੂੰ ਕੇ.ਵੀ.ਐਨ. ਪ੍ਰੋਡਕਸ਼ਨ (KVN Productions) ਦੁਆਰਾ ਰਿਲੀਜ਼ ਕੀਤਾ ਗਿਆ ਹੈ, ਜੋ ਇਸ ਫ਼ਿਲਮ ਦਾ ਨਿਰਮਾਣ ਕਰ ਰਹੀ ਹੈ।
ਪ੍ਰੋਡਕਸ਼ਨ ਕੰਪਨੀ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ‘ਐਕਸ’ (ਪਹਿਲਾਂ ਟਵਿੱਟਰ) ‘ਤੇ ਇੱਕ ਪੋਸਟ ਵਿੱਚ ਲਿਖਿਆ, “ਸਿਨੇਮਾਘਰਾਂ ਵਿੱਚ ਜਲਦੀ ਮਿਲਦੇ ਹਾਂ, ਨਨਬਾ ਅਤੇ ਨਨਬਿਸ (ਮਰਦ ਅਤੇ ਅੌਰਤ ਦੋਸਤੋ)।” ਇਸ ਦੇ ਨਾਲ ਹੀ ਉਨ੍ਹਾਂ ਦੱਸਿਆ ਕਿ ਫ਼ਿਲਮ ਨੂੰ ਸੈਂਸਰ ਬੋਰਡ ਵੱਲੋਂ “A” (ਸਿਰਫ਼ ਬਾਲਗਾਂ ਲਈ) ਸਰਟੀਫਿਕੇਟ ਮਿਲਿਆ ਹੈ।
ਮਸ਼ਹੂਰ ਨਿਰਦੇਸ਼ਕ ਐਚ. ਵਿਨੋਥ ਦੁਆਰਾ ਨਿਰਦੇਸ਼ਿਤ ਇਹ ਫ਼ਿਲਮ 24 ਜੁਲਾਈ, 2026 ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਣ ਦੀ ਉਮੀਦ ਹੈ। ਫ਼ਿਲਮ ਦੀ ਸਮੱਗਰੀ (ਕੰਟੈਂਟ) ਨੂੰ ਲੈ ਕੇ ਸੈਂਸਰ ਅਧਿਕਾਰੀਆਂ ਨਾਲ ਲੰਬੀ ਕਾਨੂੰਨੀ ਲੜਾਈ ਤੋਂ ਬਾਅਦ ਹੁਣ ਇਸ ਦੀ ਰਿਲੀਜ਼ ਦਾ ਰਸਤਾ ਸਾਫ਼ ਹੋਇਆ ਹੈ।
ਫ਼ਿਲਮ ਵਿੱਚ ਪੂਜਾ ਹੇਗੜੇ, ਬੌਬੀ ਦਿਓਲ, ਮਮਿਤਾ ਬੈਜੂ, ਗੌਤਮ ਵਾਸੂਦੇਵ ਮੈਨਨ, ਪ੍ਰਕਾਸ਼ ਰਾਜ ਅਤੇ ਨਰੇਨ ਵਰਗੇ ਕਈ ਦਿੱਗਜ ਕਲਾਕਾਰ ਅਹਿਮ ਭੂਮਿਕਾਵਾਂ ਵਿੱਚ ਨਜ਼ਰ ਆਉਣਗੇ।
ਹਾਲਾਂਕਿ ਨਿਰਮਾਤਾਵਾਂ ਨੇ ਅਜੇ ਤੱਕ ਇਸ ਦੀ ਅਧਿਕਾਰਤ ਪੁਸ਼ਟੀ ਜਾਂ ਖੰਡਨ ਨਹੀਂ ਕੀਤਾ ਹੈ, ਪਰ ਚਰਚਾ ਹੈ ਕਿ “ਜਨ ਨਾਇਗਨ” ਫ਼ਿਲਮ ਅਨਿਲ ਰਾਵੀਪੁੜੀ ਦੀ ਫ਼ਿਲਮ “ਭਗਵੰਤ ਕੇਸਰੀ” ‘ਤੇ ਅਧਾਰਤ ਹੈ।
ਇਸ ਫ਼ਿਲਮ ਦਾ ਸੰਗੀਤ ਅਨਿਰੁਧ ਰਵੀਚੰਦਰ ਨੇ ਤਿਆਰ ਕੀਤਾ ਹੈ, ਸੱਥਿਆਨ ਸੂਰੀਅਨ ਨੇ ਸਿਨੇਮੈਟੋਗ੍ਰਾਫੀ ਸੰਭਾਲੀ ਹੈ, ਜਦੋਂ ਕਿ ਐਡੀਟਿੰਗ ਪ੍ਰਦੀਪ ਈ. ਰਾਘਵ ਦੁਆਰਾ ਕੀਤੀ ਗਈ ਹੈ।
ਤਾਮਿਲਨਾਡੂ ਫ਼ਿਲਮ ਡਿਸਟ੍ਰੀਬਿਊਟਰਜ਼ ਐਸੋਸੀਏਸ਼ਨ ਦੇ ਇੱਕ ਸੂਤਰ ਅਨੁਸਾਰ, ਇਹ ਫ਼ਿਲਮ ਤਾਮਿਲਨਾਡੂ ਦੇ ਲਗਭਗ 1,000 ਸਿਨੇਮਾਘਰਾਂ ਵਿੱਚ ਪ੍ਰਦਰਸ਼ਿਤ ਕੀਤੇ ਜਾਣ ਦੀ ਸੰਭਾਵਨਾ ਹੈ।
ਨਿਰਦੇਸ਼ਕ ਵਿਨੋਥ “ਨੇਰਕੋਂਡਾ ਪਾਰਵਈ” ਅਤੇ “ਧੀਰਨ ਅਧਿਗਾਰਮ ਓਂਦਰੂ” ਵਰਗੀਆਂ ਬਿਹਤਰੀਨ ਫ਼ਿਲਮਾਂ ਬਣਾਉਣ ਲਈ ਜਾਣੇ ਜਾਂਦੇ ਹਨ।
