ਨਵੀਂ ਦਿੱਲੀ, 16 ਸਤੰਬਰ, 2026 (ਸ਼ਹੀਦ-ਏ-ਆਜ਼ਮ ਬਿਊਰੋ) : ਭਾਰਤ ਵਿੱਚ ਬੁੱਧਵਾਰ ਨੂੰ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ਵਿੱਚ ਵਾਧਾ ਦਰਜ ਕੀਤਾ ਗਿਆ। ਐੱਮਸੀਐਕਸ’ਤੇ ਸਵੇਰੇ 10:21 ਵਜੇ ਅਕਤੂਬਰ ਵਾਇਦਾ ਸੋਨਾ ਰੁ: 1,51,590 ਪ੍ਰਤੀ 10 ਗ੍ਰਾਮ ’ਤੇ ਕਾਰੋਬਾਰ ਕਰ ਰਿਹਾ ਸੀ, ਜੋ ਪਿਛਲੇ ਪੱਧਰ ਨਾਲੋਂ ਰੁ:781 ਵੱਧ ਸੀ। ਦਸੰਬਰ ਵਾਇਦਾ ਚਾਂਦੀ ਵੀ ਰੁ: 2,35,102 ਪ੍ਰਤੀ ਕਿਲੋਗ੍ਰਾਮ ਤੱਕ ਪਹੁੰਚ ਗਈ।
ਰਿਟੇਲ ਬਾਜ਼ਾਰ ਵਿੱਚ 24 ਕੈਰਟ ਸੋਨੇ ਦਾ ਭਾਅ ਲਗਭਗ ਰੁ: 15,344 ਪ੍ਰਤੀ ਗ੍ਰਾਮ, 22 ਕੈਰਟ ਰੁ: 14,065 ਅਤੇ 18 ਕੈਰਟ ਰੁ:11,508 ਪ੍ਰਤੀ ਗ੍ਰਾਮ ਦਰਜ ਕੀਤਾ ਗਿਆ। ਇਸ ਹਿਸਾਬ ਨਾਲ 10 ਗ੍ਰਾਮ 24 ਕੈਰਟ ਸੋਨਾ ਲਗਭਗ ਰੁ:1,53,440 ਰਿਹਾ। ਇਹ ਦਰਾਂ ਸੰਕੇਤਕ ਹਨ ਅਤੇ ਇਨ੍ਹਾਂ ਵਿੱਚ ਜੀਐਸਟੀ , ਮੇਕਿੰਗ ਚਾਰਜ ਜਾਂ ਹੋਰ ਸਥਾਨਕ ਖਰਚੇ ਸ਼ਾਮਲ ਨਹੀਂ ਹਨ।
ਅੰਤਰਰਾਸ਼ਟਰੀ ਬਾਜ਼ਾਰ ਵਿੱਚ ਵੀ ਸੋਨੇ ਦੀ ਕੀਮਤ ਵਧੀ। ਰਾਇਟਰਜ਼ ਮੁਤਾਬਕ ਸਪਾਟ ਗੋਲਡ ਲਗਭਗ 0.8% ਵਧ ਕੇ $4,326.83 ਪ੍ਰਤੀ ਔਂਸ ਹੋਇਆ, ਜਦਕਿ ਚਾਂਦੀ 1.5% ਵਧ ਕੇ $64.59 ਪ੍ਰਤੀ ਔਂਸ ਰਹੀ। ਬਾਜ਼ਾਰ ਦੀ ਨਜ਼ਰ ਅਮਰੀਕੀ ਫੈਡਰਲ ਰਿਜ਼ਰਵ ਦੇ ਨੀਤੀ ਫੈਸਲੇ ’ਤੇ ਹੈ।
ਮਾਹਿਰਾਂ ਮੁਤਾਬਕ ਅਮਰੀਕੀ ਵਿਆਜ ਦਰਾਂ, ਡਾਲਰ ਦੀ ਚਾਲ, ਵਿਸ਼ਵ ਪੱਧਰੀ ਭੂ-ਰਾਜਨੀਤਿਕ ਹਾਲਾਤ ਅਤੇ ਨਿਵੇਸ਼ਕਾਂ ਦੀ ਮੰਗ ਸੋਨੇ-ਚਾਂਦੀ ਦੇ ਭਾਅ ਨੂੰ ਪ੍ਰਭਾਵਿਤ ਕਰਨ ਵਾਲੇ ਮੁੱਖ ਕਾਰਕ ਹਨ। ਇਸ ਲਈ ਗਹਿਣਿਆਂ ਦੀ ਖਰੀਦ ਕਰਦੇ ਸਮੇਂ ਸਥਾਨਕ ਜੌਹਰੀ ਦਾ ਤਾਜ਼ਾ ਭਾਅ ਅਤੇ ਮੇਕਿੰਗ ਚਾਰਜ ਜ਼ਰੂਰ ਜਾਂਚਣਾ ਚਾਹੀਦਾ ਹੈ।
