23 ਅਗਸਤ 2026 (ਕਾਜਲ) : Zomato ਅਤੇ Eternal ਦੇ ਫਾਊਂਡਰ ਦੀਪਿੰਦਰ ਗੋਇਲ ਦੀ ਅਗਵਾਈ ਵਾਲੀ wearable tech ਸਟਾਰਟਅੱਪ Temple ਆਪਣੇ ਨਵੇਂ ਪ੍ਰਯੋਗਾਤਮਕ ਡਿਵਾਈਸ ਦੀ ਪ੍ਰੀ-ਬੁਕਿੰਗ ਜਲਦ ਸ਼ੁਰੂ ਕਰਨ ਜਾ ਰਹੀ ਹੈ। ਗੋਇਲ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ X ’ਤੇ ਇੱਕ ਪੋਸਟ ਰਾਹੀਂ ਦੱਸਿਆ ਕਿ Temple wearable ਦਾ ਨਵਾਂ ਵਰਜ਼ਨ ਪਹਿਲਾਂ ਦਿਖਾਏ ਗਏ ਮਾਡਲ ਦੇ ਮੁਕਾਬਲੇ ਹੁਣ ਅੱਧੇ ਤੋਂ ਵੀ ਘੱਟ ਆਕਾਰ ਦਾ ਹੋ ਗਿਆ ਹੈ। ਇਹ ਡਿਵਾਈਸ ਸਿਹਤ ਅਤੇ ਨਿਊਰੋਲੋਜੀ ਨਾਲ ਸਬੰਧਤ ਡਾਟਾ ਦੀ ਨਿਗਰਾਨੀ ਲਈ ਤਿਆਰ ਕੀਤਾ ਗਿਆ ਹੈ।
Temple wearable ਦਾ ਮੁੱਖ ਉਦੇਸ਼ ਰੀਅਲ-ਟਾਈਮ cerebral blood flow ਅਤੇ ਕੁਝ neurological markers ਨੂੰ ਟਰੈਕ ਕਰਨਾ ਦੱਸਿਆ ਗਿਆ ਹੈ। ਗੋਇਲ ਦੇ ਅਨੁਸਾਰ, ਆਕਾਰ ਦੇ ਹਿਸਾਬ ਨਾਲ ਇਹ ਮਾਰਕੀਟ ਵਿੱਚ ਉਪਲਬਧ ਸਭ ਤੋਂ ਛੋਟੇ wearable ਡਿਵਾਈਸਾਂ ਵਿੱਚੋਂ ਇੱਕ ਹੋ ਸਕਦਾ ਹੈ। ਉਨ੍ਹਾਂ ਮੁਤਾਬਕ ਕੰਪਨੀ ਜਲਦ ਹੀ Temple ਦੇ Limited Launch Edition ਲਈ ਪ੍ਰੀ-ਆਰਡਰ ਲੈਣਾ ਸ਼ੁਰੂ ਕਰੇਗੀ। ਡਿਵਾਈਸ ਦੀ ਸ਼ਿਪਮੈਂਟ 2026 ਦੇ ਅੰਤ ਤੋਂ ਪਹਿਲਾਂ ਸ਼ੁਰੂ ਹੋਣ ਦੀ ਉਮੀਦ ਹੈ। ਦੀਪਿੰਦਰ ਗੋਇਲ ਨੇ ਦਿਲਚਸਪੀ ਰੱਖਣ ਵਾਲੇ ਯੂਜ਼ਰਾਂ ਨੂੰ Temple ਦੀ ਮੇਲਿੰਗ ਲਿਸਟ ਨਾਲ ਜੁੜਨ ਦੀ ਅਪੀਲ ਕੀਤੀ ਹੈ, ਤਾਂ ਜੋ ਉਨ੍ਹਾਂ ਨੂੰ ਡਿਵਾਈਸ ਨਾਲ ਜੁੜੇ ਨਵੇਂ ਅਪਡੇਟ ਨਿਯਮਿਤ ਤੌਰ ’ਤੇ ਮਿਲਦੇ ਰਹਿਣ।
