ਸਪੋਰਟਸ, 21 ਜੁਲਾਈ, 2026 (ਹਰਸ਼ਪ੍ਰੀਤ ਕੌਰ): ਅਜੀਤ ਅਗਰਕਰ ਦੀ ਅਗਵਾਈ ਵਾਲੀ ਪੁਰਸ਼ ਸੀਨੀਅਰ ਚੋਣ ਕਮੇਟੀ 15 ਅਗਸਤ ਤੋਂ ਗਾਲੇ (Galle) ‘ਚ ਸ਼ੁਰੂ ਹੋਣ ਵਾਲੇ ਸ਼੍ਰੀਲੰਕਾ ਦੇ ਦੋ ਟੈਸਟ ਮੈਚਾਂ ਦੇ ਦੌਰੇ ਲਈ ਜਲਦ ਹੀ ਭਾਰਤੀ ਟੀਮ ਦੀ ਚੋਣ ਕਰ ਸਕਦੀ ਹੈ। ਇੰਗਲੈਂਡ ‘ਚ ਚੱਲ ਰਹੇ ਵ੍ਹਾਈਟ-ਬਾਲ ਦੌਰੇ ਦੌਰਾਨ ਇਸ ਸਬੰਧੀ ਅਧਿਕਾਰਤ ਗੱਲਬਾਤ ਹੋਈ ਹੈ ਅਤੇ ਇਸ ਮਹੱਤਵਪੂਰਨ ਸੀਰੀਜ਼ ਲਈ ਜਲਦ ਹੀ ਇੱਕ ਰਸਮੀ ਬੈਠਕ ਬੁਲਾਈ ਜਾਵੇਗੀ।
ਭਾਰਤੀ ਕ੍ਰਿਕਟ ਬੋਰਡ ਵੱਲੋਂ ਦਿੱਤੀ ਅਧਿਕਾਰਤ ਜਾਣਕਾਰੀ ਅਨੁਸਾਰ ਉਨ੍ਹਾਂ ਦੀ ਸੱਜੀ ਹੈਮਸਟ੍ਰਿੰਗ (ਸੱਜੀ ਲੱਤ ਦੇ ਪੱਠੇ) ‘ਚ ਖਿੱਚ ਆਈ ਹੈ। TimesofIndia.com ਨੂੰ ਮਿਲੀ ਜਾਣਕਾਰੀ ਮੁਤਾਬਕ ਲੰਡਨ ਪਹੁੰਚਣ ‘ਤੇ ਹਾਲਾਂਕਿ ਉਨ੍ਹਾਂ ਦਾ ਦਰਦ ਘੱਟ ਗਿਆ ਸੀ, ਪਰ ਉਨ੍ਹਾਂ ਨੂੰ ਸਕੈਨ ਕਰਵਾਉਣ ਲਈ ਕਿਹਾ ਗਿਆ ਸੀ, ਜਿਸ ਦੀ ਰਿਪੋਰਟ ਮਾਹਰਾਂ ਨਾਲ ਸਾਂਝੀ ਕੀਤੀ ਗਈ ਹੈ। ਇਹ ਵੀ ਸਮਝਿਆ ਜਾ ਰਿਹਾ ਹੈ ਕਿ ਜੇਕਰ ਇਹ ਸਿਰਫ਼ ਖਿੱਚ ਜਾਂ ਗ੍ਰੇਡ 1 ਦੀ ਸੱਟ ਵੀ ਹੈ, ਤਾਂ ਵੀ 26 ਸਾਲਾ ਇਸ ਖਿਡਾਰੀ ਨੂੰ ਪੂਰੀ ਤਰ੍ਹਾਂ ਮੈਚ-ਫਿੱਟ ਹੋਣ ‘ਚ ਘੱਟੋ-ਘੱਟ ਦੋ ਹਫ਼ਤੇ ਲੱਗ ਸਕਦੇ ਹਨ।
ਭਾਰਤੀ ਟੀਮ ਆਪਣੀਆਂ ਤਿਆਰੀਆਂ ਸ਼ੁਰੂ ਕਰਨ ਲਈ 4 ਅਗਸਤ ਤੱਕ ਹੀ ਸ਼੍ਰੀਲੰਕਾ ਲਈ ਰਵਾਨਾ ਹੋ ਸਕਦੀ ਹੈ, ਅਜਿਹੇ ‘ਚ ਇਹ ਦੇਖਣਾ ਬਾਕੀ ਹੈ ਕਿ ਚੋਣਕਾਰ ਵਾਸ਼ਿੰਗਟਨ ਸੁੰਦਰ ਦੀ ਸਥਿਤੀ ਨਾਲ ਕਿਵੇਂ ਨਜਿੱਠਦੇ ਹਨ। ਸ਼ੁਭਮਨ ਗਿੱਲ ਦੀ ਅਗਵਾਈ ਵਾਲੀ ਇਹ ਟੀਮ ਗਾਲੇ ਟੈਸਟ ਤੋਂ ਪਹਿਲਾਂ ਚਾਰ ਦਿਨਾਂ ਦਾ ਅਭਿਆਸ ਮੈਚ ਵੀ ਖੇਡੇਗੀ।
ਮਾਨਵ ਸੁਥਾਰ ਅਤੇ ਕੁਲਦੀਪ ਯਾਦਵ ਦੀ ਜਗ੍ਹਾ ਬਰਕਰਾਰ ਰਹਿਣ ਦੀ ਸੰਭਾਵਨਾ ਹੈ, ਜਦੋਂ ਕਿ ਤੇਜ਼ ਗੇਂਦਬਾਜ਼ੀ ਅਟੈਕ ‘ਚ ਮੁਹੰਮਦ ਸਿਰਾਜ, ਗੁਰਨੂਰ ਬਰਾੜ ਅਤੇ ਪ੍ਰਸਿੱਧ ਕ੍ਰਿਸ਼ਨਾ ਸ਼ਾਮਲ ਹੋ ਸਕਦੇ ਹਨ। ਆਈ.ਪੀ.ਐੱਲ. ਤੋਂ ਬਾਅਦ ਅਫ਼ਗਾਨਿਸਤਾਨ ਵਿਰੁੱਧ ਮੈਚ ਲਈ ਜਡੇਜਾ ਨੂੰ ਨਹੀਂ ਚੁਣਿਆ ਗਿਆ ਸੀ, ਪਰ ਅਗਰਕਰ ਨੇ ਸਪੱਸ਼ਟ ਕੀਤਾ ਸੀ ਕਿ ਇਹ ਅਨੁਭਵੀ ਆਲਰਾਊਂਡਰ ਇਸ ਫਾਰਮੈਟ ‘ਚ ਭਾਰਤ ਦਾ “ਨੰਬਰ 1 ਸਪਿਨਰ” ਬਣਿਆ ਹੋਇਆ ਹੈ।
