ਨਵੀਂ ਦਿੱਲੀ, 31 ਜੁਲਾਈ, 2026 (ਹਰਸ਼ਪ੍ਰੀਤ ਕੌਰ) : ਆਮਦਨ ਕਰ ਰਿਟਰਨ (ITR) ਭਰਨ ਲਈ ਅੱਜ ਆਖਰੀ ਦਿਨ ਹੈ। ਟੈਕਸ ਵਿਭਾਗ ਨੇ ਯੋਗ ਟੈਕਸਦਾਤਾਵਾਂ ਨੂੰ ਸਮੇਂ ਸਿਰ ਰਿਟਰਨ ਦਾਖ਼ਲ ਕਰਨ ਦੀ ਅਪੀਲ ਕੀਤੀ ਹੈ ਤਾਂ ਜੋ ਜੁਰਮਾਨੇ ਅਤੇ ਹੋਰ ਪ੍ਰਸ਼ਾਸਕੀ ਪੇਚੀਦਗੀਆਂ ਤੋਂ ਬਚਿਆ ਜਾ ਸਕੇ। ਅਧਿਕਾਰਕ ਜਾਣਕਾਰੀ ਮੁਤਾਬਕ ਕਰੋੜਾਂ ਟੈਕਸਦਾਤਾ ਪਹਿਲਾਂ ਹੀ ਆਪਣੀਆਂ ਰਿਟਰਨਾਂ ਦਾਖ਼ਲ ਕਰ ਚੁੱਕੇ ਹਨ, ਪਰ ਜਿਹੜੇ ਲੋਕ ਅਜੇ ਤੱਕ ਇਹ ਪ੍ਰਕਿਰਿਆ ਪੂਰੀ ਨਹੀਂ ਕਰ ਸਕੇ, ਉਨ੍ਹਾਂ ਲਈ ਅੱਜ ਆਖਰੀ ਮੌਕਾ ਹੈ।
ਜੇਕਰ ਕੋਈ ਟੈਕਸਦਾਤਾ ਨਿਰਧਾਰਿਤ ਸਮੇਂ ਅੰਦਰ ਆਈਟੀਆਰ ਦਾਖ਼ਲ ਨਹੀਂ ਕਰਦਾ ਤਾਂ ਉਹ ਦੇਰੀ ਨਾਲ ਰਿਟਰਨ ਭਰ ਸਕਦਾ ਹੈ, ਪਰ ਇਸ ਲਈ ਨਿਰਧਾਰਿਤ ਜੁਰਮਾਨਾ ਅਦਾ ਕਰਨਾ ਪਵੇਗਾ। ਦੇਰੀ ਨਾਲ ਰਿਟਰਨ ਦਾਖ਼ਲ ਕਰਨ ਦੀ ਆਖਰੀ ਮਿਤੀ 31 ਦਸੰਬਰ 2026 ਤੱਕ ਰਹੇਗੀ।
ਟੈਕਸ ਮਾਹਿਰਾਂ ਅਨੁਸਾਰ ਤਨਖਾਹਦਾਰ ਕਰਮਚਾਰੀ, ਪੈਨਸ਼ਨਰ, ਕਿਰਾਏ ਜਾਂ ਪੂੰਜੀ ਲਾਭ ਤੋਂ ਆਮਦਨ ਹਾਸਲ ਕਰਨ ਵਾਲੇ ਅਤੇ ਕੁਝ ਉੱਚ ਮੁੱਲ ਦੇ ਵਿੱਤੀ ਲੈਣ-ਦੇਣ ਕਰਨ ਵਾਲੇ ਵਿਅਕਤੀਆਂ ਲਈ ਰਿਟਰਨ ਦਾਖ਼ਲ ਕਰਨਾ ਲਾਜ਼ਮੀ ਹੈ। ਵਿਭਾਗ ਨੇ ਟੈਕਸਦਾਤਾਵਾਂ ਨੂੰ ਅਪੀਲ ਕੀਤੀ ਹੈ ਕਿ ਆਖਰੀ ਸਮੇਂ ਦੀ ਭੀੜ ਤੋਂ ਬਚਦੇ ਹੋਏ ਆਪਣੀ ਰਿਟਰਨ ਤੁਰੰਤ ਭਰਨ।
%20for%20FY%202025-26.%20Taxpayers%20who%20miss%20the%20deadline%20may%20have%20to%20pay%20a%20penalty%20and%20file%20a%20belated%20return%20before%20December%2031,%202026.){kind=link}