ਕੁਰੂਕਸ਼ੇਤਰ, 22 ਸਤੰਬਰ, 2026 (ਸੰਜੀਵ ਸ਼ਰਮਾ): ਜ਼ਿਲ੍ਹਾ ਖੇਡ ਅਧਿਕਾਰੀ ਮਨੋਜ ਕੁਮਾਰ ਨੇ ਦੱਸਿਆ ਕਿ ਖੇਡ ਵਿਭਾਗ ਵੱਲੋਂ ਇੱਕ ਰੋਜ਼ਾ ਜ਼ਿਲ੍ਹਾ ਪੱਧਰੀ ਯੋਗਾਸਨ ਮੁਕਾਬਲਾ-2026 ਦਾ ਆਯੋਜਨ 27 ਸਤੰਬਰ ਨੂੰ ਕੀਤਾ ਜਾਵੇਗਾ। ਇਸ ਵਿੱਚ ਤਿੰਨ ਉਮਰ ਵਰਗਾਂ ਅਧੀਨ ਚਾਰ-ਚਾਰ ਤਰ੍ਹਾਂ ਦੇ ਮੁਕਾਬਲੇ ਕਰਵਾਏ ਜਾਣਗੇ। ਭਾਗ ਲੈਣ ਵਾਲੇ ਖਿਡਾਰੀ ਸਮੇਂ ਸਿਰ ਦ੍ਰੋਣਾਚਾਰਿਆ ਸਟੇਡੀਅਮ ਵਿਖੇ ਪਹੁੰਚਣਾ ਯਕੀਨੀ ਬਣਾਉਣ।
ਉਨ੍ਹਾਂ ਦੱਸਿਆ ਕਿ ਪਿਛਲੇ ਸਾਲਾਂ ਦੀ ਤਰ੍ਹਾਂ ਇਸ ਸਾਲ ਵੀ ਖੇਡ ਵਿਭਾਗ, ਹਰਿਆਣਾ ਵੱਲੋਂ ਜ਼ਿਲ੍ਹਾ ਪੱਧਰੀ ਯੋਗਾਸਨ ਮੁਕਾਬਲਾ-2026 (ਲੜਕੇ ਅਤੇ ਲੜਕੀਆਂ) 27 ਸਤੰਬਰ 2026 ਨੂੰ ਦ੍ਰੋਣਾਚਾਰਿਆ ਸਟੇਡੀਅਮ ਕੁਰੂਕਸ਼ੇਤਰ ਦੇ ਯੋਗਾ ਹਾਲ ਵਿੱਚ ਕਰਵਾਇਆ ਜਾ ਰਿਹਾ ਹੈ। ਇਸ ਵਿੱਚ 9 ਤੋਂ 14 ਸਾਲ, 15 ਤੋਂ 18 ਸਾਲ ਅਤੇ 19 ਤੋਂ 28 ਸਾਲ ਦੇ ਉਮਰ ਵਰਗਾਂ ਲਈ ਪਰੰਪਰਾਗਤ ਯੋਗਾਸਨ, ਆਰਟਿਸਟਿਕ ਸਿੰਗਲ, ਆਰਟਿਸਟਿਕ ਜੋੜੀ ਅਤੇ ਰਿਦਮਿਕ ਜੋੜੀ ਦੇ ਮੁਕਾਬਲੇ ਸ਼ਾਮਲ ਹੋਣਗੇ।
ਉਨ੍ਹਾਂ ਦੱਸਿਆ ਕਿ ਪਰੰਪਰਾਗਤ ਯੋਗਾਸਨ ਵਿੱਚ 3 ਲੜਕੇ ਅਤੇ 3 ਲੜਕੀਆਂ, ਆਰਟਿਸਟਿਕ ਸਿੰਗਲ ਵਿੱਚ 3 ਲੜਕੇ ਅਤੇ 3 ਲੜਕੀਆਂ, ਆਰਟਿਸਟਿਕ ਜੋੜੀ ਵਿੱਚ 3 ਲੜਕੇ ਅਤੇ 3 ਲੜਕੀਆਂ ਅਤੇ ਰਿਦਮਿਕ ਜੋੜੀ ਵਿੱਚ ਵੀ 3 ਲੜਕੇ ਅਤੇ 3 ਲੜਕੀਆਂ ਭਾਗ ਲੈਣਗੇ। ਜ਼ਿਲ੍ਹਾ ਖੇਡ ਅਧਿਕਾਰੀ ਨੇ ਦੱਸਿਆ ਕਿ ਮੁਕਾਬਲੇ ਸਵੇਰੇ 7 ਵਜੇ ਤੋਂ ਸ਼ੁਰੂ ਕੀਤੇ ਜਾਣਗੇ। ਇਸ ਵਿੱਚ ਪਹਿਲਾ, ਦੂਜਾ ਅਤੇ ਤੀਜਾ ਸਥਾਨ ਹਾਸਲ ਕਰਨ ਵਾਲੇ ਜੇਤੂ ਖਿਡਾਰੀਆਂ ਨੂੰ ਕ੍ਰਮਵਾਰ 1000 ਰੁਪਏ, 700 ਰੁਪਏ ਅਤੇ 500 ਰੁਪਏ ਦਾ ਨਕਦ ਇਨਾਮ ਦਿੱਤੇ ਜਾਣ ਦਾ ਪ੍ਰਬੰਧ ਹੈ। ਭਾਗ ਲੈਣ ਵਾਲੇ ਖਿਡਾਰੀ ਆਪਣੀ ਉਮਰ ਦੀ ਪੁਸ਼ਟੀ ਲਈ ਆਧਾਰ ਕਾਰਡ ਦੀ ਕਾਪੀ ਆਪਣੇ ਸਕੂਲ ਜਾਂ ਕਾਲਜ ਤੋਂ ਤਸਦੀਕ ਕਰਵਾ ਕੇ ਆਪਣੇ ਨਾਲ ਲੈ ਕੇ ਆਉਣ।
