ਨਵੀਂ ਦਿੱਲੀ: 11 ਦਸੰਬਰ, 2025 (ਚੌਧਰੀ ਪ੍ਰਭਜੀਤ ਸਿੰਘ) ਭਾਰਤੀ ਚੋਣ ਕਮਿਸ਼ਨ ਨੇ ਵੋਟਰ ਸੂਚੀ ਨੂੰ ਗਲਤੀ ਰਹਿਤ, ਸ਼ੁੱਧ ਅਤੇ ਅਪਡੇਟ ਬਣਾਉਣ ਦੇ ਮਕਸਦ ਨਾਲ ਵੀਰਵਾਰ ਨੂੰ ਇੱਕ ਮਹੱਤਵਪੂਰਨ ਫੈਸਲਾ ਲੈਂਦੇ ਹੋਏ ਐਸਆਈਆਰ (Special Intensive Revision) ਦੀ ਸਮਾਂ ਸੀਮਾ ਵਧਾ ਦਿੱਤੀ ਹੈ। ਇਸ ਦੇ ਤਹਿਤ ਉੱਤਰ ਪ੍ਰਦੇਸ਼ ਸਮੇਤ ਪੰਜ ਸੂਬਿਆਂ ਅਤੇ ਇੱਕ ਕੇਂਦਰ ਸ਼ਾਸਿਤ ਪ੍ਰਦੇਸ਼ ਵਿੱਚ ਚੱਲ ਰਹੀ ਤਸਦੀਕ ਪ੍ਰਕਿਰਿਆ ਹੁਣ ਨਵੀਂ ਤਰੀਕਾਂ ਮੁਤਾਬਕ ਪੂਰੀ ਕੀਤੀ ਜਾਵੇਗੀ। ਪੱਛਮੀ ਬੰਗਾਲ ਲਈ ਇਸ ਵਾਰ ਵੱਖਰਾ ਸ਼ਡਿਊਲ ਜਾਰੀ ਕੀਤਾ ਗਿਆ ਹੈ।
ਕਿਹੜੇ ਸੂਬੇ ਵਿੱਚ ਕਿੰਨੀ ਵਧੀ ਮਿਆਦ?
- ਉੱਤਰ ਪ੍ਰਦੇਸ਼: ਐਸਆਈਆਰ ਦੀ ਡੇਡਲਾਈਨ ਸਭ ਤੋਂ ਵੱਧ ਵਧਾ ਕੇ 26 ਦਸੰਬਰ ਕੀਤੀ ਗਈ।
- ਮੱਧ ਪ੍ਰਦੇਸ਼, ਛੱਤੀਸਗੜ੍ਹ, ਅੰਡੇਮਾਨ–ਨਿਕੋਬਾਰ: ਇੱਥੇ ਤਸਦੀਕ ਕੰਮ 18 ਦਸੰਬਰ ਤੱਕ ਜਾਰੀ ਰਹੇਗਾ।
- ਤਾਮਿਲਨਾਡੂ ਅਤੇ ਗੁਜਰਾਤ: ਇੱਥੇ ਫਾਰਮ ਭਰਨ ਅਤੇ ਪ੍ਰਮਾਣਾਂ ਦੀ ਤਸਦੀਕ 14 ਦਸੰਬਰ ਤੱਕ ਪੂਰੀ ਹੋਵੇਗੀ।
ਐਸਆਈਆਰ (SIR) ਹੈ ਕੀ ਅਤੇ ਕਿਉਂ ਜ਼ਰੂਰੀ?
ਐਸਆਈਆਰ ਦਾ ਮੁੱਖ ਉਦੇਸ਼ ਵੋਟਰ ਸੂਚੀ ਦੀ ਸਫਾਈ ਅਤੇ ਅਪਡੇਟ ਹੈ। ਇਸ ਦੌਰਾਨ—
- ਡੁਪਲੀਕੇਟ ਨਾਂ, ਮ੍ਰਿਤਕ, ਜਾਂ ਥਾਂ ਬਦਲੇ ਲੋਕਾਂ ਦੇ ਨਾਂ ਹਟਾਏ ਜਾਂਦੇ ਹਨ,
- 18 ਤੋਂ ਉੱਪਰ ਦੇ ਨਵੇਂ ਯੋਗ ਵੋਟਰਾਂ ਨੂੰ ਲਿਸਟ ਵਿੱਚ ਜੋੜਿਆ ਜਾਂਦਾ ਹੈ,
- ਫਰਜ਼ੀ ਵੋਟਿੰਗ ਦੀ ਸੰਭਾਵਨਾ ਘਟਦੀ ਹੈ।
ਬੂਥ ਲੈਵਲ ਅਧਿਕਾਰੀ (BLO) ਇਸ ਸਮੇਂ ਘਰ-ਘਰ ਜਾ ਕੇ ਜਾਣਕਾਰੀ ਦੀ ਤਸਦੀਕ ਕਰ ਰਹੇ ਹਨ।
UP ਨੇ ਮੰਗਿਆ ਸੀ ਵਾਧੂ ਸਮਾਂ
ਉੱਤਰ ਪ੍ਰਦੇਸ਼ ਦੇ ਮੁੱਖ ਚੋਣ ਅਧਿਕਾਰੀ ਨਵਦੀਪ ਰਿਣਵਾ ਦੇ ਅਨੁਸਾਰ, ਮ੍ਰਿਤਕ ਅਤੇ ਲਾਪਤਾ ਵੋਟਰਾਂ ਦੀ ਦੁਬਾਰਾ ਜਾਂਚ ਲਈ ਰਾਜ ਨੇ ਵਾਧੂ ਸਮਾਂ ਮੰਗਿਆ ਸੀ, ਜਿਸਨੂੰ ਕਮਿਸ਼ਨ ਨੇ ਮਨਜ਼ੂਰੀ ਦੇ ਦਿੱਤੀ।
ਬੰਗਾਲ ਲਈ ਵੱਖਰਾ ਸ਼ਡਿਊਲ
ਪੱਛਮੀ ਬੰਗਾਲ ਲਈ ਚੋਣ ਕਮਿਸ਼ਨ ਨੇ ਨਵਾਂ ਪ੍ਰੋਗਰਾਮ ਜਾਰੀ ਕੀਤਾ ਹੈ।
- ਫਾਈਨਲ ਵੋਟਰ ਲਿਸਟ 14 ਫਰਵਰੀ, 2026 ਨੂੰ ਜਾਰੀ ਹੋਵੇਗੀ।
- ਨਾਗਰਿਕ 16 ਦਸੰਬਰ, 2025 ਤੋਂ 15 ਜਨਵਰੀ, 2026 ਤੱਕ ਦਾਅਵੇ ਅਤੇ ਇਤਰਾਜ਼ ਦਾਖਲ ਕਰ ਸਕਣਗੇ।
