ਪਟਿਆਲਾ, 6 ਅਕਤੂਬਰ, 2026 (ਗੁਰਮੀਤ ਸਿੰਘ ਤੁੰਗ) : ਪਟਿਆਲਾ ਦੇਹਾਤੀ ਤੋਂ ਭਾਜਪਾ ਆਗੂ ਗੁਰਜੀਤ ਸਿੰਘ ਕੋਹਲੀ ਨੇ ਆਪਣੇ ਜਨਮਦਿਨ ਮੌਕੇ ਰਵਾਇਤੀ ਜਸ਼ਨ ਤੋਂ ਹਟ ਕੇ ਪਟਿਆਲਾ ਦੇ ਸਕੂਲ ਫਾਰ ਡੈੱਫ ਐਂਡ ਬਲਾਈਂਡ ਵਿਖੇ ਪਹੁੰਚ ਕੇ ਲਗਭਗ 450 ਬੱਚਿਆਂ ਅਤੇ ਸਕੂਲ ਸਟਾਫ਼ ਨਾਲ ਆਪਣੀ ਖੁਸ਼ੀ ਸਾਂਝੀ ਕੀਤੀ। ਇਸ ਮੌਕੇ ਉਨ੍ਹਾਂ ਨੇ ਬੱਚਿਆਂ ਨਾਲ ਕੇਕ ਕੱਟਿਆ ਅਤੇ ਸਕੂਲ ਦੀ ਬ੍ਰੇਕ ਦੌਰਾਨ ਰਿਫਰੈਸ਼ਮੈਂਟ ਵੰਡੀ। ਕੋਹਲੀ ਨੇ ਕਿਹਾ ਕਿ ਉਹ ਨਿੱਜੀ ਤੌਰ ’ਤੇ ਆਪਣਾ ਜਨਮਦਿਨ ਵੱਡੇ ਪੱਧਰ ’ਤੇ ਮਨਾਉਣ ਵਿੱਚ ਵਿਸ਼ਵਾਸ ਨਹੀਂ ਰੱਖਦੇ, ਪਰ ਜੇਕਰ ਇਸ ਦਿਨ ਦੀ ਖੁਸ਼ੀ ਕਿਸੇ ਹੋਰ ਨਾਲ ਸਾਂਝੀ ਕਰਕੇ ਕਿਸੇ ਦੇ ਚਿਹਰੇ ’ਤੇ ਮੁਸਕਾਨ ਲਿਆਂਦੀ ਜਾ ਸਕੇ ਅਤੇ ਉਸ ਨੂੰ ਆਪਣੇਪਣ ਦਾ ਅਹਿਸਾਸ ਕਰਵਾਇਆ ਜਾ ਸਕੇ, ਤਾਂ ਇਸ ਤੋਂ ਵੱਡਾ ਜਸ਼ਨ ਹੋਰ ਕੋਈ ਨਹੀਂ।
ਉਨ੍ਹਾਂ ਕਿਹਾ, “ਇਨ੍ਹਾਂ ਬੱਚਿਆਂ ਨਾਲ ਬਿਤਾਇਆ ਸਮਾਂ ਮੇਰੇ ਲਈ ਬੇਹੱਦ ਭਾਵੁਕ ਅਤੇ ਪ੍ਰੇਰਣਾਦਾਇਕ ਰਿਹਾ। ਉਨ੍ਹਾਂ ਦਾ ਪਿਆਰ ਅਤੇ ਅਸ਼ੀਰਵਾਦ ਹੀ ਮੇਰੇ ਜਨਮਦਿਨ ਦਾ ਸਭ ਤੋਂ ਕੀਮਤੀ ਤੋਹਫ਼ਾ ਹੈ। ਇੱਥੇ ਆ ਕੇ ਇੱਕ ਵਾਰ ਫਿਰ ਅਹਿਸਾਸ ਹੋਇਆ ਕਿ ਮਨੁੱਖਾ ਜੀਵਨ ਕਿੰਨਾ ਅਨਮੋਲ ਹੈ ਅਤੇ ਸਾਨੂੰ ਪਰਮਾਤਮਾ ਵੱਲੋਂ ਮਿਲੀਆਂ ਬਖ਼ਸ਼ਿਸ਼ਾਂ ਲਈ ਹਮੇਸ਼ਾ ਸ਼ੁਕਰਗੁਜ਼ਾਰ ਰਹਿਣਾ ਚਾਹੀਦਾ ਹੈ।” ਕੋਹਲੀ ਨੇ ਕਿਹਾ ਕਿ ਸਮਾਜ ਵਿੱਚ ਵੱਖ-ਵੱਖ ਚੁਣੌਤੀਆਂ ਦਾ ਸਾਹਮਣਾ ਕਰ ਰਹੇ ਬੱਚਿਆਂ ਨੂੰ ਸਿਰਫ਼ ਹਮਦਰਦੀ ਨਹੀਂ, ਸਗੋਂ ਪਿਆਰ, ਸਾਥ, ਹੌਸਲਾ ਅਤੇ ਆਪਣੇਪਣ ਦੀ ਲੋੜ ਹੈ। ਉਨ੍ਹਾਂ ਨਾਲ ਸਮਾਂ ਬਿਤਾਉਣਾ ਅਤੇ ਉਨ੍ਹਾਂ ਦੀਆਂ ਖੁਸ਼ੀਆਂ ਵਿੱਚ ਸ਼ਾਮਲ ਹੋਣਾ ਵੀ ਸੇਵਾ ਦਾ ਇੱਕ ਮਹੱਤਵਪੂਰਨ ਰੂਪ ਹੈ। ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਬੱਚਿਆਂ ਦੇ ਹੌਸਲੇ ਅਤੇ ਜੀਵਨ ਪ੍ਰਤੀ ਉਨ੍ਹਾਂ ਦੇ ਨਜ਼ਰੀਏ ਨੇ ਉਨ੍ਹਾਂ ਨੂੰ ਡੂੰਘੀ ਪ੍ਰੇਰਨਾ ਦਿੱਤੀ। “ਮੇਰੇ ਲਈ ਇਹ ਜਨਮਦਿਨ ਜਸ਼ਨ ਨਾਲੋਂ ਵੱਧ ਸੇਵਾ, ਸ਼ੁਕਰਾਨੇ ਅਤੇ ਆਤਮ-ਚਿੰਤਨ ਦਾ ਦਿਨ ਬਣ ਗਿਆ।” ਇਸ ਮੌਕੇ ਐਡਵੋਕੇਟ ਯੁਗਲ ਵਾਲੀਆ ਜੀ, ਸ੍ਰੀ ਦਲੀਪ ਸਿੰਘ ਬੋਚੜਾ ਜੀ, ਮਾਨਿਕ ਮਹਿਤਾ ਜੀ, ਸ੍ਰੀ ਜੌਨੀ ਵਾਲੀਆ ਜੀ, ਤਜਿੰਦਰ ਜੀ, ਸ੍ਰੀ ਆਰ. ਐਲ. ਪੁਸੀਨ ਜੀ ਸਮੇਤ ਹੋਰ ਸਾਥੀ ਵੀ ਹਾਜ਼ਰ ਸਨ।
