ਚੇਨਈ, 15 ਅਗਸਤ, 2026 (ਹਰਸ਼ਪ੍ਰੀਤ ਕੌਰ) : ਅਦਾਕਾਰਾ ਟ੍ਰਿਸ਼ਾ ਕ੍ਰਿਸ਼ਨਨ ਇੱਕ ਵਾਰ ਫਿਰ ਸੁਰਖੀਆਂ ਵਿੱਚ ਹੈ। ਟ੍ਰਿਸ਼ਾ ਚੇਨਈ ਦੇ ਫੋਰਟ ਸੇਂਟ ਜਾਰਜ ਵਿਖੇ ਆਯੋਜਿਤ ਆਜ਼ਾਦੀ ਦਿਵਸ ਸਮਾਗਮ ਵਿੱਚ ਸ਼ਾਮਲ ਹੋਈ, ਜਿੱਥੇ ਤਾਮਿਲਨਾਡੂ ਦੇ ਮੁੱਖ ਮੰਤਰੀ ਅਤੇ ਅਦਾਕਾਰ ਤੋਂ ਸਿਆਸਤਦਾਨ ਬਣੇ ਵਿਜੇ ਨੇ ਰਾਸ਼ਟਰੀ ਝੰਡਾ ਲਹਿਰਾਇਆ। ਸਮਾਗਮ ਦੌਰਾਨ ਟ੍ਰਿਸ਼ਾ ਅੱਗੇਲੀ ਕਤਾਰ ਵਿੱਚ ਵਿਜੇ ਦੇ ਮਾਤਾ-ਪਿਤਾ ਦੇ ਕੋਲ ਬੈਠੀ ਨਜ਼ਰ ਆਈ। ਸਮਾਗਮ ਵਿੱਚ ਉਨ੍ਹਾਂ ਦੀ ਮੌਜੂਦਗੀ ਦੀਆਂ ਕਈ ਵੀਡੀਓਜ਼ ਸੋਸ਼ਲ ਮੀਡੀਆ ’ਤੇ ਸਾਹਮਣੇ ਆਈਆਂ ਹਨ।
ਇੱਕ ਵੀਡੀਓ ਵਿੱਚ ਟ੍ਰਿਸ਼ਾ ਨੂੰ ਵਿਜੇ ਦੇ ਸਰਕਾਰੀ ਫਰਜ਼ ਨਿਭਾਉਂਦੇ ਹੋਏ ਜੀਪ ਵਿੱਚੋਂ ਲੰਘਣ ਸਮੇਂ ਉਨ੍ਹਾਂ ਨੂੰ ਸਲਾਮ ਕਰਦੇ ਦੇਖਿਆ ਜਾ ਸਕਦਾ ਹੈ। ਇਸ ਮੌਕੇ ਟ੍ਰਿਸ਼ਾ ਦੇ ਨਾਲ ਉਨ੍ਹਾਂ ਦੀ ਮਾਤਾ ਉਮਾ ਕ੍ਰਿਸ਼ਨਨ ਵੀ ਮੌਜੂਦ ਸਨ। ਟ੍ਰਿਸ਼ਾ ਦੀ ਇਹ ਮੌਜੂਦਗੀ ਅਜਿਹੇ ਸਮੇਂ ਸਾਹਮਣੇ ਆਈ ਹੈ ਜਦੋਂ ਵਿਜੇ ਦੀ ਪਤਨੀ ਸੰਗੀਤਾ ਵੱਲੋਂ ਤਲਾਕ ਦੀ ਪਟੀਸ਼ਨ ਵਾਪਸ ਲਏ ਜਾਣ ਤੋਂ ਬਾਅਦ ਅਦਾਕਾਰਾ ਨਾਲ ਜੁੜੀਆਂ ਚਰਚਾਵਾਂ ਮੁੜ ਤੇਜ਼ ਹੋਈਆਂ ਹਨ। ਹਾਲਾਂਕਿ, ਸਮਾਗਮ ਵਿੱਚ ਟ੍ਰਿਸ਼ਾ ਦੀ ਮੌਜੂਦਗੀ ਨੂੰ ਲੈ ਕੇ ਸਾਹਮਣੇ ਆਈਆਂ ਚਰਚਾਵਾਂ ਬਾਰੇ ਕੋਈ ਅਧਿਕਾਰਤ ਬਿਆਨ ਨਹੀਂ ਆਇਆ ਹੈ।
