ਸੈਨ ਫਰਾਂਸਿਸਕੋ, 14 ਸਤੰਬਰ, 2026 (ਕਾਜਲ) : ਸਾਬਕਾ Anthropic ਖੋਜਕਰਤਾ ਜੈਕਬ ਕੌਕਸਨ ਨੇ ਤੇਜ਼ੀ ਨਾਲ ਹੋ ਰਹੇ AI ਵਿਕਾਸ ਨੂੰ ਲੈ ਕੇ ਮੁੜ ਚਿੰਤਾ ਜਤਾਈ ਹੈ। ਉਨ੍ਹਾਂ ਨੇ AI ਸਿਸਟਮਾਂ ’ਤੇ ਮਨੁੱਖੀ ਕੰਟਰੋਲ ਯਕੀਨੀ ਬਣਾਉਣ ਲਈ ਲੋੜ ਪੈਣ ’ਤੇ ‘ਕਿੱਲ ਸਵਿੱਚ’ ਵਰਗੇ ਐਮਰਜੈਂਸੀ ਪ੍ਰਬੰਧ ਲਾਗੂ ਕਰਨ ਦੀ ਵਕਾਲਤ ਕੀਤੀ। NBC News ਨਾਲ ਗੱਲਬਾਤ ਦੌਰਾਨ ਕੌਕਸਨ ਨੇ ਕਿਹਾ ਕਿ ਮੌਜੂਦਾ AI ਸਿਸਟਮਾਂ ਨੂੰ ਐਮਰਜੈਂਸੀ ਵਿੱਚ ਬੰਦ ਕਰਨਾ ਸੰਭਵ ਹੈ, ਪਰ ਭਵਿੱਖ ਵਿੱਚ ਬਹੁਤ ਜ਼ਿਆਦਾ ਖੁਦਮੁਖਤਿਆਰ AI ਲਈ ਇਹ ਤਰੀਕਾ ਪ੍ਰਭਾਵਸ਼ਾਲੀ ਨਾ ਵੀ ਰਹਿ ਸਕਦਾ ਹੈ। ਉਨ੍ਹਾਂ AI ਕੰਪਨੀਆਂ ਨੂੰ ਖੁਦ ਨਿਯਮ ਬਣਾਉਣ ਅਤੇ ਵਿਕਾਸ ਦੀ ਰਫ਼ਤਾਰ ਨੂੰ ਸੰਭਲ ਕੇ ਅੱਗੇ ਵਧਾਉਣ ਦੀ ਅਪੀਲ ਕੀਤੀ। ਕੌਕਸਨ ਨੇ ਚੇਤਾਵਨੀ ਦਿੱਤੀ ਕਿ ਭਵਿੱਖ ਦੇ ‘ਸੁਪਰਇੰਟੈਲੀਜੈਂਟ’ AI ਸਿਸਟਮ ਬਹੁਤ ਸ਼ਕਤੀਸ਼ਾਲੀ ਹੋ ਸਕਦੇ ਹਨ ਅਤੇ ਮਨੁੱਖਤਾ ਲਈ ਗੰਭੀਰ ਖਤਰਾ ਪੈਦਾ ਕਰ ਸਕਦੇ ਹਨ। AI ਵਿਕਾਸ ਦੀ ਰਫ਼ਤਾਰ ਹੌਲੀ ਕਰਨ ਦੀ ਇਸ ਬਹਿਸ ਵਿੱਚ Anthropic ਦੇ CEO Dario Amodei, OpenAI ਦੇ Sam Altman, Tesla ਦੇ Elon Musk ਅਤੇ Google ਦੇ Demis Hassabis ਸਮੇਤ ਕਈ ਟੈਕ ਆਗੂਆਂ ਨੇ ਵੀ AI ਸੁਰੱਖਿਆ ਅਤੇ ਮਨੁੱਖੀ ਨਿਗਰਾਨੀ ਦੀ ਲੋੜ ’ਤੇ ਜ਼ੋਰ ਦਿੱਤਾ ਹੈ।
