ਕੋਲਕਾਤਾ, 31 ਜੁਲਾਈ, 2026 (ਜਗਦੇਵ ਰੰਚਨਾ) : ਭਾਰਤੀ ਫੁੱਟਬਾਲ ਪ੍ਰਸ਼ੰਸਕਾਂ ਲਈ ਵੱਡੀ ਖੁਸ਼ਖਬਰੀ ਸਾਹਮਣੇ ਆਈ ਹੈ। ਭਾਰਤ ਅਤੇ ਵਿਸ਼ਵ ਫੁੱਟਬਾਲ ਦੀ ਦਿੱਗਜ ਟੀਮ ਬ੍ਰਾਜ਼ੀਲ ਵਿਚਕਾਰ ਫ੍ਰੈਂਡਲੀ ਮੈਚ ਦਾ ਐਲਾਨ ਕਰ ਦਿੱਤਾ ਗਿਆ ਹੈ।
ਇਹ ਮੁਕਾਬਲਾ 3 ਅਕਤੂਬਰ ਨੂੰ ਕੋਲਕਾਤਾ ਦੇ ਮਸ਼ਹੂਰ ਸਾਲਟ ਲੇਕ ਸਟੇਡੀਅਮ ਵਿੱਚ ਖੇਡਿਆ ਜਾਵੇਗਾ। ਇਸ ਮੈਦਾਨ ‘ਤੇ ਪਹਿਲਾਂ ਵੀ ਕਈ ਅੰਤਰਰਾਸ਼ਟਰੀ ਫੁੱਟਬਾਲ ਸਿਤਾਰੇ ਖੇਡ ਚੁੱਕੇ ਹਨ, ਪਰ ਭਾਰਤ-ਬ੍ਰਾਜ਼ੀਲ ਮੁਕਾਬਲਾ ਇਸਦੀ ਸਭ ਤੋਂ ਵੱਡੀਆਂ ਖੇਡ ਘਟਨਾਵਾਂ ਵਿੱਚੋਂ ਇੱਕ ਮੰਨਿਆ ਜਾ ਰਿਹਾ ਹੈ।
ਭਾਰਤੀ ਅਤੇ ਬ੍ਰਾਜ਼ੀਲ ਫੁੱਟਬਾਲ ਫੈਡਰੇਸ਼ਨਾਂ ਨੇ ਸਾਂਝੇ ਬਿਆਨ ਵਿੱਚ ਕਿਹਾ ਕਿ ਭਾਰਤ ਵਿੱਚ ਬ੍ਰਾਜ਼ੀਲ ਦੀ ਟੀਮ ਦੇ ਲੱਖਾਂ ਪ੍ਰਸ਼ੰਸਕ ਹਨ ਅਤੇ ਇਹ ਮੈਚ ਉਨ੍ਹਾਂ ਲਈ ਬ੍ਰਾਜ਼ੀਲ ਦੇ ਖਿਡਾਰੀਆਂ ਨੂੰ ਨੇੜੇ ਤੋਂ ਦੇਖਣ ਦਾ ਵੱਡਾ ਮੌਕਾ ਹੋਵੇਗਾ।ਇਸ ਮੁਕਾਬਲੇ ਨੂੰ ਲੈ ਕੇ ਫੁੱਟਬਾਲ ਪ੍ਰੇਮੀਆਂ ਵਿੱਚ ਹੁਣ ਤੋਂ ਹੀ ਉਤਸ਼ਾਹ ਦੇਖਣ ਨੂੰ ਮਿਲ ਰਿਹਾ ਹੈ।
