ਮਹਮ (ਰੋਹਤਕ), 25 ਜੁਲਾਈ, 2026 (ਸੰਜਾਵ ਸ਼ਰਮਾ) : ਹਰਿਆਣਾ ਵਿੱਚ ਸੋਸ਼ਲ ਮੀਡੀਆ ‘ਤੇ ਵਧ ਰਹੀ ਅਸ਼ਲੀਲਤਾ ਅਤੇ ‘ਗਨ ਕਲਚਰ’ (ਹਥਿਆਰਾਂ ਦੇ ਦਿਖਾਵੇ) ਵਿਰੁੱਧ ਮਹਮ ਦੇ ਇਤਿਹਾਸਕ ਚੌਬੀਸੀ ਚਬੂਤਰੇ ‘ਤੇ ਇੱਕ ਵੱਡੀ ਮਹਾਪੰਚਾਇਤ ਸ਼ੁਰੂ ਹੋ ਗਈ ਹੈ। ਇਸ ਮਹਾਪੰਚਾਇਤ ਵਿੱਚ ਉੱਤਰੀ ਭਾਰਤ ਦੀਆਂ ਕਈ ਮੁੱਖ ਖਾਪਾਂ ਦੇ ਨੁਮਾਇੰਦੇ ਅਤੇ ਸਮਾਜਿਕ ਸੰਗਠਨਾਂ ਦੇ ਆਗੂ ਹਿੱਸਾ ਲੈਣ ਪਹੁੰਚੇ ਹਨ।
8 ਸਾਲਾ ਬੱਚੀ ਅਵਨੀ ਨੇ ਕੀਤੀ ਸ਼ੁਰੂਆਤ
ਇਸ ਮਹਾਪੰਚਾਇਤ ਦੀ ਸ਼ੁਰੂਆਤ 8 ਸਾਲ ਦੀ ਮਾਸੂਮ ਬੱਚੀ ਅਵਨੀ ਨੇ ਕੀਤੀ। ਉਸ ਨੇ ਮੰਚ ਤੋਂ ਬੋਲਦਿਆਂ ਆਖਿਆ ਕਿ ਸਮਾਜ ਵਿੱਚੋਂ ਇਸ ‘ਗੰਦ ਕਲਚਰ’ ਅਤੇ ਅਸ਼ਲੀਲਤਾ ਨੂੰ ਜੜ੍ਹੋਂ ਉਖਾੜ ਕੇ ਸੁੱਟਣਾ ਹੋਵੇਗਾ, ਤਾਂ ਜੋ ਬੱਚਿਆਂ ਅਤੇ ਯੂਥ ਦਾ ਭਵਿੱਖ ਸੁਰੱਖਿਅਤ ਰਹਿ ਸਕੇ।
ਕਲਾਕਾਰਾਂ ਅਤੇ ਲੇਖਕਾਂ ਨੂੰ ਵੀ ਬੁਲਾਇਆ
ਮਹਾਪੰਚਾਇਤ ਵਿੱਚ ਹਰਿਆਣਵੀ ਅਤੇ ਬੋਲੀਵੁੱਡ ਕਲਾਕਾਰਾਂ, ਗਾਇਕਾਂ ਅਤੇ ਲੇਖਕਾਂ ਨੂੰ ਵੀ ਆਮੰਤ੍ਰਿਤ ਕੀਤਾ ਗਿਆ ਹੈ, ਜਿਨ੍ਹਾਂ ਵਿੱਚ ਮਸ਼ਹੂਰ ਅਦਾਕਾਰਾ ਸਪਨਾ ਚੌਧਰੀ ਦੇ ਪਤੀ ਵੀ ਸ਼ਾਮਲ ਹਨ। ਖਾਪ ਚੌਧਰੀਆਂ ਨੇ ਸਪੱਸ਼ਟ ਕੀਤਾ ਹੈ ਕਿ ਪੈਸੇ ਦੇ ਲਾਲਚ ਵਿੱਚ ਅਸ਼ਲੀਲਤਾ ਅਤੇ ਹਥਿਆਰਾਂ ਦਾ ਪ੍ਰਚਾਰ ਕਰਨ ਵਾਲੇ ਗੀਤਾਂ ਤੇ ਵੀਡੀਓਜ਼ ਦਾ ਪੂਰਨ ਵਿਰੋਧ ਕੀਤਾ ਜਾਵੇਗਾ ਅਤੇ ਸਰਕਾਰ ਤੋਂ ਇਸ ਸਬੰਧੀ ਸਖ਼ਤ ਕਾਨੂੰਨ ਬਣਾਉਣ ਦੀ ਮੰਗ ਕੀਤੀ ਜਾਵੇਗੀ।
