ਜਲੰਧਰ, 3 ਨਵੰਬਰ, 2026 (ਚੌਧਰੀ ਪ੍ਰਭਜੀਤ ਸਿੰਘ): ਪੰਜਾਬ ਦੇ ਸਰਾਫਾ ਬਾਜ਼ਾਰ ਵਿੱਚ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ਵਿੱਚ ਉਲਟ ਰੁਝਾਨ ਦੇਖਣ ਨੂੰ ਮਿਲਿਆ ਹੈ। ਜਲੰਧਰ ਸਰਾਫਾ ਐਸੋਸੀਏਸ਼ਨ ਵੱਲੋਂ ਜਾਰੀ ਤਾਜ਼ਾ ਦਰਾਂ ਅਨੁਸਾਰ ਸੋਨੇ ਦੀਆਂ ਕੀਮਤਾਂ ਵਿੱਚ ਵਾਧਾ ਹੋਇਆ ਹੈ, ਜਦਕਿ ਚਾਂਦੀ ਦੇ ਭਾਅ ਵਿੱਚ ਕਮੀ ਦਰਜ ਕੀਤੀ ਗਈ ਹੈ। ਸੋਨੇ ਦੀ ਖਰੀਦ ਕਰਨ ਵਾਲਿਆਂ ਲਈ ਕੀਮਤਾਂ ਵਿੱਚ ਵਾਧਾ ਦੇਖਣ ਨੂੰ ਮਿਲਿਆ ਹੈ। 24 ਕੈਰੇਟ ਸੋਨੇ ਦਾ ਭਾਅ ਪਿਛਲੇ ਦਿਨ ਦੇ ਮੁਕਾਬਲੇ 400 ਰੁਪਏ ਵਧ ਕੇ 1,42,000 ਰੁਪਏ ’ਤੇ ਪਹੁੰਚ ਗਿਆ ਹੈ। ਇਸੇ ਤਰ੍ਹਾਂ 22 ਕੈਰੇਟ ਸੋਨੇ ਦੀ ਕੀਮਤ ਵਿੱਚ ਵੀ 370 ਰੁਪਏ ਦਾ ਵਾਧਾ ਦਰਜ ਕੀਤਾ ਗਿਆ ਹੈ। ਇਸ ਦਾ ਭਾਅ 1,31,690 ਰੁਪਏ ਤੋਂ ਵਧ ਕੇ 1,32,060 ਰੁਪਏ ਹੋ ਗਿਆ ਹੈ। ਦੂਜੇ ਪਾਸੇ ਚਾਂਦੀ ਖਰੀਦਣ ਵਾਲਿਆਂ ਨੂੰ ਕੀਮਤਾਂ ਵਿੱਚ ਰਾਹਤ ਮਿਲੀ ਹੈ। ਚਾਂਦੀ ਦਾ ਭਾਅ ਪਿਛਲੇ ਦਿਨ 1,88,000 ਰੁਪਏ ਸੀ, ਜੋ ਅੱਜ 3,200 ਰੁਪਏ ਦੀ ਗਿਰਾਵਟ ਨਾਲ 1,84,800 ਰੁਪਏ ਰਹਿ ਗਿਆ ਹੈ।
ਜਲੰਧਰ ਸਰਾਫਾ ਐਸੋਸੀਏਸ਼ਨ ਵੱਲੋਂ ਜਾਰੀ ਤਾਜ਼ਾ ਕੀਮਤਾਂ:
- 24 ਕੈਰੇਟ ਸੋਨਾ: 1,42,000 ਰੁਪਏ
- 22 ਕੈਰੇਟ ਸੋਨਾ: 1,32,060 ਰੁਪਏ
- ਚਾਂਦੀ: 1,84,800 ਰੁਪਏ
ਸਰਾਫਾ ਬਾਜ਼ਾਰ ਵਿੱਚ ਸੋਨੇ ਦੀਆਂ ਵਧਦੀਆਂ ਅਤੇ ਚਾਂਦੀ ਦੀਆਂ ਘਟਦੀਆਂ ਕੀਮਤਾਂ ਕਾਰਨ ਗਾਹਕਾਂ ਦੀ ਨਜ਼ਰ ਹੁਣ ਆਉਣ ਵਾਲੇ ਦਿਨਾਂ ਦੇ ਬਾਜ਼ਾਰੀ ਰੁਝਾਨਾਂ ’ਤੇ ਟਿਕੀ ਹੋਈ ਹੈ।
