ਕੁਰੂਕਸ਼ੇਤਰ, 3 ਸਤੰਬਰ 2026 (ਸੰਜੀਵ ਸ਼ਰਮਾ): ਹਰਿਆਣਾ ਸਕੂਲ ਸਿੱਖਿਆ ਬੋਰਡ, ਭਿਵਾਨੀ ਦੇ ਚੇਅਰਮੈਨ ਸ਼ੰਕਰ ਲਾਲ ਧੂਪੜ ਨੇ ਦੱਸਿਆ ਕਿ ਅਕਾਦਮਿਕ ਸੈਸ਼ਨ 2026-27 ਲਈ ਸੈਕੰਡਰੀ/ਸੀਨੀਅਰ ਸੈਕੰਡਰੀ ਗੈਰ-ਸਰਕਾਰੀ ਸਥਾਈ ਮਾਨਤਾ ਪ੍ਰਾਪਤ ਸਕੂਲਾਂ, ਗੁਰੁਕੁਲਾਂ ਅਤੇ ਵਿਦਿਆਪੀਠਾਂ ਵੱਲੋਂ 16 ਸਤੰਬਰ 2026 ਤੱਕ ਮਾਨਤਾ ਸਬੰਧੀ ਅਰਜ਼ੀ-ਪੱਤਰ ਅਤੇ ਫੀਸ ਆਨਲਾਈਨ ਗੇਟਵੇ ਪੇਮੈਂਟ ਰਾਹੀਂ ਜਮ੍ਹਾਂ ਕਰਵਾਈ ਜਾ ਸਕਦੀ ਹੈ। ਉਨ੍ਹਾਂ ਦੱਸਿਆ ਕਿ ਜਿਹੜੇ ਸਕੂਲ ਕਿਸੇ ਕਾਰਨ ਨਿਰਧਾਰਤ ਸਮੇਂ ਦੌਰਾਨ ਅਰਜ਼ੀ ਨਹੀਂ ਦੇ ਸਕਦੇ, ਉਹ 17 ਸਤੰਬਰ ਤੋਂ 30 ਸਤੰਬਰ 2026 ਤੱਕ 5,000 ਰੁਪਏ ਲੇਟ ਫੀਸ ਸਮੇਤ ਮਾਨਤਾ ਅਰਜ਼ੀ ਅਤੇ ਫੀਸ ਆਨਲਾਈਨ ਜਮ੍ਹਾਂ ਕਰਵਾ ਸਕਣਗੇ। ਚੇਅਰਮੈਨ ਨੇ ਦੱਸਿਆ ਕਿ ਸੈਸ਼ਨ 2026-27 ਲਈ ਹਰਿਆਣਾ ਸਕੂਲ ਸਿੱਖਿਆ ਬੋਰਡ ਨਾਲ ਪਹਿਲਾਂ ਤੋਂ ਮਾਨਤਾ ਪ੍ਰਾਪਤ ਗੈਰ-ਸਰਕਾਰੀ ਸਥਾਈ ਮਾਨਤਾ ਵਾਲੇ ਸਕੂਲਾਂ ਨੂੰ 2,000 ਰੁਪਏ (18 ਫੀਸਦੀ ਜੀਐਸਟੀ ਸਮੇਤ) ਅਤੇ ਗੁਰੁਕੁਲ/ਵਿਦਿਆਪੀਠਾਂ ਨੂੰ 8,000 ਰੁਪਏ (18 ਫੀਸਦੀ ਜੀਐਸਟੀ ਸਮੇਤ) ਮਾਨਤਾ ਨਿਰੰਤਰਤਾ ਫੀਸ ਜਮ੍ਹਾਂ ਕਰਵਾਉਣੀ ਹੋਵੇਗੀ। ਇਸ ਤੋਂ ਇਲਾਵਾ ਨਵੀਂ ਮਾਨਤਾ ਜਾਂ ਅਪਗ੍ਰੇਡੇਸ਼ਨ ਲਈ 20,000 ਰੁਪਏ (18 ਫੀਸਦੀ ਜੀਐਸਟੀ ਸਮੇਤ) ਫੀਸ ਨਿਰਧਾਰਤ ਕੀਤੀ ਗਈ ਹੈ। ਮਾਨਤਾ ਫੀਸ ਐਚਡੀਐਫਸੀ ਬੈਂਕ ਦੇ ਗੇਟਵੇ ਪੇਮੈਂਟ ਰਾਹੀਂ ਆਨਲਾਈਨ ਜਮ੍ਹਾਂ ਕਰਵਾਈ ਜਾਵੇਗੀ। ਸਰਕਾਰੀ ਸਕੂਲਾਂ ਨੂੰ ਮਾਨਤਾ ਫਾਰਮ ਅਨੁਸਾਰ ਲੋੜੀਂਦੇ ਦਸਤਾਵੇਜ਼ ਆਨਲਾਈਨ ਅਪਲੋਡ ਕਰਨੇ ਹੋਣਗੇ। ਸਰਕਾਰੀ ਸਕੂਲਾਂ ਵੱਲੋਂ ਮਾਨਤਾ ਫੀਸ ਜਮ੍ਹਾਂ ਨਹੀਂ ਕਰਵਾਈ ਜਾਣੀ ਹੈ। ਉਨ੍ਹਾਂ ਕਿਹਾ ਕਿ ਜੇਕਰ ਸਰਕਾਰੀ ਜਾਂ ਗੈਰ-ਸਰਕਾਰੀ ਸਕੂਲ, ਗੁਰੁਕੁਲ ਜਾਂ ਵਿਦਿਆਪੀਠ ਨਿਰਧਾਰਤ ਮਿਤੀ ਤੱਕ ਮਾਨਤਾ ਸਬੰਧੀ ਦਸਤਾਵੇਜ਼ ਅਪਲੋਡ ਨਹੀਂ ਕਰਦੇ ਤਾਂ ਉਨ੍ਹਾਂ ਨੂੰ 5,000 ਰੁਪਏ ਲੇਟ ਫੀਸ ਸਮੇਤ ਦਸਤਾਵੇਜ਼ ਅਪਲੋਡ ਕਰਨੇ ਪੈਣਗੇ। ਮਾਨਤਾ ਸਬੰਧੀ ਅਰਜ਼ੀ-ਪੱਤਰ ਅਤੇ ਫੀਸ ਬੋਰਡ ਦੀ ਅਧਿਕਾਰਤ ਵੈੱਬਸਾਈਟ BSEH.ORG.IN ’ਤੇ ਉਪਲਬਧ ਲਿੰਕ ਰਾਹੀਂ ਆਨਲਾਈਨ ਜਮ੍ਹਾਂ ਕਰਵਾਈ ਜਾ ਸਕਦੀ ਹੈ। ਕਿਸੇ ਵੀ ਤਕਨੀਕੀ ਸਮੱਸਿਆ ਲਈ ਬੋਰਡ ਦੇ ਫੋਨ ਨੰਬਰ 01664-254300 ਜਾਂ ਮਾਨਤਾ ਸ਼ਾਖਾ ਦੇ 01664-244171 ਤੋਂ 176, ਐਕਸਟੈਂਸ਼ਨ 111 ’ਤੇ ਕਿਸੇ ਵੀ ਕਾਰਜ ਦਿਵਸ ਸਵੇਰੇ 9 ਵਜੇ ਤੋਂ ਸ਼ਾਮ 5 ਵਜੇ ਤੱਕ ਸੰਪਰਕ ਕੀਤਾ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ ਮਾਨਤਾ ਸ਼ਾਖਾ ਦੀ ਈ-ਮੇਲ ਰਾਹੀਂ ਵੀ ਜਾਣਕਾਰੀ ਭੇਜੀ ਜਾ ਸਕਦੀ ਹੈ।
