ਮੁੰਬਈ, 25 ਜੂਨ (ਹਰਸ਼ਪ੍ਰੀਤ ਕੌਰ): ਪ੍ਰਾਈਮ ਵੀਡੀਓ ਦੀ ਬਲਾਕਬਸਟਰ ਵੈੱਬ ਸੀਰੀਜ਼, ਮਿਰਜ਼ਾਪੁਰ, ਹੁਣ ਇੱਕ ਫਿਲਮ ਦੇ ਰੂਪ ਵਿੱਚ ਸਿਨੇਮਾਘਰਾਂ ਵਿੱਚ ਧਮਾਲ ਮਚਾਉਣ ਲਈ ਤਿਆਰ ਹੈ। ਇਹ ਫਿਲਮ ਜਦੋਂ ਤੋਂ ਐਲਾਨੀ ਗਈ ਸੀ, ਉਦੋਂ ਤੋਂ ਹੀ ਜਨਤਾ ਇਸ ਲਈ ਲਾਲ ਕਾਰਪੇਟ ਵਿਛਾਈ ਬੈਠੀ ਸੀ। ਹੁਣ ਆਖਰਕਾਰ ਮੇਕਰਜ਼ ਨੇ ਮਿਰਜ਼ਾਪੁਰ ਦ ਮੂਵੀ ਦਾ ਟੀਜ਼ਰ ਸਾਂਝਾ ਕਰ ਦਿੱਤਾ ਹੈ ਅਤੇ ਇਹ ਟੀਜ਼ਰ ਇਸ ਗੱਲ ਦਾ ਇਸ਼ਾਰਾ ਅਜੇ ਤੋਂ ਦੇ ਰਿਹਾ ਹੈ ਕਿ 4 ਸਤੰਬਰ ਨੂੰ ਥੀਏਟਰਾਂ ਵਿੱਚ ਕਿਹੜਾ ਧਮਾਕਾ ਹੋਣ ਵਾਲਾ ਹੈ।
ਸੀਰੀਜ਼ ਵਾਂਗੂ ਕਾਲੀਨ ਭਈਆ (ਪੰਕਜ ਤ੍ਰਿਪਾਠੀ) ਅਤੇ ਗੁੱਡੂ ਭਈਆ (ਅਲੀ ਫ਼ਜ਼ਲ) ਦਾ ਲੈਜੈਂਡਰੀ ਬਵਾਲ ਫ਼ਿਲਮ ਦਾ ਵੀ ਸਭ ਤੋਂ ਗਰਮ ਮੁੱਦਾ ਹੈ। 2018 ਵਿਚ ਸੈੱਟ ਇਸ ਕਹਾਣੀ ਦੀ ਸਭ ਤੋਂ ਵੱਡੀ ਹਾਈਲਾਈਟ ਹੈ ਮੁੰਨਾ ਭਈਆ ਦੇ ਰੋਲ ਵਿਚ ਦਿਵੇੰਦੂ ਸ਼ਰਮਾ ਦੀ ਵਾਪਸੀ, ਕਿਉਂਕਿ ਉਨ੍ਹਾਂ ਦਾ ਕਿਰਦਾਰ ਵੈੱਬ ਸੀਰੀਜ਼ ਵਿਚ ਮਰ ਚੁੱਕਾ ਸੀ। ਨਾਲੇ ਮੁੰਨਾ ਦੇ ਪਿਆਰੇ ਮਿੱਤਰ ਕੰਪਾਊਂਡਰ (ਅਭਿਸ਼ੇਕ ਬੈਨਰਜੀ) ਦੀ ਵੀ ਵਾਪਸੀ ਹੋ ਰਹੀ ਹੈ।
ਇੱਕ ਦਿਲਚਸਪ ਐਂਟਰੀ ਹੈ “ਪੰਚਾਇਤ” ਪ੍ਰਸਿੱਧੀ ਦੇ ਜਤਿੰਦਰ ਕੁਮਾਰ ਦੀ ਹੈ। ਸ਼ਾਇਦ ਉਹ ਗੁੱਡੂ ਦੇ ਭਰਾ ਬਬਲੂ ਦੀ ਭੂਮਿਕਾ ਨਿਭਾ ਰਿਹਾ ਹੈ, ਜੋ ਕਿ ਵੈੱਬ ਸੀਰੀਜ਼ ਵਿੱਚ ਵਿਕਰਾਂਤ ਮੈਸੀ ਦੁਆਰਾ ਨਿਭਾਇਆ ਗਿਆ ਕਿਰਦਾਰ ਹੈ, ਕਿਉਂਕਿ ਮਿਰਜ਼ਾਪੁਰ ਦ ਮੂਵੀ ਦੇ ਟੀਜ਼ਰ ਵਿੱਚ ਵਿਕਰਾਂਤ ਉੱਥੇ ਨਹੀਂ ਹੈ। ਕਹਾਣੀ ਵਿੱਚ ਇੱਕ ਨਵਾਂ ਕਿਰਦਾਰ ਲੈ ਕੇ ਦਮਦਾਰ ਅਦਾਕਾਰ ਰਵੀ ਕਿਸ਼ਨ ਵੀ ਪ੍ਰਵੇਸ਼ ਕਰ ਚੁੱਕੇ ਹਨ। ਭੋਜਪੁਰੀ ਸਟਾਰ ਰਵੀ ਨੂੰ ਮਿਰਜ਼ਾਪੁਰ ਵੈੱਬ ਸੀਰੀਜ਼ ਵਿੱਚ ਦੇਖਣ ਦੀ ਪ੍ਰਸ਼ੰਸਕਾਂ ਦੀ ਇੱਛਾ ਆਖਰਕਾਰ ਪੂਰੀ ਹੋਣ ਜਾ ਰਹੀ ਹੈ।
“ਮਿਰਜ਼ਾਪੁਰ” ਕਹਾਣੀ ਵਿੱਚ ਇੱਕ ਮੋੜ
ਟੀਜ਼ਰ ਵਿੱਚ ਸਭ ਤੋਂ ਦਿਲਚਸਪ ਗੱਲ ਇਹ ਹੈ ਕਿ ਤੁਹਾਨੂੰ ਕਹਾਣੀ ਦਾ ਕੋਈ ਸੰਕੇਤ ਨਹੀਂ ਮਿਲੇਗਾ। ਵੈੱਬ ਸੀਰੀਜ਼ ਵਿੱਚ ਜਿੱਥੇ ਤੱਕ ਕਹਾਣੀ ਪਹੁੰਚੀ ਸੀ, ਉਸ ਦੇ ਮੁਕਾਬਲੇ ਮਿਰਜ਼ਾਪੁਰ ਦ ਮੂਵੀ ਦੀ ਕਹਾਣੀ ਕਾਫ਼ੀ ਬਦਲੀ ਹੋਈ ਜਾਪਦੀ ਹੈ। ਫਿਲਮ ਦਾ ਪੈਮਾਨਾ ਵੀ ਸੀਰੀਜ਼ ਦੇ ਮੁਕਾਬਲੇ ਵਧਿਆ ਹੋਇਆ ਜਾਪਦਾ ਹੈ। ਨਵੇਂ ਕਿਰਦਾਰਾਂ ਦੇ ਨਾਲ ਕਹਾਣੀ ਵਿੱਚ ਨਵੇਂ ਮੌੜ ਹਨ, ਇਸਦਾ ਬਿਹਤਰ ਅੰਦਾਜ਼ਾ ਫਿਲਮ ਦੇ ਟ੍ਰੇਲਰ ਦੇ ਰਿਲੀਜ਼ ਹੋਣ ਤੋਂ ਬਾਅਦ ਹੀ ਲੱਗੇਗਾ।
ਇੱਕ ਬਹੁਤ ਹੀ ਸਕਾਰਾਤਮਕ ਗੱਲ ਇਹ ਹੈ ਕਿ ਮਿਰਜ਼ਾਪੁਰ ਦ ਮੂਵੀ ਦੇ ਨਿਰਦੇਸ਼ਕ ਵੀ ਗੁਰਮੀਤ ਸਿੰਘ ਹੀ ਹਨ, ਜਿਨ੍ਹਾਂ ਨੇ ਸ਼ੁਰੂ ਤੋਂ ਹੀ ਵੈੱਬ ਸੀਰੀਜ਼ ਨੂੰ ਸੰਭਾਲਿਆ ਹੈ। ਇਸਦਾ ਮਤਲਬ ਹੈ ਕਿ ਕਹਾਣੀ ਪੂਰੀ ਤਰ੍ਹਾਂ ਭਰੋਸੇਮੰਦ ਹੱਥਾਂ ਵਿੱਚ ਹੈ। ਇਹ ਦੇਖਣਾ ਬਾਕੀ ਹੈ ਕਿ ਮਿਰਜ਼ਾਪੁਰ ਦ ਮੂਵੀ ਵੈੱਬ ਸੀਰੀਜ਼ ਦੇ ਮੁਕਾਬਲੇ ਕਿਹੜੀਆਂ ਨਵੀਆਂ ਅਤੇ ਦਿਲਚਸਪ ਚੀਜ਼ਾਂ ਲਿਆਉਂਦੀ ਹੈ। ਇਹ ਫਿਲਮ 4 ਸਤੰਬਰ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਣ ਦੇ ਲਈ ਤਿਆਰ ਹੈ।
