ਅਮਰੀਕਾ, 8 ਦਸੰਬਰ:( ਸ਼.ਅ.ਬਿਓਰੋ): ਰੂਸ-ਯੂਕਰੇਨ ਯੁੱਧ ਨੂੰ ਖਤਮ ਕਰਨ ਲਈ ਚੱਲ ਰਹੀ ਅੰਤਰਰਾਸ਼ਟਰੀ ਕਵਾਇਦ ਵਿੱਚ ਉਸ ਵੇਲੇ ਨਵਾਂ ਮੋੜ ਆ ਗਿਆ, ਜਦੋਂ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਦਾਅਵਾ ਕੀਤਾ ਕਿ ਯੂਕਰੇਨ ਦੇ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੇਲੇਂਸਕੀ ਅਮਰੀਕਾ ਦੁਆਰਾ ਤਿਆਰ ਕੀਤੇ ਸ਼ਾਂਤੀ ਪ੍ਰਸਤਾਵ ’ਤੇ ਦਸਤਖ਼ਤ ਕਰਨ ਲਈ “ਤਿਆਰ ਨਹੀਂ” ਹਨ।
ਟਰੰਪ ਨੇ ਐਤਵਾਰ ਰਾਤ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਕਿਹਾ ਕਿ ਜਦੋਂਕਿ ਯੂਕਰੇਨੀ ਵਾਰਤਾਕਾਰਾਂ ਨੇ ਅਮਰੀਕੀ ਪ੍ਰਸਤਾਵ ਨੂੰ ਸਿਰਧਾਰਿਆ ਹੈ, ਪਰ ਜ਼ੇਲੇਂਸਕੀ ਨੇ ਖੁਦ ਹਾਲੇ ਤੱਕ ਇਸਦਾ ਅਧਿਐਨ ਨਹੀਂ ਕੀਤਾ।
“ਮੈਂ ਥੋੜ੍ਹਾ ਨਿਰਾਸ਼ ਹਾਂ ਕਿ ਜ਼ੇਲੇਂਸਕੀ ਨੇ ਅਜੇ ਤੱਕ ਪ੍ਰਸਤਾਵ ਨਹੀਂ ਪੜ੍ਹਿਆ। ਉਨ੍ਹਾਂ ਦੀ ਟੀਮ ਨੂੰ ਇਹ ਪਸੰਦ ਹੈ, ਪਰ ਉਹ ਖੁਦ ਤਿਆਰ ਨਹੀਂ,” ਟਰੰਪ ਨੇ ਕਿਹਾ।
ਟਰੰਪ ਨੇ ਇਹ ਵੀ ਕਿਹਾ ਕਿ ਰੂਸ ਨੂੰ ਅਮਰੀਕੀ ਪ੍ਰਸਤਾਵ ਨਾਲ ਵੱਡੀ ਅੜਚਣ ਨਹੀਂ ਹੋ ਸਕਦੀ, ਪਰ ਉਹ ਪੱਕੇ ਨਹੀਂ ਕਿ ਜ਼ੇਲੇਂਸਕੀ ਇਸਨੂੰ ਕਬੂਲ ਕਰੇਗਾ। ਹਾਲਾਂਕਿ, ਰੂਸੀ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਪਹਿਲਾਂ ਹੀ ਕਹਿ ਚੁੱਕੇ ਹਨ ਕਿ ਪ੍ਰਸਤਾਵ ਦੇ ਕੁਝ ਪਹਿਲੂ “ਅਵਿਵਹਾਰਕ” ਹਨ। ਇਸਦੇ ਬਾਵਜੂਦ, ਜਾਣਕਾਰੀ ਮੁਤਾਬਕ ਖਰੜਾ ਮਾਸਕੋ ਵੱਲ ਵਧੇਰੇ ਝੁਕਦਾ ਸੀ।
ਦੂਜੇ ਪਾਸੇ, ਜ਼ੇਲੇਂਸਕੀ ਨੇ ਕਿਹਾ ਕਿ ਉਨ੍ਹਾਂ ਨੇ ਯੂਕਰੇਨੀ ਵਫ਼ਦ ਨਾਲ ਗੱਲਬਾਤ ਕਰਨ ਵਾਲੇ ਅਮਰੀਕੀ ਅਧਿਕਾਰੀਆਂ ਨਾਲ “ਮਹੱਤਵਪੂਰਨ ਟੈਲੀਫੋਨ ਗੱਲਬਾਤ” ਕੀਤੀ ਹੈ। ਉਨ੍ਹਾਂ ਸੋਸ਼ਲ ਮੀਡੀਆ ’ਤੇ ਲਿਖਿਆ ਕਿ ਯੂਕਰੇਨ ਅਮਰੀਕਾ ਨਾਲ ਮਿਲ ਕੇ “ਸੱਚੀ ਸ਼ਾਂਤੀ” ਲਈ ਵਚਨਬੱਧ ਹੈ।
ਟਰੰਪ ਦੇ ਬਿਆਨ ਅਜਿਹੇ ਸਮੇਂ ਪਰਕਾਸ਼ ਵਿੱਚ ਆਏ ਹਨ, ਜਦੋਂ ਰੂਸ ਨੇ ਟਰੰਪ ਪ੍ਰਸ਼ਾਸਨ ਦੀ ਨਵੀਂ ਰਾਸ਼ਟਰੀ ਸੁਰੱਖਿਆ ਰਣਨੀਤੀ ਦਾ ਖੁੱਲ੍ਹੇਆਮ ਸਵਾਗਤ ਕੀਤਾ ਹੈ।
ਇਸ ਦੌਰਾਨ, ਬ੍ਰਿਟੇਨ, ਫਰਾਂਸ ਅਤੇ ਜਰਮਨੀ ਦੇ ਨੇਤਾ ਸੋਮਵਾਰ ਨੂੰ ਲੰਡਨ ਵਿੱਚ 2019 ਦੇ ਮੁਲਾਕਾਤ ਸ਼ਡਿਊਲ ਅਨੁਸਾਰ ਇਕੱਠੇ ਹੋਣਗੇ, ਜਿੱਥੇ ਯੂਕਰੇਨ ਸੰਕਟ ’ਤੇ ਗੰਭੀਰ ਚਰਚਾ ਹੋਣ ਦੀ ਸੰਭਾਵਨਾ ਹੈ।
ਸ਼ਾਂਤੀ ਗੱਲਬਾਤਾਂ ਦੇ ਸਮਾਪਤ ਹੋਣ ਵਾਲੇ ਦਿਨ ਹੀ ਯੂਕਰੇਨ ਵਿੱਚ ਰੂਸੀ ਮਿਸ਼ਾਈਲ, ਡਰੋਨ ਹਮਲਿਆਂ ਅਤੇ ਗੋਲਾਬਾਰੀ ਵਿੱਚ ਘੱਟੋ-ਘੱਟ ਚਾਰ ਲੋਕ ਮਾਰੇ ਗਏ, ਜਿਸ ਨਾਲ ਜ਼ਮੀਨੀ ਹਕੀਕਤ ਦੀ ਤਣਾਭਰੀ ਤਸਵੀਰ ਸਾਹਮਣੇ ਆਈ ਹੈ।
