ਸ਼੍ਰੀਲੰਕਾ, 13 ਜੁਲਾਈ (ਹਰਸ਼ਪ੍ਰੀਤ ਕੌਰ): ਸਾਲ 2025 ਵਿੱਚ ਭਾਰਤੀ ਜੋੜਿਆਂ ਲਈ ਡੈਸਟੀਨੇਸ਼ਨ ਵਿਆਹਾਂ ਵਾਸਤੇ ਸ਼੍ਰੀਲੰਕਾ ਸਭ ਤੋਂ ਤੇਜ਼ੀ ਨਾਲ ਉੱਭਰਦਾ ਅਤੇ ਪਸੰਦੀਦਾ ਸਥਾਨ ਬਣ ਕੇ ਸਾਹਮਣੇ ਆਇਆ ਹੈ। ‘ਵੈਡਮੀਗੁੱਡ’ ਦੀ ਡੈਸਟੀਨੇਸ਼ਨ ਵੈਡਿੰਗ ਰਿਪੋਰਟ 2026 ਅਨੁਸਾਰ, ਸ਼੍ਰੀਲੰਕਾ ਵਿੱਚ ਭਾਰਤੀ ਵਿਆਹਾਂ ਦੀ ਗਿਣਤੀ ਵਿੱਚ 25 ਫ਼ੀਸਦੀ ਵਾਧਾ ਦਰਜ ਕੀਤਾ ਗਿਆ ਹੈ। ਭਾਰਤ ਦੇ ਨੇੜੇ ਹੋਣਾ, ਆਸਾਨ ਯਾਤਰਾ ਅਤੇ ਆਲੀਸ਼ਾਨ ਹੋਟਲ ਇਸ ਦੇ ਮੁੱਖ ਆਕਰਸ਼ਣ ਹਨ। ਪੱਛਮੀ ਏਸ਼ੀਆ ਵਿੱਚ ਤਣਾਅ ਅਤੇ ਵਧੇ ਹਵਾਈ ਕਿਰਾਏ ਦੇ ਬਾਵਜੂਦ ਭਾਰਤੀ ਪਰਿਵਾਰ ਵਿਆਹਾਂ ਦੇ ਖਰਚਿਆਂ ਵਿੱਚ ਕਟੌਤੀ ਨਹੀਂ ਕਰ ਰਹੇ। ਮਾਹਿਰਾਂ ਮੁਤਾਬਕ, ਪੱਛਮੀ ਏਸ਼ੀਆ ਦੇ ਬਦਲ ਵਜੋਂ ਸ਼੍ਰੀਲੰਕਾ ਪ੍ਰਤੀ ਭਾਰਤੀ ਪਰਿਵਾਰਾਂ ਦੀ ਦਿਲਚਸਪੀ ਅਤੇ ਪੁੱਛਗਿੱਛ ਵਿੱਚ ਕਾਫ਼ੀ ਵਾਧਾ ਹੋਇਆ ਹੈ।
