ਟੈਕਨੋਲੋਜੀ, 22 ਜੁਲਾਈ, 2026 (ਅਮਨਦੀਪ ਸਰਾਂ) :ਏਆਈ (AI) ਡਿਵੈਲਪਰ ਪਲੇਟਫਾਰਮ ਹੱਗਿੰਗ ਫੇਸ ਨੇ ਏਆਈ ਏਜੰਟ ਦੁਆਰਾ ਚਲਾਈ ਗਈ ਇੱਕ ਵੱਡੀ ‘ਡਾਟਾ ਬ੍ਰੀਚ’ (ਸੰਨ੍ਹਮਾਰੀ) ਦਾ ਖੁਲਾਸਾ ਕੀਤਾ ਹੈ, ਜਿਸ ਨੇ ਪਿਛਲੇ ਹਫ਼ਤੇ ਇਸਦੇ ਅੰਦਰੂਨੀ ਡਾਟਾਸੈੱਟਾਂ ਅਤੇ ਸੇਵਾ ਕ੍ਰੈਡੈਂਸ਼ੀਅਲਸ (ਗੁਪਤ ਕੋਡ/ਪਾਸਵਰਡ) ਨੂੰ ਪ੍ਰਭਾਵਿਤ ਕੀਤਾ ਹੈ।
ਇਸ ਨਾਲ ਹਮਲਾਵਰਾਂ ਨੂੰ ਹੱਗਿੰਗ ਫੇਸ ਦੇ ਅੰਦਰੂਨੀ ਸਿਸਟਮਾਂ, ਖ਼ਾਸ ਤੌਰ ‘ਤੇ ਇਸਦੇ ਪ੍ਰੋਡਕਸ਼ਨ ਇਨਫਰਾਸਟ੍ਰਕਚਰ ਤੱਕ ਵਿਆਪਕ ਪਹੁੰਚ ਪ੍ਰਾਪਤ ਕਰਨ ਦੀ ਇਜਾਜ਼ਤ ਮਿਲ ਗਈ। ਹਾਲਾਂਕਿ, ਇਹ ਅਜੇ ਵੀ ਜਾਂਚ ਕਰ ਰਹੀ ਹੈ ਕਿ ਸੁਰੱਖਿਆ ਘਟਨਾ ਦੌਰਾਨ ਕੋਈ ਗਾਹਕ ਜਾਂ ਭਾਈਵਾਲ ਦਾ ਡਾਟਾ ਚੋਰੀ ਹੋਇਆ ਸੀ ਜਾਂ ਨਹੀਂ।
ਕਿਸੇ ਕੰਪਨੀ ਦੇ ਅੰਦਰੂਨੀ ਸਿਸਟਮਾਂ ਵਿੱਚ ਸੰਨ੍ਹ ਲਗਾਉਣ ਲਈ ਚੋਰੀ ਕੀਤੇ ਕਰਮਚਾਰੀ ਕ੍ਰੈਡੈਂਸ਼ੀਅਲਸ ਜਾਂ ਕੁੰਜੀਆਂ ਦੀ ਵਰਤੋਂ ਕਰਨਾ ਸਾਈਬਰ ਹਮਲਿਆਂ ਵਿੱਚ ਆਮ ਹੋ ਸਕਦਾ ਹੈ। ਹਾਲਾਂਕਿ, ਹੱਗਿੰਗ ਫੇਸ ਨੂੰ ਨਿਸ਼ਾਨਾ ਬਣਾਉਣ ਵਾਲੀ ਹਾਲੀਆ ਡਾਟਾ ਬ੍ਰੀਚ ਵੱਖਰੀ ਹੈ ਕਿਉਂਕਿ ਇਹ ਪੂਰੀ ਹੈਕਿੰਗ ਮੁਹਿੰਮ ਇੱਕ ਸਵੈ-ਚਾਲਿਤ (Autonomous) ਏਆਈ ਏਜੰਟ ਸਿਸਟਮ ਦੁਆਰਾ ਚਲਾਈ ਗਈ ਸੀ।
ਹੱਗਿੰਗ ਫੇਸ ਨੇ ਇੱਕ ਬਲੌਗ ਪੋਸਟ ਵਿੱਚ ਕਿਹਾ, “ਇਹ ‘ਏਜੰਟਿਕ ਅਟੈਕਰ’ (Agentic Attacker) ਦੇ ਉਸ ਹਾਲਾਤ ਨਾਲ ਮੇਲ ਖਾਂਦਾ ਹੈ ਜਿਸਦੀ ਉਦਯੋਗ ਭਵਿੱਖਬਾਣੀ ਕਰ ਰਿਹਾ ਸੀ।” ਇਹ ਡਾਟਾ ਬ੍ਰੀਚ ਦਾ ਪਤਾ ਲਗਾਉਣ ਅਤੇ ਘਟਨਾ ਤੋਂ ਬਾਅਦ ਦੇ ਵਿਸ਼ਲੇਸ਼ਣ ਵਿੱਚ ਮਦਦ ਲਈ ਏਆਈ ਦੀ ਵਰਤੋਂ ਕੀਤੇ ਜਾਣ ਦੀਆਂ ਸ਼ੁਰੂਆਤੀ ਉਦਾਹਰਣਾਂ ਵਿੱਚੋਂ ਵੀ ਇੱਕ ਹੈ।
