ਕੁਰੂਕਸ਼ੇਤਰ, 6 ਅਕਤੂਬਰ, 2026 (ਸੰਜੀਵ ਸ਼ਰਮਾ): ਹਰਿਆਣਾ ਸਕੂਲ ਸਿੱਖਿਆ ਬੋਰਡ ਦੇ ਚੇਅਰਮੈਨ ਸ਼ੰਕਰ ਲਾਲ ਨੇ ਅੱਜ ਜਾਰੀ ਪ੍ਰੈਸ ਬਿਆਨ ਵਿੱਚ ਦੱਸਿਆ ਕਿ ਅਕਾਦਮਿਕ ਸੈਸ਼ਨ 2026-27 ਲਈ ਸੈਕੰਡਰੀ/ਸੀਨੀਅਰ ਸੈਕੰਡਰੀ ਗੈਰ-ਸਰਕਾਰੀ ਅਸਥਾਈ ਮਾਨਤਾ ਪ੍ਰਾਪਤ ਸਕੂਲ 8,000 ਰੁਪਏ (18 ਫੀਸਦੀ ਜੀਐਸਟੀ ਸਮੇਤ) ਦੀ ਸੰਬੰਧਤਾ ਅਰਜ਼ੀ ਫਾਰਮ ਅਤੇ ਫੀਸ 6 ਅਕਤੂਬਰ ਤੋਂ 31 ਅਕਤੂਬਰ 2026 ਤੱਕ ਆਨਲਾਈਨ ਜਮ੍ਹਾਂ ਕਰਵਾ ਸਕਦੇ ਹਨ। ਉਨ੍ਹਾਂ ਦੱਸਿਆ ਕਿ ਜਿਹੜੇ ਸਕੂਲ ਕਿਸੇ ਕਾਰਨ ਨਿਰਧਾਰਤ ਮਿਤੀਆਂ ਦੌਰਾਨ ਅਸਥਾਈ ਸੰਬੰਧਤਾ ਲਈ ਅਰਜ਼ੀ ਨਹੀਂ ਕਰ ਸਕਦੇ, ਉਹ 5,000 ਰੁਪਏ ਦੇ ਦੇਰੀ ਸ਼ੁਲਕ (18 ਫੀਸਦੀ ਜੀਐਸਟੀ ਸਮੇਤ) ਨਾਲ 1 ਨਵੰਬਰ ਤੋਂ 10 ਨਵੰਬਰ 2026 ਤੱਕ ਸੰਬੰਧਤਾ ਫਾਰਮ ਅਤੇ ਫੀਸ ਆਨਲਾਈਨ ਜਮ੍ਹਾਂ ਕਰਵਾ ਸਕਣਗੇ। ਸੰਬੰਧਤਾ ਫੀਸ ਐਚਡੀਐਫਸੀ ਬੈਂਕ ਦੇ ਗੇਟਵੇ ਪੇਮੈਂਟ ਰਾਹੀਂ ਆਨਲਾਈਨ ਜਮ੍ਹਾਂ ਕਰਵਾਉਣੀ ਹੋਵੇਗੀ।
ਉਨ੍ਹਾਂ ਅੱਗੇ ਦੱਸਿਆ ਕਿ ਅਕਾਦਮਿਕ ਸੈਸ਼ਨ 2026-27 ਲਈ ਸਰਕਾਰੀ, ਗੈਰ-ਸਰਕਾਰੀ ਸਥਾਈ ਮਾਨਤਾ ਪ੍ਰਾਪਤ ਸਕੂਲਾਂ ਅਤੇ ਗੁਰੁਕੁਲ/ਵਿਦਿਆਪੀਠਾਂ ਲਈ ਸੰਬੰਧਤਾ ਫਾਰਮ ਅਤੇ ਫੀਸ ਆਨਲਾਈਨ ਜਮ੍ਹਾਂ ਕਰਵਾਉਣ ਦੀ ਆਖਰੀ ਮਿਤੀ ਦੇਰੀ ਸ਼ੁਲਕ ਸਮੇਤ 16 ਅਕਤੂਬਰ 2026 ਤੱਕ ਵਧਾ ਦਿੱਤੀ ਗਈ ਹੈ। ਸਬੰਧਤ ਸੰਸਥਾਵਾਂ ਦੇ ਮੁਖੀਆਂ ਨੂੰ 5,000 ਰੁਪਏ ਦੇ ਦੇਰੀ ਸ਼ੁਲਕ ਅਤੇ 18 ਫੀਸਦੀ ਜੀਐਸਟੀ ਸਮੇਤ 16 ਅਕਤੂਬਰ ਤੱਕ ਆਨਲਾਈਨ ਅਰਜ਼ੀ ਜਮ੍ਹਾਂ ਕਰਵਾਉਣੀ ਯਕੀਨੀ ਬਣਾਉਣ ਲਈ ਕਿਹਾ ਗਿਆ ਹੈ।
ਬੋਰਡ ਵੱਲੋਂ ਪਹਿਲਾਂ ਜਾਰੀ ਕੀਤੀਆਂ ਬਾਕੀ ਹਦਾਇਤਾਂ ਪਹਿਲਾਂ ਵਾਂਗ ਲਾਗੂ ਰਹਿਣਗੀਆਂ। ਸੰਬੰਧਤਾ ਅਰਜ਼ੀ ਫਾਰਮ ਅਤੇ ਫੀਸ ਬੋਰਡ ਦੀ ਅਧਿਕਾਰਤ ਵੈੱਬਸਾਈਟ bseh.org.in ’ਤੇ ਉਪਲਬਧ ਲਿੰਕ ਰਾਹੀਂ ਆਨਲਾਈਨ ਜਮ੍ਹਾਂ ਕਰਵਾਉਣੀ ਹੋਵੇਗੀ। ਸਕੂਲਾਂ ਲਈ ਸੰਬੰਧਤਾ ਫਾਰਮ ਵਿੱਚ ਮੰਗੇ ਗਏ ਲੋੜੀਂਦੇ ਦਸਤਾਵੇਜ਼ ਵੀ ਅਪਲੋਡ ਕਰਨਾ ਲਾਜ਼ਮੀ ਹੋਵੇਗਾ। ਕਿਸੇ ਵੀ ਤਰ੍ਹਾਂ ਦੀ ਜਾਣਕਾਰੀ ਲਈ 01664-254300, 254302 ਜਾਂ ਬੋਰਡ ਦਫ਼ਤਰ ਦੀ ਸੰਬੰਧਤਾ ਸ਼ਾਖਾ ਦੇ 01664-244171 ਤੋਂ 176 ਤੱਕ ਦੇ ਫੋਨ ਨੰਬਰਾਂ ’ਤੇ ਕਿਸੇ ਵੀ ਕਾਰਜ ਦਿਵਸ ਸਵੇਰੇ 9 ਵਜੇ ਤੋਂ ਸ਼ਾਮ 5 ਵਜੇ ਤੱਕ ਸੰਪਰਕ ਕੀਤਾ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ ਸੰਬੰਧਤਾ ਸ਼ਾਖਾ ਦੀ ਈ-ਮੇਲ ਰਾਹੀਂ ਵੀ ਜਾਣਕਾਰੀ ਭੇਜੀ ਜਾ ਸਕਦੀ ਹੈ।
