10 ਤੋਂ 24 ਜਨਵਰੀ ਤੱਕ ਉਪਲਬਧ ਰਹੇਗੀ ਸਵੈ-ਗਣਨਾ (ਸੈਲਫ-ਐਨਿਊਮਰੇਸ਼ਨ) ਦੀ ਸਹੂਲਤ; 1 ਤੋਂ 5 ਮਾਰਚ ਤੱਕ ਨਿਰਧਾਰਤ ਕੀਤਾ ਗਿਆ ਹੈ ਸੋਧ ਦਾ ਦੌਰ
ਚੰਡੀਗੜ੍ਹ, 7 ਨਵੰਬਰ, 2026 (ਸੰਜੀਵ ਸ਼ਰਮਾ ) : ਹਰਿਆਣਾ ਦੀ ਵਿੱਤੀ ਕਮਿਸ਼ਨਰ (ਮਾਲ ਅਤੇ ਆਫ਼ਤ ਪ੍ਰਬੰਧਨ ਵਿਭਾਗ) ਅਤੇ ਜਨਗਣਨਾ 2027 ਦੀ ਰਾਜ ਨੋਡਲ ਅਧਿਕਾਰੀ ਡਾ. ਸੁਮਿਤਾ ਮਿਸ਼ਰਾ ਨੇ ਜਨਗਣਨਾ 2027 ਦੇ ਦੂਜੇ ਪੜਾਅ ਦਾ ਸ਼ਡਿਊਲ ਨੋਟੀਫਾਇਡ ਕਰ ਦਿੱਤਾ ਹੈ। ਰਾਜ ਭਰ ਵਿੱਚ ਜਨਸੰਖਿਆ ਗਣਨਾ 25 ਜਨਵਰੀ ਤੋਂ 28 ਫਰਵਰੀ, 2027 ਤੱਕ ਨਿਰਧਾਰਤ ਕੀਤੀ ਗਈ ਹੈ। ਇਸ ਤੋਂ ਬਾਅਦ, 1 ਤੋਂ 5 ਮਾਰਚ, 2027 ਤੱਕ ਪੰਜ ਦਿਨਾਂ ਦਾ ਸੋਧ (ਰਿਵੀਜ਼ਨਲ) ਦੌਰ ਆਯੋਜਿਤ ਕੀਤਾ ਜਾਵੇਗਾ। ਡਾ. ਸੁਮਿਤਾ ਮਿਸ਼ਰਾ ਨੇ ਦੱਸਿਆ ਕਿ ਮੁੱਖ ਜਨਸੰਖਿਆ ਗਣਨਾ ਮੁਹਿੰਮ ਤੋਂ ਪਹਿਲਾਂ ਨਾਗਰਿਕਾਂ ਕੋਲ 10 ਤੋਂ 24 ਜਨਵਰੀ, 2027 ਤੱਕ ਸਵੈ-ਗਣਨਾ (ਸੈਲਫ-ਐਨਿਊਮਰੇਸ਼ਨ) ਦਾ ਵਿਕਲਪ ਵੀ ਉਪਲਬਧ ਰਹੇਗਾ। ਸਵੈ-ਗਣਨਾ ਦੀ ਇਸ ਸਹੂਲਤ ਰਾਹੀਂ ਨਾਗਰਿਕਾਂ ਨੂੰ ਆਪਣੀ ਜਾਣਕਾਰੀ ਪਹਿਲਾਂ ਹੀ ਆਨਲਾਈਨ ਦਰਜ ਕਰਨ ਦਾ ਮੌਕਾ ਮਿਲੇਗਾ, ਜਦਕਿ ਇਸ ਤੋਂ ਬਾਅਦ ਸ਼ੁਰੂ ਹੋਣ ਵਾਲੀ ਮੁੱਖ ਜਨਸੰਖਿਆ ਗਣਨਾ ਮੁਹਿੰਮ ਰਾਜ ਭਰ ਦੇ ਸਾਰੇ ਪਰਿਵਾਰਾਂ ਨੂੰ ਕਵਰ ਕਰੇਗੀ।
