ਸਿਹਤ, 19 ਜੂਨ (ਹਰਸ਼ਪ੍ਰੀਤ ਕੌਰ):ਗਰਮੀ ਦੇ ਮੌਸਮ ਵਿੱਚ ਕੁਝ ਠੰਢਾ ਅਤੇ ਮਿੱਠਾ ਖਾਣ ਦਾ ਮਨ ਹੋਵੇ, ਤਾਂ ਫ਼ਾਲੂਦਾ ਸਭ ਦੀ ਪਹਿਲੀ ਪਸੰਦ ਹੁੰਦਾ ਹੈ। ਅਕਸਰ ਲੋਕ ਇਸਨੂੰ ਖਾਣ ਲਈ ਬਾਜ਼ਾਰ ਜਾਂਦੇ ਹਨ, ਪਰ ਤੁਸੀਂ ਇਸਨੂੰ ਬਹੁਤ ਹੀ ਆਸਾਨੀ ਨਾਲ ਆਪਣੇ ਘਰ ਦੀ ਰਸੋਈ ਵਿੱਚ ਵੀ ਤਿਆਰ ਕਰ ਸਕਦੇ ਹੋ। ਆਓ ਜਾਣਦੇ ਹਾਂ ਘਰ ਵਿੱਚ ਟੇਸਟੀ ਫ਼ਾਲੂਦਾ ਬਣਾਉਣ ਦੀ ਸਰਲ ਵਿਧੀ:
ਲੋੜੀਂਦੀ ਸਮੱਗਰੀ
- ਸਾਬੂਦਾਣਾ: ਅੱਧਾ ਕੱਪ
- ਦੁੱਧ: 1 ਗਲਾਸ
- ਕੰਡੈਂਸਡ ਮਿਲਕ: ਅੱਧਾ ਕੱਪ
- ਪਕੇ ਹੋਏ ਨੂਡਲਜ਼: 1 ਕੱਪ
- ਸੁੱਕੇ ਮੇਵੇ: 1 ਚਮਚ (ਪਿਸਤੇ, ਕਾਜੂ ਅਤੇ ਅਖਰੋਟ)
- ਤਾਜ਼ੇ ਫਲ: ਸਟਰਾਬੇਰੀ, ਅੰਬ ਅਤੇ ਕੇਲੇ ਦੇ ਬਰੀਕ ਟੁਕੜੇ (2 ਚਮਚ), ਸੇਬ ਅਤੇ ਅੰਗੂਰ (1 ਚਮਚ)
- ਆਇਸਕ੍ਰੀਮ: ਸੁਆਦ ਅਨੁਸਾਰ (ਦੋ ਵੱਖ-ਵੱਖ ਫਲੇਵਰ)
- ਰੂਹਅਫ਼ਜ਼ਾ ਤੇ ਚੀਨੀ: ਸੁਆਦ ਅਨੁਸਾਰ
- ਹੋਰ ਸਮੱਗਰੀ: ਮਾਵਾ ਪਾਊਡਰ (2 ਵੱਡੇ ਚਮਚ), ਪਾਊਡਰ ਚੀਨੀ (1 ਵੱਡਾ ਚਮਚ), ਘਿਉ (1 ਵੱਡਾ ਚਮਚ)
ਬਣਾਉਣ ਦੀ ਵਿਧੀ
- ਤਿਆਰੀ: ਸਭ ਤੋਂ ਪਹਿਲਾਂ ਸਾਬੂਦਾਣਾ ਦੇ ਦਾਣਿਆਂ ਨੂੰ ਕੁਝ ਦੇਰ ਪਾਣੀ ਵਿੱਚ ਭਿਉਂ ਕੇ ਰੱਖੋ ਤਾਂ ਜੋ ਉਹ ਨਰਮ ਹੋ ਜਾਣ।
- ਦੁੱਧ ਦਾ ਮਿਸ਼ਰਣ: ਇੱਕ ਬਰਤਨ ਵਿੱਚ ਦੁੱਧ, ਕੰਡੈਂਸਡ ਮਿਲਕ ਅਤੇ ਚੀਨੀ ਪਾ ਕੇ ਚੰਗੀ ਤਰ੍ਹਾਂ ਗਰਮ ਕਰ ਲਓ ਅਤੇ ਫਿਰ ਇਸਨੂੰ ਠੰਢਾ ਹੋਣ ਲਈ ਰੱਖ ਦਿਓ।
- ਫ਼ੈਂਟਣਾ: ਹੁਣ ਇੱਕ ਗਲਾਸ ਵਿੱਚ ਭਿੱਜਿਆ ਹੋਇਆ ਸਾਬੂਦਾਣਾ ਅਤੇ ਪਕੇ ਹੋਏ ਨੂਡਲਜ਼ ਪਾ ਕੇ ਚੰਗੀ ਤਰ੍ਹਾਂ ਫ਼ੈਂਟ ਲਓ।
- ਸਰਵਿੰਗ (ਪਰੋਸਣਾ): ਇਸ ਤੋਂ ਬਾਅਦ ਗਲਾਸ ਵਿੱਚ ਦੋ ਸੁਆਦਾਂ ਵਾਲੀ ਆਇਸਕ੍ਰੀਮ, ਸੁੱਕੇ ਮੇਵੇ, ਦਹੀਂ, ਕੰਡੈਂਸਡ ਮਿਲਕ, ਨੂਡਲਜ਼, ਕੱਟੇ ਹੋਏ ਫਲਾਂ ਦੇ ਟੁਕੜੇ ਅਤੇ ਮਾਵਾ ਪਾਓ।
ਅਖ਼ੀਰ ਵਿੱਚ ਉੱਪਰੋਂ ਥੋੜ੍ਹਾ ਹੋਰ ਕੰਡੈਂਸਡ ਮਿਲਕ, ਰੂਹਅਫ਼ਜ਼ਾ ਅਤੇ ਆਈਸਕ੍ਰੀਮ ਪਾ ਕੇ ਇਸ ਠੰਢੇ-ਠੰਢੇ ਫ਼ਾਲੂਦੇ ਦਾ ਆਨੰਦ ਲਓ।
