ਅਬੋਟਸਫੋਰਡ (ਕੈਨੇਡਾ), 28 ਅਕਤੂਬਰ — ਪੰਜਾਬ ਦੇ ਦੋਰਾਹਾ (ਲੁਧਿਆਣਾ) ਨਾਲ ਸੰਬੰਧਤ ਪ੍ਰਮੁੱਖ ਭਾਰਤੀ ਉਦਯੋਗਪਤੀ ਦਰਸ਼ਨ ਸਿੰਘ ਸਹਸੀ (68) ਦੀ ਕੈਨੇਡਾ ਵਿੱਚ ਗੋਲੀ ਮਾਰ ਕੇ ਹਤਿਆ ਕਰ ਦਿੱਤੀ ਗਈ। ਉਹ ਕੇਨਮ ਇੰਟਰਨੈਸ਼ਨਲ ਦੇ ਪ੍ਰਧਾਨ ਸਨ, ਜੋ ਵਿਸ਼ਵ ਪੱਧਰ ‘ਤੇ ਟੈਕਸਟਾਈਲ ਰੀਸਾਈਕਲਿੰਗ ਖੇਤਰ ਦੀਆਂ ਵੱਡੀਆਂ ਕੰਪਨੀਆਂ ‘ਚੋਂ ਇੱਕ ਹੈ।
ਸੋਮਵਾਰ ਸਵੇਰੇ ਸਹਸੀ ਨੂੰ ਰਿਜਵਿਊ ਅਤੇ ਸਮਿਟ ਡਰਾਈਵ ‘ਤੇ ਕਾਰ ਵਿੱਚ ਬੈਠੇ ਸਮੇਂ ਅਣਪਛਾਤੇ ਹਮਲਾਵਰਾਂ ਨੇ ਗੋਲੀ ਮਾਰੀ। ਪੁਲਿਸ ਨੇ ਮੌਕੇ ‘ਤੇ ਪਹੁੰਚ ਕੇ ਜਾਂਚ ਸ਼ੁਰੂ ਕੀਤੀ ਅਤੇ ਇਲਾਕੇ ਵਿੱਚ ਸੁਰੱਖਿਆ ਵਧਾ ਦਿੱਤੀ।
ਪਰਿਵਾਰ ਨੇ ਕਿਹਾ ਕਿ ਸਹਸੀ ਦੀ ਕਿਸੇ ਨਾਲ ਕੋਈ ਦੁਸ਼ਮਣੀ ਨਹੀਂ ਸੀ। ਉਹ ਸਥਾਨਕ ਭਾਈਚਾਰੇ ਵਿੱਚ ਸਮਾਜ ਸੇਵਾ ਅਤੇ ਸਹਾਇਤਾ ਕਾਰਜਾਂ ਲਈ ਜਾਣੇ ਜਾਂਦੇ ਸਨ। ਪੁਲਿਸ ਨੇ ਕਤਲ ਨੂੰ ਨਿਸ਼ਾਨਾ ਬਣਾ ਕੇ ਕੀਤੀ ਹਿੰਸਾ ਦੱਸਿਆ ਹੈ ਅਤੇ ਮਾਮਲਾ ਏਕੀਕ੍ਰਿਤ ਕਤਲ ਜਾਂਚ ਟੀਮ ਨੂੰ ਸੌਂਪ ਦਿੱਤਾ ਗਿਆ ਹੈ।
