ਪਟਿਆਲਾ : (ਬਲਜੀਤ ਸਰਨਾ) : ਤਾਜ਼ਾ ਮਾਮਲਾ ਪਟਿਆਲਾ ਦੇ ਤੋਪਖਾਨਾ ਮੋੜ ਦੇ ਨਜ਼ਦੀਕ ਸਥਿਤ ‘ਚਰਨ ਜੂਸ’ (Charan Juice) ਦੀ ਦੁਕਾਨ ਦਾ ਹੈ, ਜਿਸ ਦੀ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਇਸ ਵੀਡੀਓ ਨੇ ਸ਼ਹਿਰ ਵਾਸੀਆਂ ਵਿੱਚ ਦਹਿਸ਼ਤ ਅਤੇ ਗੁੱਸੇ ਦਾ ਮਾਹੌਲ ਪੈਦਾ ਕਰ ਦਿੱਤਾ ਹੈ। ਸ਼ਹਿਰ ਪਟਿਆਲਾ ਵਿੱਚ ਹੀ ਸਿਹਤ ਮਹਿਕਮੇ ਦੀ ਕਥਿਤ ਲਾਪਰਵਾਹੀ ਸਾਹਮਣੇ ਆਈ ਹੈ।
ਵੀਡੀਓ ਵਿੱਚ ਕੀ ਹੈ?
ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਵੀਡੀਓ ਵਿੱਚ ਸਾਫ਼ ਦੇਖਿਆ ਜਾ ਸਕਦਾ ਹੈ ਕਿ ਜੂਸ ਕੱਢਣ ਲਈ ਰੱਖੇ ਗਏ ਤਾਜ਼ੇ ਫਲਾਂ ਦੇ ਉੱਪਰ ਇੱਕ ਵੱਡਾ ਚੂਹਾ ਬੜੀ ਆਰਾਮ ਨਾਲ ਘੁੰਮ ਰਿਹਾ ਹੈ। ਇੰਨਾ ਹੀ ਨਹੀਂ, ਚੂਹਾ ਫਲਾਂ ਨੂੰ ਟੁੱਕਦਾ (ਖਾਂਦਾ) ਵੀ ਦਿਖਾਈ ਦੇ ਰਿਹਾ ਹੈ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਇਨ੍ਹਾਂ ਹੀ ਜੂਠੇ ਅਤੇ ਸੰਕਰਮਿਤ ਹੋ ਚੁੱਕੇ ਫਲਾਂ ਦਾ ਜੂਸ ਕੱਢ ਕੇ ਗਾਹਕਾਂ ਨੂੰ ਪਿਲਾਇਆ ਜਾ ਰਿਹਾ ਹੈ, ਜੋ ਕਿ ਸਿੱਧੇ ਤੌਰ ‘ਤੇ ਲੋਕਾਂ ਦੀ ਜਾਨ ਨਾਲ ਖਿਲਵਾੜ ਹੈ।
ਸਿਹਤ ਮਹਿਕਮੇ ਦੀ ਕਾਰਜਪ੍ਰਣਾਲੀ ‘ਤੇ ਸਵਾਲ
ਇਸ ਘਟਨਾ ਤੋਂ ਬਾਅਦ ਸਥਾਨਕ ਲੋਕਾਂ ਵਿੱਚ ਭਾਰੀ ਰੋਸ ਹੈ। ਲੋਕਾਂ ਦਾ ਕਹਿਣਾ ਹੈ ਕਿ:
- ਸਿਹਤ ਵਿਭਾਗ ਦੀਆਂ ਟੀਮਾਂ ਅਜਿਹੀਆਂ ਦੁਕਾਨਾਂ ਦੀ ਨਿਯਮਤ ਚੈਕਿੰਗ ਕਿਉਂ ਨਹੀਂ ਕਰਦੀਆਂ?
- ਜੇਕਰ ਕੋਈ ਭਿਆਨਕ ਬਿਮਾਰੀ ਫੈਲਦੀ ਹੈ, ਤਾਂ ਉਸਦਾ ਜ਼ਿੰਮੇਵਾਰ ਕੌਣ ਹੋਵੇਗਾ?
ਦੁਕਾਨ ਮਾਲਕ ਦਾ ਸਫਾਈ ਰੱਖਣ ਦਾ ਦਾਅਵਾ
ਦੁਕਾਨ ਮਾਲਕ ਵੱਲੋਂ ਸਫਾਈ ਰੱਖਣ ਦਾ ਦਾਅਵਾ ਕੀਤਾ ਜਾ ਰਿਹਾ ਹੈ। ਉਹਨਾਂ ਮੁਤਾਬਿਕ ਇਹ ਓਪਨ ਏਰੀਆ ਹੈ ਚੂਹੇ ਘੁੰਮਦੇ ਰਹਿੰਦੇ ਹਨ ਪਰ ਉਹ ਫਲਾਂ ਨੂੰ ਧੋਣ ਤੋਂ ਲੈ ਕੇ ਜੂਸ ਬਨਾਉਣ ਤੱਕ ਪੂਰਾ ਧਿਆਨ ਰੱਖਦੇ ਹਨ।
