ਟੈਕਨਾਲੋਜੀ, 3 ਸਤੰਬਰ 2026 (ਕਾਜਲ): ਰਾਈਡ-ਹੇਲਿੰਗ ਕੰਪਨੀ Uber ਨੇ ਆਪਣੇ ਦੁਨੀਆ ਭਰ ਦੇ ਕਰਮਚਾਰੀਆਂ ਵਿੱਚੋਂ ਲਗਭਗ 10 ਫੀਸਦੀ ਦੀ ਛਾਂਟੀ ਕਰਨ ਦਾ ਫੈਸਲਾ ਕੀਤਾ ਹੈ। ਕੰਪਨੀ ਦੇ CEO ਦਾਰਾ ਖੋਸਰੋਸ਼ਾਹੀ ਨੇ ਕਰਮਚਾਰੀਆਂ ਨੂੰ ਭੇਜੇ ਸੰਦੇਸ਼ ਵਿੱਚ ਇਸ ਨੂੰ ਵੱਡੀਆਂ ਸੰਗਠਨਾਤਮਕ ਤਬਦੀਲੀਆਂ ਦਾ ਹਿੱਸਾ ਦੱਸਿਆ। CEO ਮੁਤਾਬਕ Uber ਵਿੱਚ ਕਈ ਮਹੱਤਵਪੂਰਨ organizational changes ਕੀਤੀਆਂ ਜਾ ਰਹੀਆਂ ਹਨ, ਜਿਸ ਦੇ ਨਤੀਜੇ ਵਜੋਂ ਕੰਪਨੀ ਆਪਣੀ ਟੀਮ ਦਾ ਆਕਾਰ ਲਗਭਗ 10 ਫੀਸਦੀ ਘਟਾਏਗੀ। ਹਾਲੀਆ SEC ਫਾਈਲਿੰਗ ਅਨੁਸਾਰ Uber ਵਿੱਚ ਦੁਨੀਆ ਭਰ ਵਿੱਚ ਕਰੀਬ 34,000 ਕਰਮਚਾਰੀ ਹਨ ਅਤੇ ਕੰਪਨੀ 70 ਤੋਂ ਵੱਧ ਦੇਸ਼ਾਂ ਵਿੱਚ ਆਪਣਾ ਕਾਰੋਬਾਰ ਚਲਾ ਰਹੀ ਹੈ। ਕੰਪਨੀ ਵੱਲੋਂ ਐਲਾਨੀ ਗਈ ਛਾਂਟੀ ਦਾ ਅਸਰ ਵੱਖ-ਵੱਖ ਖੇਤਰਾਂ ਵਿੱਚ ਕੰਮ ਕਰ ਰਹੇ ਕਰਮਚਾਰੀਆਂ ’ਤੇ ਪੈਣ ਦੀ ਸੰਭਾਵਨਾ ਹੈ। Uber ਨੇ ਇਸ ਫੈਸਲੇ ਨੂੰ ਕੰਪਨੀ ਦੇ ਸੰਗਠਨਾਤਮਕ ਢਾਂਚੇ ਵਿੱਚ ਵੱਡੇ ਬਦਲਾਅ ਨਾਲ ਜੋੜਿਆ ਹੈ।
