ਚੰਡੀਗੜ੍ਹ, 29 ਸਤੰਬਰ, 2026 (ਸੰਜੀਵ ਸ਼ਰਮਾ) : ਹਰਿਆਣਾ ਸਰਕਾਰ ਦੇ ਬਾਗਬਾਨੀ ਵਿਭਾਗ ਦੇ ਤਹਿਤ ਬਾਗਬਾਨੀ ਸਿਖਲਾਈ ਸੰਸਥਾਨ, ਉਚਾਨੀ (ਕਰਨਾਲ) ਵੱਲੋਂ ਅਕਤੂਬਰ 2026 ਮਹੀਨੇ ਵਿੱਚ ਵੱਖ-ਵੱਖ ਬਾਗਬਾਨੀ ਵਿਸ਼ਿਆਂ ‘ਤੇ ਪੰਜ ਦਿਨਾਂ ਸਿਖਲਾਈ ਪ੍ਰੋਗਰਾਮਾਂ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ। ਇਸ ਸਿਖਲਾਈ ਪ੍ਰੋਗਰਾਮ ਵਿੱਚ ਹਿੱਸਾ ਲੈਣ ਲਈਹਰਿਆਣਾ ਰਾਜ ਦੇ ਸਾਰੇ ਜ਼ਿਲ੍ਹਿਆਂ ਦੇ ਚਾਹਵਾਨ ਉਮੀਦਵਾਰ ਬਾਗਬਾਨੀ ਵਿਭਾਗ ਦੀ ਅਧਿਕਾਰਤ ਵੈਬਸਾਈਟ kaushal.hortharyana.gov.in ਰਾਹੀਂ ਆਨਲਾਈਨ ਅਰਜ਼ੀ ਦੇ ਸਕਦੇ ਹਨ। ਇੱਕ ਸਰਕਾਰੀ ਬੁਲਾਰੇ ਨੇ ਦੱਸਿਆ ਕਿ ਬਿਨੈਕਾਰਾਂ ਦੀ ਘੱਟੋ-ਘੱਟ ਉਮਰ 18 ਸਾਲ ਹੋਣੀ ਚਾਹੀਦੀ ਹੈ ਅਤੇ ਉਮੀਦਵਾਰਾਂ ਦੀ ਚੋਣ ‘ਪਹਿਲਾਂ ਆਓ, ਪਹਿਲਾਂ ਪਾਓ’ ਦੇ ਆਧਾਰ ‘ਤੇ ਕੀਤੀ ਜਾਵੇਗੀ। ਰਜਿਸਟਰਡ ਉਮੀਦਵਾਰਾਂ ਨੂੰ ਸਿਖਲਾਈ ਲਈ ਆਉਂਦੇ ਸਮੇਂ ਆਪਣਾ ਆਧਾਰ ਕਾਰਡ, ਬੈਂਕ ਪਾਸਬੁੱਕ ਅਤੇ ਪੈਨ ਕਾਰਡ ਨਾਲ ਲਿਆਉਣਾ ਲਾਜ਼ਮੀ ਹੈ। ਯੋਜਨਾ ਦੇ ਤਹਿਤ ਸਿਖਿਆਰਥੀਆਂ ਨੂੰ ਬੱਸ ਕਰਾਇਆ ਡੀ.ਬੀ.ਟੀ. (DBT) ਰਾਹੀਂ ਦਿੱਤਾ ਜਾਵੇਗਾ, ਜਦੋਂ ਕਿ ਸਿਖਲਾਈ ਦੌਰਾਨ ਉਨ੍ਹਾਂ ਦੇ ਰਹਿਣ ਅਤੇ ਖਾਣ ਦੀ ਵਿਵਸਥਾ ਪੂਰੀ ਤਰ੍ਹਾਂ ਮੁਫ਼ਤ ਰਹੇਗੀ। ਵਿਭਾਗ ਨੇ ਸਪੱਸ਼ਟ ਕੀਤਾ ਹੈ ਕਿ ਜਿਨ੍ਹਾਂ ਉਮੀਦਵਾਰਾਂ ਨੇ ਪਹਿਲਾਂ ਇਹਨਾਂ ਵਿਸ਼ਿਆਂ ‘ਤੇ ਸਿਖਲਾਈ ਪ੍ਰਾਪਤ ਕਰ ਲਈ ਹੈ, ਉਹ ਮੁੜ ਉਸੇ ਵਿਸ਼ੇ ਲਈ ਰਜਿਸਟ੍ਰੇਸ਼ਨ ਨਾ ਕਰਵਾਉਣ।
ਅਕਤੂਬਰ ਮਹੀਨੇ ਵਿੱਚ ਆਯੋਜਿਤ ਹੋਣ ਵਾਲੇ ਸਿਖਲਾਈ ਪ੍ਰੋਗਰਾਮਾਂ ਵਿੱਚ ਪਹਿਲੀ ਸਿਖਲਾਈ “ਫਲ ਅਤੇ ਸਬਜ਼ੀਆਂ ਵਿੱਚ ਪ੍ਰੋਸੈਸਿੰਗ, ਸੰਭਾਲ ਅਤੇ ਮੁੱਲ ਵਾਧਾ (Value Addition)” ‘ਤੇ 5 ਤੋਂ 9 ਅਕਤੂਬਰ ਤੱਕ ਆਯੋਜਿਤ ਹੋਵੇਗੀ, ਜਿਸ ਦੀਆਂ 40 ਸੀਟਾਂ ਲਈ ਰਜਿਸਟ੍ਰੇਸ਼ਨ 28 ਸਤੰਬਰ (ਸਵੇਰੇ 10:00 ਵਜੇ) ਤੋਂ 4 ਅਕਤੂਬਰ (ਸ਼ਾਮ 5:00 ਵਜੇ) ਤੱਕ ਖੁੱਲ੍ਹੀ ਰਹੇਗੀ। ਦੂਜਾ ਪ੍ਰੋਗਰਾਮ “ਫਲ ਉਤਪਾਦਨ ਤਕਨੀਕ” 12 ਤੋਂ 16 ਅਕਤੂਬਰ ਦੇ ਵਿਚਕਾਰ ਆਯੋਜਿਤ ਕੀਤਾ ਜਾਵੇਗਾ, ਜਿਸ ਲਈ 40 ਸੀਟਾਂ ‘ਤੇ ਅਰਜ਼ੀਆਂ 28 ਸਤੰਬਰ ਤੋਂ 11 ਅਕਤੂਬਰ (ਸ਼ਾਮ 5:00 ਵਜੇ) ਤੱਕ ਕੀਤੀਆਂ ਜਾ ਸਕਣਗੀਆਂ। ਇਸੇ ਮਿਆਦ ਵਿੱਚ 12 ਤੋਂ 16 ਅਕਤੂਬਰ ਤੱਕ “Nursery Management as per HHN Rules-2026” ‘ਤੇ 20 ਸੀਟਾਂ ਲਈ ਸਿਖਲਾਈ ਹੋਵੇਗੀ, ਜਿਸ ਦੀਆਂ ਅਰਜ਼ੀਆਂ 5 ਅਕਤੂਬਰ ਤੋਂ 9 ਅਕਤੂਬਰ (ਸ਼ਾਮ 5:00 ਵਜੇ) ਤੱਕ ਲਈਆਂ ਜਾਣਗੀਆਂ।
ਉਨ੍ਹਾਂ ਦੱਸਿਆ ਕਿ ਇਸ ਤੋਂ ਬਾਅਦ, “ਸਬਜ਼ੀਆਂ ਅਤੇ ਫੁੱਲਾਂ ਦੀ ਸੁਰੱਖਿਅਤ ਖੇਤੀ ਅਤੇ ਪੋਲੀ ਹਾਊਸ ਦੀ ਦੇਖਭਾਲ” ‘ਤੇ 19 ਤੋਂ 23 ਅਕਤੂਬਰ ਤੱਕ 40 ਸੀਟਾਂ ਲਈ ਸਿਖਲਾਈ ਆਯੋਜਿਤ ਹੋਵੇਗੀ, ਜਿਸ ਲਈ ਰਜਿਸਟ੍ਰੇਸ਼ਨ 5 ਅਕਤੂਬਰ ਤੋਂ 18 ਅਕਤੂਬਰ (ਸ਼ਾਮ 5:00 ਵਜੇ) ਤੱਕ ਚਾਲੂ ਰਹੇਗੀ। ਅੰਤਿਮ ਪੜਾਅ ਵਿੱਚ “ਖੁੰਭ (ਮਸ਼ਰੂਮ) ਉਤਪਾਦਨ ਅਤੇ ਤੁੜਾਈ ਤੋਂ ਬਾਅਦ ਪ੍ਰਬੰਧਨ” ‘ਤੇ 26 ਤੋਂ 30 ਅਕਤੂਬਰ ਦੇ ਵਿਚਕਾਰ 40 ਸੀਟਾਂ ਲਈ ਸਿਖਲਾਈ ਦਿੱਤੀ ਜਾਵੇਗੀ, ਜਿਸ ਦੀਆਂ ਅਰਜ਼ੀਆਂ 16 ਅਕਤੂਬਰ ਤੋਂ 23 ਅਕਤੂਬਰ (ਸ਼ਾਮ 5:00 ਵਜੇ) ਤੱਕ ਸਵੀਕਾਰ ਕੀਤੀਆਂ ਜਾਣਗੀਆਂ।
ਬੁਲਾਰੇ ਨੇ ਅੱਗੇ ਦੱਸਿਆ ਕਿ ਆਨਲਾਈਨ ਅਰਜ਼ੀ ਤੋਂ ਇਲਾਵਾ, ਉਮੀਦਵਾਰ ਕੰਮਕਾਜ ਦੇ ਦਿਨਾਂ ਵਿੱਚ ਸਵੇਰੇ 9:00 ਵਜੇ ਤੋਂ ਸ਼ਾਮ 5:00 ਵਜੇ ਤੱਕ ਆਪਣੇ ਸੰਬੰਧਿਤ ਜ਼ਿਲ੍ਹਾ ਬਾਗਬਾਨੀ ਅਧਿਕਾਰੀ, ਬਾਗਬਾਨੀ ਵਿਕਾਸ ਅਧਿਕਾਰੀ ਜਾਂ ਬਾਗਬਾਨੀ ਸਿਖਲਾਈ ਸੰਸਥਾਨ ਉਚਾਨੀ (ਕਰਨਾਲ) ਵਿੱਚ ਹਾਜ਼ਰ ਹੋ ਕੇ ਵੀ ਆਪਣੀ ਰਜਿਸਟ੍ਰੇਸ਼ਨ ਕਰਵਾ ਸਕਦੇ ਹਨ। ਕਿਸੇ ਵੀ ਸਹਾਇਤਾ ਜਾਂ ਸਵਾਲ ਲਈ ਮੋਬਾਈਲ ਨੰਬਰ 8570077877 ਜਾਂ ਟੋਲ-ਫ੍ਰੀ ਨੰਬਰ 18001802021 ‘ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ।
