ਸਪੋਰਟਸ, 21 ਜੁਲਾਈ, 2026 (ਹਰਸ਼ਲੀਨ ਸਿੰਘ): ਆਸਟ੍ਰੇਲੀਆ ਨੇ ਬੰਗਲਾਦੇਸ਼ ਖ਼ਿਲਾਫ਼ ਹੋਣ ਵਾਲੀ 2 ਟੈਸਟ ਮੈਚਾਂ ਦੀ ਸੀਰੀਜ਼ ਲਈ ਆਪਣੀ 13 ਮੈਂਬਰੀ ‘Full-strength’ (ਪੂਰੀ ਤਰ੍ਹਾਂ ਮਜ਼ਬੂਤ) ਟੀਮ ਦਾ ਐਲਾਨ ਕਰ ਦਿੱਤਾ ਹੈ। ਇੱਕ ਸਾਲ ਵਿੱਚ ਇਹ ਪਹਿਲਾ ਮੌਕਾ ਹੈ ਜਦੋਂ ਆਸਟ੍ਰੇਲੀਆ ਆਪਣੀ ਸਭ ਤੋਂ ਮਜ਼ਬੂਤ ਟੀਮ ਨਾਲ ਮੈਦਾਨ ਵਿੱਚ ਉੱਤਰੇਗਾ। ਟੀਮ ਵਿੱਚ ਕਪਤਾਨ ਪੈਟ ਕਮਿੰਸ ਤੋਂ ਇਲਾਵਾ ਤੇਜ਼ ਗੇਂਦਬਾਜ਼ ਜੋਸ਼ ਹੇਜ਼ਲਵੁੱਡ ਅਤੇ ਸਪਿਨਰ ਨੇਥਨ ਲਿਓਨ ਦੀ ਸੱਟਾਂ ਤੋਂ ਬਾਅਦ ਵਾਪਸੀ ਹੋਈ ਹੈ।
ਸਾਲ 2003 ਤੋਂ ਬਾਅਦ ਬੰਗਲਾਦੇਸ਼ ਦਾ ਇਹ ਪਹਿਲਾ ਆਸਟ੍ਰੇਲੀਆਈ ਟੈਸਟ ਦੌਰਾ ਹੈ। ਸੀਰੀਜ਼ ਦਾ ਪਹਿਲਾ ਮੈਚ 13 ਤੋਂ 17 ਅਗਸਤ ਤੱਕ ਡਾਰਵਿਨ ਅਤੇ ਦੂਜਾ ਮੈਚ 22 ਤੋਂ 26 ਅਗਸਤ ਤੱਕ ਮੈਕੇ ਵਿਖੇ ਖੇਡਿਆ ਜਾਵੇਗਾ। ਉਸਮਾਨ ਖਵਾਜਾ ਦੇ ਸੰਨਿਆਸ ਤੋਂ ਬਾਅਦ ਟੀਮ ਵਿੱਚ ਟੌਪ-6 ਬੱਲੇਬਾਜ਼ਾਂ ਲਈ ਟ੍ਰੈਵਿਸ ਹੈੱਡ, ਸਟੀਵ ਸਮਿਥ, ਮਾਰਨਸ ਲਾਬੂਸ਼ੇਨ ਅਤੇ ਜੇਕ ਵੈਦਰਾਲਡ ਵਰਗੇ ਖਿਡਾਰੀ ਸ਼ਾਮਲ ਹਨ।
ਆਸਟ੍ਰੇਲੀਆਈ ਟੀਮ: ਪੈਟ ਕਮਿੰਸ (ਕਪਤਾਨ), ਸਕਾਟ ਬੋਲੈਂਡ, ਐਲੇਕਸ ਕੈਰੀ, ਕੈਮਰਨ ਗ੍ਰੀਨ, ਜੋਸ਼ ਹੇਜ਼ਲਵੁੱਡ, ਟ੍ਰੈਵਿਸ ਹੈੱਡ, ਜੋਸ਼ ਇੰਗਲਿਸ, ਮਾਰਨਸ ਲਾਬੂਸ਼ੇਨ, ਨੇਥਨ ਲਿਓਨ, ਸਟੀਵ ਸਮਿਥ, ਮਿਚਲ ਸਟਾਰਕ, ਜੇਕ ਵੈਦਰਾਲਡ, ਬੋ ਵੈਬਸਟਰ।
