ਇਸਲਾਮਾਬਾਦ, 31 ਜੁਲਾਈ, 2026 (ਜਤਿੰਦਰ ਗਰਗ) : ਪਾਕਿਸਤਾਨ ਦੇ ਕਰਾਕੋਰਮ ਪਹਾੜੀ ਖੇਤਰ ਵਿੱਚ ਸਥਿਤ ਬ੍ਰਾਡ ਪੀਕ ‘ਤੇ ਹਿਮਸਖਲਨ (ਐਵਲਾਂਚ) ਦੀ ਘਟਨਾ ਤੋਂ ਬਾਅਦ ਨੇਪਾਲ ਦੇ ਮਸ਼ਹੂਰ ਪਹਾੜ ਚੜ੍ਹਾਈਕਾਰ ਨਿਰਮਲ ਪੁਰਜਾ ਸਮੇਤ 10 ਪਹਾੜੀ ਅਭਿਆਨਕਾਰਾਂ ਦੇ ਲਾਪਤਾ ਹੋਣ ਦੀ ਖ਼ਬਰ ਹੈ।
ਅਧਿਕਾਰੀਆਂ ਮੁਤਾਬਕ ਇਹ ਹਾਦਸਾ ਕਰੀਬ 7,000 ਮੀਟਰ ਦੀ ਉਚਾਈ ‘ਤੇ ਵਾਪਰਿਆ, ਜਿੱਥੇ ਪਹਾੜ ਚੜ੍ਹਾਈ ਕਰਨ ਵਾਲੀ ਟੀਮ ਹਿਮਸਖਲਨ ਦੀ ਲਪੇਟ ਵਿੱਚ ਆ ਗਈ। ਲਾਪਤਾ ਵਿਅਕਤੀਆਂ ਵਿੱਚ ਪੰਜ ਨੇਪਾਲੀ ਅਤੇ ਪੰਜ ਵਿਦੇਸ਼ੀ ਪਹਾੜ ਚੜ੍ਹਾਈਕਾਰ ਸ਼ਾਮਲ ਹਨ। ਖਰਾਬ ਮੌਸਮ ਅਤੇ ਮੁਸ਼ਕਲ ਪਹਾੜੀ ਹਾਲਾਤਾਂ ਕਾਰਨ ਬਚਾਅ ਕਾਰਜਾਂ ਨੂੰ ਵੱਡੀਆਂ ਰੁਕਾਵਟਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਹੈਲੀਕਾਪਟਰਾਂ ਲਈ ਲੈਂਡਿੰਗ ਕਰਨਾ ਵੀ ਚੁਣੌਤੀਪੂਰਨ ਬਣਿਆ ਹੋਇਆ ਹੈ, ਜਿਸ ਕਾਰਨ ਖੋਜ ਮੁਹਿੰਮ ਹੌਲੀ ਗਤੀ ਨਾਲ ਅੱਗੇ ਵੱਧ ਰਹੀ ਹੈ।
ਨਿਰਮਲ ਪੁਰਜਾ ਦੁਨੀਆ ਦੇ ਮਸ਼ਹੂਰ ਉੱਚਾਈ ਵਾਲੇ ਪਹਾੜ ਚੜ੍ਹਾਈਕਾਰਾਂ ਵਿੱਚ ਗਿਣੇ ਜਾਂਦੇ ਹਨ। ਉਨ੍ਹਾਂ ਨੇ 2019 ਵਿੱਚ ਸਾਰੇ 14 ਅੱਠ ਹਜ਼ਾਰ ਮੀਟਰ ਤੋਂ ਉੱਚੇ ਪਹਾੜਾਂ ਨੂੰ ਰਿਕਾਰਡ ਸਮੇਂ ਵਿੱਚ ਸਰ ਕਰਕੇ ਵਿਸ਼ਵ ਪੱਧਰ ‘ਤੇ ਖਾਸ ਪਛਾਣ ਬਣਾਈ ਸੀ।ਪਾਕਿਸਤਾਨ ਅਤੇ ਨੇਪਾਲ ਦੇ ਅਧਿਕਾਰੀ ਲਗਾਤਾਰ ਸੰਪਰਕ ਵਿੱਚ ਹਨ ਅਤੇ ਲਾਪਤਾ ਪਹਾੜ ਚੜ੍ਹਾਈਕਾਰਾਂ ਦੀ ਭਾਲ ਲਈ ਹਰ ਸੰਭਵ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
