ਪਟਿਆਲਾ ਵਿਕਾਸ ਕਾਰਜ: ਕਰੋੜਾਂ ਦੇ ਨਵੇਂ ਪ੍ਰੋਜੈਕਟਾਂ ਅਤੇ ਟੈਂਡਰਾਂ ਨੂੰ ਮਿਲੀ ਪ੍ਰਵਾਨਗੀ

ਪਟਿਆਲਾ, 20 ਜੁਲਾਈ (ਜਗਦੇਵ ਸਿੰਘ ਜੱਗੀ):ਸ਼ਾਹੀ ਸ਼ਹਿਰ ਪਟਿਆਲਾ ਦੀ ਨੁਹਾਰ ਬਦਲਣ, ਬੁਨਿਆਦੀ ਢਾਂਚੇ ਨੂੰ ਮਜ਼ਬੂਤ ਕਰਨ ਅਤੇ ਸ਼ਹਿਰ ਵਾਸੀਆਂ ਨੂੰ ਉੱਚ ਪੱਧਰੀ ਨਾਗਰਿਕ ਸਹੂਲਤਾਂ ਮੁਹੱਈਆ ਕਰਵਾਉਣ ਦੇ ਮਕਸਦ ਨਾਲ ਨਗਰ ਨਿਗਮ ਪਟਿਆਲਾ ਵੱਲੋਂ ਇੱਕ ਬਹੁਤ ਹੀ ਅਹਿਮ ਅਤੇ ਵੱਡਾ ਕਦਮ ਚੁੱਕਿਆ ਗਿਆ ਹੈ। ਸ਼ਹਿਰ ਦੇ ਸਰਵਪੱਖੀ ਵਿਕਾਸ, ਸੜਕਾਂ ਦੀ ਕਾਇਆ-ਕਲਪ, ਸੀਵਰੇਜ ਸਿਸਟਮ ਦੇ ਸਥਾਈ ਹੱਲ ਅਤੇ ਸਵੱਛਤਾ ਪ੍ਰਬੰਧਾਂ ਨੂੰ ਹੋਰ ਪਖੇਰੂ ਬਣਾਉਣ ਲਈ ਵਿੱਤ ਅਤੇ ਠੇਕਾ ਕਮੇਟੀ (F&CC) ਦੀ ਵਿਸ਼ੇਸ਼ ਮੀਟਿੰਗ ਦੌਰਾਨ ਕਰੋੜਾਂ ਰੁਪਏ ਦਾ ਭਾਰੀ-ਭਰਕਮ ਏਜੰਡਾ ਜਾਰੀ ਕਰਕੇ ਕਈ ਅਹਿਮ ਮਤਿਆਂ ਨੂੰ ਪ੍ਰਵਾਨਗੀ ਦਿੱਤੀ ਗਈ ਹੈ।

ਇਹ ਮੀਟਿੰਗ ਮਾਨਯੋਗ ਮੇਅਰ ਅਤੇ ਨਿਗਮ ਕਮਿਸ਼ਨਰ ਪੂਜਾ ਸਿਆਲ, ਐਡੀਸ਼ਨਲ ਕਮਿਸ਼ਨਰ ਸਿਮਰਪ੍ਰੀਤ ਕੌਰ, ਸੀਨੀਅਰ ਡਿਪਟੀ ਮੇਅਰ ਹਰਿੰਦਰ ਕੋਹਲੀ ਅਤੇ ਡਿਪਟੀ ਮੇਅਰ ਜਗਦੀਪ ਜੱਗਾ ਦੀ ਦਿਸ਼ਾ-ਨਿਰਦੇਸ਼ਨਾ ਹੇਠ ਹੋਈ। ਇਸ ਮੌਕੇ ਰਾਜਿੰਦਰ ਚੋਪੜਾ (SC), ਜਤਿੰਦਰਪਾਲ ਸਿੰਘ (SC), ਸੰਦੀਪ ਜੈਨ (ਅਕਾਊਂਟੈਂਟ) ਅਤੇ ਸ਼ਮਿੰਦਰ (ਅਕਾਊਂਟੈਂਟ) ਵੀ ਵਿਸ਼ੇਸ਼ ਤੌਰ ‘ਤੇ ਮੌਜੂਦ ਸਨ।

မီਟਿੰਗ ਦੌਰਾਨ ਪਾਸ ਕੀਤੇ ਗਏ ਮੁੱਖ ਫੈਸਲੇ ਅਤੇ ਪ੍ਰੋਜੈਕਟ ਹੇਠ ਲਿਖੇ ਅਨੁਸਾਰ ਹਨ:

1. ਲੁੱਕ ਦੇ ਰੇਟ ਵਧਣ ਕਾਰਨ ਸੜਕਾਂ ਦੇ ਬਜਟ ਵਿੱਚ 24% ਵਾਧਾ

ਲੁੱਕ ਦੇ ਵਧੇ ਰੇਟਾਂ ਅਤੇ ਪੰਜਾਬ ਵਾਟਰ ਸਪਲਾਈ ਤੇ ਸੀਵਰੇਜ ਬੋਰਡ ਪਾਸੋਂ NOC ਮਿਲਣ ਵਿੱਚ ਹੋਈ ਦੇਰੀ ਕਾਰਨ ਕਈ ਵਿਕਾਸ ਕਾਰਜਾਂ ਦੀ ਰਾਸ਼ੀ ਵਿੱਚ 24% ਤੱਕ ਦਾ ਵਾਧਾ ਕਰਨ ਅਤੇ ਕੰਮ ਦੀ ਸਮਾਂ-ਸੀਮਾ ਵਧਾਉਣ ਨੂੰ ਮਨਜ਼ੂਰੀ ਦਿੱਤੀ ਗਈ ਹੈ:

• ਤ੍ਰਿਪੜੀ ਖੇਤਰ ਦੀਆਂ ਮੁੱਖ ਸੜਕਾਂ (L&T ਪਾਈਪਲਾਈਨ ਮੁਰੰਮਤ): ਬਰਸਾਤ ਤੋਂ ਪਹਿਲਾਂ ਕੰਮ ਪੂਰਾ ਕਰਨ ਲਈ ₹93.05 ਲੱਖ ਦੇ ਬਜਟ ਵਾਧੇ ਨੂੰ ਪ੍ਰਵਾਨਗੀ।
• ਰਤਨ ਨਗਰ ਐਕਸਟੈਂਸ਼ਨ (ਵਾਰਡ 6): ਬਜਟ ₹38.26 ਲੱਖ ਤੋਂ ਵਧਾ ਕੇ ₹47.44 ਲੱਖ ਕੀਤਾ ਗਿਆ।
• ਆਨੰਦ ਨਗਰ ਤ੍ਰਿਕੋਣਾ ਪਾਰਕ ਸਾਈਡ (ਵਾਰਡ 6): ਬਜਟ ₹25.55 ਲੱਖ ਤੋਂ ਵਧਾ ਕੇ ₹31.68 ਲੱਖ ਕਰਨ ਦੀ ਪ੍ਰਵਾਨਗੀ।
• ਆਦਰਸ਼ ਨਗਰ ਤੇ ਪ੍ਰੇਮ ਨਗਰ (ਗਲੀ 4): ਬਜਟ ₹28.26 ਲੱਖ ਤੋਂ ₹35.05 ਲੱਖ ਕੀਤਾ ਗਿਆ।
• ਘੁੰਮਣ ਨਗਰ ਬੀ ਤੇ ਆਜ਼ਾਦ ਨਗਰ (ਵਾਰਡ 14): ਬਜਟ ₹19.51 ਲੱਖ ਤੋਂ ਵਧਾ ਕੇ ₹24.19 ਲੱਖ ਕੀਤਾ ਗਿਆ।

2. ਸ਼ਹਿਰ ਦੇ ਵਿਕਾਸ ਲਈ ਕਰੋੜਾਂ ਦੇ ਨਵੇਂ ਐਸਟੀਮੇਟ ਪਾਸ

• ਵਾਰਡ 31 ਤੇ 47: ਵਾਰਡ 31 (ਰਾਮ ਗਲੀ, ਧੋਬੀ ਮਹੱਲਾ, ਰਵਿਦਾਸ ਮਹੱਲਾ) ਵਿੱਚ CC ਅਤੇ ਟਾਇਲਾਂ ਲਈ ₹22.18 ਲੱਖ ਅਤੇ ਵਾਰਡ 47 (ਸ਼ੇਰ-ਏ-ਪੰਜਾਬ ਮਾਰਕੀਟ ਤੋਂ ਸੁਖਦਾਸਪੁਰਾ) ਵਿੱਚ CC ਰੋਡ ਲਈ ₹40.34 ਲੱਖ ਪ੍ਰਵਾਨ। ਇਸ ਤੋਂ ਇਲਾਵਾ ਬੀ ਟੈਂਕ ਰੋਡ, ਪੁਰਾਣਾ ਲਾਲ ਬਾਗ ਤੇ ਕਿਤਾਬਾਂ ਬਾਜ਼ਾਰ ਲਈ ₹26.96 ਲੱਖ ਮਨਜ਼ੂਰ ਕੀਤੇ ਗਏ।
• ਸਟ੍ਰੀਟ ਲਾਈਟਾਂ ਤੇ ਪਾਈਪਲਾਈਨ: ਸਟ੍ਰੀਟ ਲਾਈਟ ਸ਼ਾਖਾ ਲਈ ₹55.29 ਲੱਖ ਦੇ ਕੇਬਲ/ਵਾਇਰ ਅਤੇ ਵਾਟਰ ਸਪਲਾਈ (Patiala-2) ਅਧੀਨ K7 ਪਾਈਪਲਾਈਨ ਦੇ ਮਿਸਿੰਗ ਲਿੰਕਾਂ ਲਈ ₹26.90 ਲੱਖ ਦੀ ਪ੍ਰਵਾਨਗੀ।
• ਸੁਕਸ਼ਨ ਟੈਂਕਰ ਤੇ ਪੇਵਰ ਬਲਾਕ: O&M ਸੈੱਲ ਲਈ ₹19.70 ਲੱਖ ਦੀ ਲਾਗਤ ਨਾਲ 2 ਨਵੇਂ ਸੁਕਸ਼ਨ ਟੈਂਕਰ (4000 ਲੀਟਰ ਸਮਰੱਥਾ) ਖਰੀਦੇ ਜਾਣਗੇ। ਝੀਲ ਐਵੇਨਿਊ (₹20.17 ਲੱਖ), ਆਨੰਦ ਨਗਰ (₹44.09 ਲੱਖ) ਅਤੇ ਸਿੱਧੂ ਕਲੋਨੀ (₹56.55 ਲੱਖ) ਵਿੱਚ ਪੇਵਰ ਬਲਾਕ ਲਗਾਏ ਜਾਣਗੇ।

3. ਧਾਰਮਿਕ ਅਸਥਾਨਾਂ ਦੇ ਬਾਹਰ ਲੱਗਣਗੀਆਂ ਡੇਕੋਰੇਟਿਵ ਲਾਈਟਾਂ

• ਗੁਰਦੁਆਰਾ ਸ੍ਰੀ ਦੁਖਨਿਵਾਰਨ ਸਾਹਿਬ: 50 ਵਾਟ ਦੀਆਂ ਵੱਡੀਆਂ ਡੇਕੋਰੇਟਿਵ ਲਾਈਟਾਂ ਅਤੇ 63A ਬੱਸਬਾਰ ਦੀ ਲੋੜ ਕਾਰਨ ਬਜਟ ₹45.44 ਲੱਖ ਤੋਂ ਵਧਾ ਕੇ ₹47.72 ਲੱਖ ਕੀਤਾ ਗਿਆ।
• ਗੁਰਦੁਆਰਾ ਸ੍ਰੀ ਮੋਤੀ ਬਾਗ਼ ਸਾਹਿਬ: ਵੱਡੇ ਸਾਈਜ਼ ਦੀਆਂ ਲਾਈਟਾਂ ਅਨੁਸਾਰ ਬਜਟ ₹41.01 ਲੱਖ ਤੋਂ ਵਧਾ ਕੇ ₹42.58 ਲੱਖ ਰੀਵਾਇਜ ਕਰਨ ਦੀ ਪ੍ਰਵਾਨਗੀ।

4. ਨਵੇਂ ਵਿਕਾਸ ਪ੍ਰੋਜੈਕਟ ਅਤੇ ਟੈਂਡਰ ਪ੍ਰਵਾਨਗੀਆਂ

• ਡੌਗ ਸ਼ੈਲਟਰ ਤੇ ਸਲੋਟਰ ਹਾਊਸ: ਡੌਗ ਸ਼ੈਲਟਰ ਦੀ ਉਸਾਰੀ ਲਈ ₹1,25,37,081/- ਅਤੇ ₹1,25,30,813/- ਦੀ ਭਾਰੀ ਰਾਸ਼ੀ ਨੂੰ ਮਨਜ਼ੂਰੀ ਦਿੱਤੀ ਗਈ। ਸਲੋਟਰ ਹਾਊਸ ਵਿਖੇ 15 KLD ਸਮਰੱਥਾ ਵਾਲਾ ‘ਜ਼ੀਰੋ ਲਿਕਵਿਡ ਡਿਸਚਾਰਜ’ ਇਫਲੂਐਂਟ ਟ੍ਰੀਟਮੈਂਟ ਪਲਾਂਟ ਲਗਾਉਣ ਲਈ ₹53.22 ਲੱਖ ਦੀ ਮਨਜ਼ੂਰੀ ਦਿੱਤੀ ਗਈ।
• ਪਾਰਕਿੰਗ ਅਤੇ ਹੋਰ ਕੰਮ: ਕੈਪੀਟਲ ਕਾਰ ਬਾਜ਼ਾਰ, ਛੋਟੀ ਬਾਰਾਦਰੀ (ਵਾਰਡ 46) ਵਿੱਚ CC ਪਾਰਕਿੰਗ ਲਈ ₹73.27 ਲੱਖ ਅਤੇ ਗ੍ਰੀਨ ਪਾਰਕ ਕਲੋਨੀ ਵਿੱਚ L&T ਰੋਡ ਰੀਸਟੋਰੇਸ਼ਨ ਲਈ ₹64.50 ਲੱਖ ਦੇ ਕੰਮਾਂ ਨੂੰ ਹਰੀ ਝੰਡੀ ਦਿੱਤੀ ਗਈ।

5. ਫਾਇਰ ਸਟਾਫ਼ ਲਈ 10-10 ਲੱਖ ਰੁਪਏ ਦਾ ਦੁਰਘਟਨਾ ਬੀਮਾ

ਕਰਮਚਾਰੀਆਂ ਦੀ ਭਲਾਈ ਵੱਲ ਵੱਡਾ ਕਦਮ ਪੁੱਟਦਿਆਂ ਨਿਗਮ ਵੱਲੋਂ ਫਾਇਰ ਸ਼ਾਖਾ ਦੇ ਕੁੱਲ 73 ਕਰਮਚਾਰੀਆਂ (24 ਰੈਗੂਲਰ ਅਤੇ 49 ਆਊਟਸੋਰਸ) ਦਾ ‘ਨਿਊ ਇੰਡੀਆ ਇੰਸ਼ੋਰੈਂਸ ਕੰਪਨੀ’ ਤੋਂ 10-10 ਲੱਖ ਰੁਪਏ ਦਾ ਐਕਸੀਡੈਂਟਲ (ਦੁਰਘਟਨਾ) ਬੀਮਾ ਕਰਵਾਉਣ ਲਈ ਬਜਟ ਪਾਸ ਕੀਤਾ ਗਿਆ। ਇਸ ਦੇ ਨਾਲ ਹੀ ਮੁਲਾਜ਼ਮਾਂ ਦੇ ਪੈਂਡਿੰਗ ਪਏ ਮੈਡੀਕਲ ਬਿੱਲਾਂ ਦੀ ਅਦਾਇਗੀ ਨੂੰ ਵੀ ਪ੍ਰਵਾਨਗੀ ਦੇ ਦਿੱਤੀ ਗਈ ਹੈ।

ਨਗਰ ਨਿਗਮ ਦੀ ਇਸ ਵਿਸ਼ੇਸ਼ ਮੀਟਿੰਗ ਵਿੱਚ ਲਏ ਗਏ ਫੈਸਲਿਆਂ ਨਾਲ ਪਟਿਆਲਾ ਸ਼ਹਿਰ ਦੇ ਵਿਕਾਸ ਕਾਰਜਾਂ ਵਿੱਚ ਤੇਜ਼ੀ ਆਵੇਗੀ ਅਤੇ ਨਾਗਰਿਕਾਂ ਨੂੰ ਬੁਨਿਆਦੀ ਢਾਂਚੇ ਪੱਖੋਂ ਵੱਡੀ ਰਾਹਤ ਮਿਲੇਗੀ।