ਮਨੋਰੰਜਨ, 16 ਜੁਲਾਈ, 2026 (ਹਰਸ਼ਪ੍ਰੀਤ ਕੌਰ):ਆਮਿਰ ਖਾਨ ਅਤੇ ਗੌਰੀ ਸਪ੍ਰੈਟ ਨੇ ਇਸੇ ਮਹੀਨੇ ਦੇ ਸ਼ੁਰੂ ਵਿੱਚ ਅਦਾਕਾਰ ਦੇ ਮੁੰਬਈ ਸਥਿਤ ਘਰ ਵਿੱਚ ਪਰਿਵਾਰ ਅਤੇ ਕਰੀਬੀ ਦੋਸਤਾਂ ਦੀ ਮੌਜੂਦਗੀ ਵਿੱਚ ਇੱਕ ਨਿੱਜੀ ਸਮਾਰੋਹ ਦੌਰਾਨ ਵਿਆਹ ਕਰਵਾ ਲਿਆ। ਜਿੱਥੇ ਆਮਿਰ ਨਾਲ ਲੰਬੇ ਸਮੇਂ ਤੱਕ ਕੰਮ ਕਰਨ ਵਾਲੇ ਕਈ ਸਹਿਯੋਗੀ, ਜਿਨ੍ਹਾਂ ਵਿੱਚ ਰਾਜਕੁਮਾਰ ਹਿਰਾਨੀ ਅਤੇ ਆਸ਼ੂਤੋਸ਼ ਗੋਵਾਰੀਕਰ ਸ਼ਾਮਲ ਸਨ, ਇਸ ਵਿਆਹ ਵਿੱਚ ਪਹੁੰਚੇ, ਉੱਥੇ ਹੀ ਉਨ੍ਹਾਂ ਦੀਆਂ ਸਾਬਕਾ ਪਤਨੀਆਂ, ਰੀਨਾ ਦੱਤਾ ਅਤੇ ਕਿਰਨ ਰਾਓ ਦੀ ਗੈਰ-ਮੌਜੂਦਗੀ ਨੇ ਸਭ ਦਾ ਧਿਆਨ ਖਿੱਚਿਆ।
ਹੁਣ ਆਮਿਰ ਦੇ ਕਰੀਬੀ ਦੋਸਤ ਅਤੇ ‘ਲਗਾਨ’ ਫ਼ਿਲਮ ਦੇ ਸਹਿ-ਕਲਾਕਾਰ ਅਮੀਨ ਹਾਜੀ ਨੇ ਦੱਸਿਆ ਹੈ ਕਿ ਦੋਵੇਂ ਇਸ ਵਿਆਹ ਵਿੱਚ ਕਿਉਂ ਮੌਜੂਦ ਨਹੀਂ ਸਨ ਅਤੇ ਨਾਲ ਹੀ ਉਨ੍ਹਾਂ ਨੇ ਇਸ ਨਿੱਜੀ ਵਿਆਹ ਸਮਾਰੋਹ ਬਾਰੇ ਕੁਝ ਹੋਰ ਅਹਿਮ ਜਾਣਕਾਰੀਆਂ ਵੀ ਸਾਂਝੀਆਂ ਕੀਤੀਆਂ ਹਨ।
ਰੇਡਿਫ.ਕਾਮ (Rediff.com) ਨਾਲ ਗੱਲਬਾਤ ਕਰਦਿਆਂ ਅਮੀਨ ਨੇ ਖੁਲਾਸਾ ਕੀਤਾ ਕਿ ਵਿਆਹ ਦੇ ਸਮੇਂ ਕਿਰਨ ਦੇਸ਼ ਤੋਂ ਬਾਹਰ ਸੀ। ਉਨ੍ਹਾਂ ਦੱਸਿਆ, “ਕਿਰਨ ਉਸ ਸਮੇਂ ਯੂ.ਕੇ. (ਬ੍ਰਿਟੇਨ) ਵਿੱਚ ਸੀ; ਹਾਲਾਂਕਿ ਆਜ਼ਾਦ (ਉਨ੍ਹਾਂ ਦਾ ਬੇਟਾ) ਵਿਆਹ ਵਿੱਚ ਸ਼ਾਮਲ ਹੋਣ ਲਈ ਵਾਪਸ ਇੰਡੀਆ ਆ ਗਿਆ ਸੀ।”
