ਕੁਰੂਕਸ਼ੇਤਰ, 14 ਸਤੰਬਰ, 2026 (ਸੰਜੀਵ ਸ਼ਰਮਾ):ਇਗਨੂਖੇਤਰੀ ਕੇਂਦਰ ਕਰਨਾਲ ਦੇ ਖੇਤਰੀ ਨਿਰਦੇਸ਼ਕ ਅਤੇ ਮੁਖੀ ਡਾ. ਧਰਮ ਪਾਲ ਨੇ ਦੱਸਿਆ ਕਿ ਰਾਸ਼ਟਰੀ ਮੁਕਤ ਯੂਨੀਵਰਸਿਟੀ (ਇਗਨੂ) ਦੇ ਵਿਦਿਆਰਥੀ ਮੁਲਾਂਕਣ ਵਿਭਾਗ ਵੱਲੋਂ ਦਸੰਬਰ 2026 ਟਰਮ–ਐਂਡ ਪ੍ਰੀਖਿਆ ਲਈ ਯੋਗ ਵਿਦਿਆਰਥੀਆਂ ਦੇ ਥਿਊਰੀ ਕੋਰਸਾਂ ਦੇ ਪ੍ਰੀਖਿਆ ਫਾਰਮ ਆਨਲਾਈਨ ਜਮ੍ਹਾਂ ਕਰਵਾਉਣ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਗਈ ਹੈ। ਇਗਨੂ ਦੇ ਓਡੀਐੱਲ ਅਤੇ ਆਨਲਾਈਨ ਪ੍ਰੋਗਰਾਮਾਂ ਵਿੱਚ ਪੜ੍ਹ ਰਹੇ ਯੋਗ ਵਿਦਿਆਰਥੀ ਨਿਰਧਾਰਤ ਸਮੇਂ ਅੰਦਰ ਆਪਣਾ ਪ੍ਰੀਖਿਆ ਫਾਰਮ ਆਨਲਾਈਨ ਜਮ੍ਹਾਂ ਕਰਵਾ ਸਕਦੇ ਹਨ। ਯੂਨੀਵਰਸਿਟੀ ਵੱਲੋਂ ਜਾਰੀ ਅਧਿਸੂਚਨਾ ਅਨੁਸਾਰ ਬਿਨਾਂ ਦੇਰੀ ਫੀਸ ਦੇ ਪ੍ਰੀਖਿਆ ਫਾਰਮ30 ਸਤੰਬਰ 2026ਤੱਕ200 ਰੁਪਏ ਪ੍ਰਤੀ ਥਿਊਰੀ ਕੋਰਸ ਦੇ ਹਿਸਾਬ ਨਾਲ ਜਮ੍ਹਾਂ ਕਰਵਾਇਆ ਜਾ ਸਕਦਾ ਹੈ। ਇਸ ਤੋਂ ਬਾਅਦ1 ਅਕਤੂਬਰ ਤੋਂ 15 ਅਕਤੂਬਰ 2026ਤੱਕ 200 ਰੁਪਏ ਪ੍ਰਤੀ ਥਿਊਰੀ ਕੋਰਸ ਦੇ ਨਾਲ1100 ਰੁਪਏ ਲੇਟ ਫੀਸ ਲਾਗੂ ਹੋਵੇਗੀ। ਖੇਤਰੀ ਨਿਰਦੇਸ਼ਕ ਅਤੇ ਮੁਖੀ ਡਾ. ਧਰਮ ਪਾਲ ਨੇ ਵਿਦਿਆਰਥੀਆਂ ਨੂੰ ਅਪੀਲ ਕੀਤੀ ਕਿ ਉਹ ਪ੍ਰੀਖਿਆ ਫਾਰਮ ਸਿਰਫ਼ ਸਮਰਥ ਪੋਰਟਲ ’ਤੇ ਆਪਣੇ ਲਾਗਇਨ ਰਾਹੀਂ ਹੀ ਜਮ੍ਹਾਂ ਕਰਵਾਉਣ। ਫਾਰਮ ਭਰਦੇ ਸਮੇਂ ਵਿਦਿਆਰਥੀ ਆਪਣੇ ਪ੍ਰੀਖਿਆ ਕੇਂਦਰ ਅਤੇ ਯੋਗ ਕੋਰਸਾਂ ਦੀ ਚੋਣ ਧਿਆਨ ਨਾਲ ਕਰਨ।
ਉਨ੍ਹਾਂ ਕਿਹਾ ਕਿ ਪ੍ਰੀਖਿਆ ਫਾਰਮ ਜਮ੍ਹਾਂ ਕਰਵਾਉਣ ਤੋਂ ਪਹਿਲਾਂ ਵਿਦਿਆਰਥੀ ਇਹ ਯਕੀਨੀ ਬਣਾਉਣ ਕਿ ਉਹ ਯੂਨੀਵਰਸਿਟੀ ਵੱਲੋਂ ਨਿਰਧਾਰਤ ਸਾਰੀਆਂ ਯੋਗਤਾ ਸ਼ਰਤਾਂ ਪੂਰੀਆਂ ਕਰਦੇ ਹਨ। ਇਨ੍ਹਾਂ ਵਿੱਚ ਵੈਧ ਰਜਿਸਟ੍ਰੇਸ਼ਨ, ਪੜ੍ਹਾਈ ਦੀ ਘੱਟੋ–ਘੱਟ ਨਿਰਧਾਰਤ ਮਿਆਦ ਪੂਰੀ ਕਰਨਾ ਅਤੇ ਜਿੱਥੇ ਲਾਗੂ ਹੋਵੇ, ਅਸਾਈਨਮੈਂਟ ਜਮ੍ਹਾਂ ਕਰਵਾਉਣਾ ਸ਼ਾਮਲ ਹੈ। ਖੇਤਰੀ ਨਿਰਦੇਸ਼ਕ ਨੇ ਵਿਦਿਆਰਥੀਆਂ ਨੂੰ ਸਲਾਹ ਦਿੱਤੀ ਕਿ ਉਹ ਆਖਰੀ ਮਿਤੀ ਦੀ ਉਡੀਕ ਨਾ ਕਰਨ ਅਤੇ ਆਪਣਾ ਪ੍ਰੀਖਿਆ ਫਾਰਮ ਸਮੇਂ ਤੋਂ ਪਹਿਲਾਂ ਜਮ੍ਹਾਂ ਕਰਵਾ ਦੇਣ, ਤਾਂ ਜੋ ਆਖਰੀ ਸਮੇਂ ’ਤੇ ਆਉਣ ਵਾਲੀ ਕਿਸੇ ਵੀ ਤਕਨੀਕੀ ਜਾਂ ਹੋਰ ਕਿਸਮ ਦੀ ਪਰੇਸ਼ਾਨੀ ਤੋਂ ਬਚਿਆ ਜਾ ਸਕੇ। ਇਗਨੂ ਖੇਤਰੀ ਕੇਂਦਰ ਕਰਨਾਲ ਵੱਲੋਂ ਵਿਦਿਆਰਥੀਆਂ ਨੂੰ ਅਪੀਲ ਕੀਤੀ ਗਈ ਹੈ ਕਿ ਉਹ ਪ੍ਰੀਖਿਆ ਨਾਲ ਸਬੰਧਤ ਤਾਜ਼ਾ ਜਾਣਕਾਰੀ ਲਈ ਯੂਨੀਵਰਸਿਟੀ ਅਤੇ ਖੇਤਰੀ ਕੇਂਦਰ ਵੱਲੋਂ ਜਾਰੀ ਕੀਤੀਆਂ ਅਧਿਕਾਰਤ ਸੂਚਨਾਵਾਂ ਨੂੰ ਨਿਯਮਿਤ ਤੌਰ ’ਤੇ ਦੇਖਦੇ ਰਹਿਣ।
