ਅਤਲਾ ਖੁਰਦ ਦੀ ਨਿਸ਼ਠਾ ਤੇ ਮਿਹਨਤ ਨੇ ਪਾਰਟੀ ਅੰਦਰ ਇਕ ਵੱਖਰੀ ਪਛਾਣ ਬਣਾਈ ਹੈ।
ਤਰਨਤਾਰਨ (ਜਗਜੀਤ ਸਿੰਘ): ਤਰਨਤਾਰਨ ਜਿਮਨੀ ਚੋਣਾਂ ਵਿੱਚ ਜਿੱਥੇ ਸਾਰੇ ਸਿਆਸੀ ਪੱਖ ਆਪਣੇ ਉਮੀਦਵਾਰਾਂ ਦੀ ਹਿਮਾਇਤ ‘ਚ ਮੈਦਾਨ ਵਿੱਚ ਉਤਰੇ ਹੋਏ ਸਨ, ਉਥੇ ਸ਼੍ਰੋਮਣੀ ਅਕਾਲੀ ਦਲ ਦੇ ਜਨਰਲ ਸਕੱਤਰ ਗੁਰਤੇਜ ਸਿੰਘ ਅਤਲਾ ਖੁਰਦ ਨੇ ਆਪਣੀ ਜਾਨਦਾਰੀ ਤੇ ਮਿਹਨਤ ਨਾਲ ਪਾਰਟੀ ਵਰਕਰਾਂ ਦਾ ਹੌਸਲਾ ਵਧਾਇਆ।
ਚੋਣ ਪ੍ਰਚਾਰ ਦੌਰਾਨ ਅਕਾਲੀ ਦਲ ਨੇ ਵੱਖ-ਵੱਖ ਵਿੰਗਾਂ ਦੀਆਂ ਡਿਊਟੀਆਂ ਤਹਿਤ ਖਾਸ ਟੀਮਾਂ ਤਾਇਨਾਤ ਕੀਤੀਆਂ ਸਨ, ਜਿਨ੍ਹਾਂ ‘ਚ ਅਤਲਾ ਖੁਰਦ ਅਗੇ ਰਹੇ। ਉਨ੍ਹਾਂ ਦੇ ਸਮਰਪਣ ਤੇ ਪ੍ਰਯਾਸ ਦੀ ਸਾਰ੍ਹਾ ਕਰਦਿਆਂ ਪ੍ਰੇਮ ਅਰੋੜਾ (ਜਨਰਲ ਸਕੱਤਰ ਅਕਾਲੀ ਦਲ ਬਾਦਲ ਪੰਜਾਬ), ਯੂਥ ਵਿੰਗ ਪ੍ਰਧਾਨ ਝਿੰਜਰ, ਓਐਸਡੀ ਹਰਚਰਨ ਸਿੰਘ ਬੈਂਸ, ਬਲਵਿੰਦਰ ਸਿੰਘ ਭੂੰਦੜ ਅਤੇ ਐਸ.ਜੀ.ਪੀ.ਸੀ. ਦੇ ਬੁਲਾਰੇ ਗੁਰਪ੍ਰੀਤ ਸਿੰਘ ਝੱਬਰ ਸਮੇਤ ਕਈ ਨੇਤਾਵਾਂ ਨੇ ਉਨ੍ਹਾਂ ਨੂੰ ਸ਼ਾਬਾਸ਼ੀ ਦਿੱਤੀ।
ਗੁਰਤੇਜ ਸਿੰਘ ਅਤਲਾ ਖੁਰਦ ਪਾਰਟੀ ਦੀ ਹਰ ਚੋਣੀ ਮੁਹਿੰਮ ਵਿੱਚ ਅਹਿਮ ਭੂਮਿਕਾ ਨਿਭਾਉਂਦੇ ਆਏ ਹਨ ਅਤੇ ਮੈਦਾਨੀ ਪੱਧਰ ‘ਤੇ ਉਨ੍ਹਾਂ ਦੀ ਚੁਸਤ ਸੰਗਠਨਾਤਮਕ ਕਾਬਲੀਅਤ ਦੀ ਚਰਚਾ ਹਰ ਪਾਸੇ ਹੈ। ਪਾਰਟੀ ਸਰੋਤਾਂ ਅਨੁਸਾਰ, ਉਨ੍ਹਾਂ ਨੂੰ ਜਲਦ ਹੀ ਸ਼੍ਰੋਮਣੀ ਅਕਾਲੀ ਦਲ ਵੱਲੋਂ ਵੱਡੀ ਜ਼ਿੰਮੇਵਾਰੀ ਸੌਂਪੀ ਜਾ ਸਕਦੀ ਹੈ।
ਅਤਲਾ ਖੁਰਦ ਦੀ ਨਿਸ਼ਠਾ ਤੇ ਮਿਹਨਤ ਨੇ ਪਾਰਟੀ ਅੰਦਰ ਇਕ ਵੱਖਰੀ ਪਛਾਣ ਬਣਾਈ ਹੈ।
