ਹਰਿਆਣਾ, 3 ਅਗਸਤ, 2026 (ਸੰਜੀਵ ਸ਼ਰਮਾ) : ਪਾਣੀਪਤ-ਅਸੰਧ ਹਾਈਵੇ ‘ਤੇ ਤਿੰਨ ਅਣਪਛਾਤੇ ਨੌਜਵਾਨਾਂ ਨੇ ਆਪਣੇ ਆਪ ਨੂੰ ਗੌਰੱਖਿਆ ਦਲ ਦੇ ਮੈਂਬਰ ਦੱਸ ਕੇ ਇੱਕ ਕੈਂਟਰ ਚਾਲਕ ਨੂੰ ਨਿਸ਼ਾਨਾ ਬਣਾਇਆ। ਦੋਸ਼ੀਆਂ ਨੇ ਪਹਿਲਾਂ ਵਾਹਨ ਦਾ ਸ਼ੀਸ਼ਾ ਤੋੜਿਆ, ਫਿਰ ਚਾਲਕ ਨਾਲ ਕੁੱਟਮਾਰ ਕਰਕੇ ਉਸ ਦੀ ਜੇਬ ਵਿਚੋਂ 49,500 ਰੁਪਏ ਦੀ ਨਕਦੀ ਖੋਹ ਲਈ।
ਪੀੜਤ ਮੰਨੂ ਆਪਣੇ ਭਰਾ ਨਾਲ ਉੱਤਰ ਪ੍ਰਦੇਸ਼ ਤੋਂ ਕੇਲੇ ਉਤਾਰ ਕੇ ਵਾਪਸ ਆ ਰਿਹਾ ਸੀ। ਘਟਨਾ ਮਤਲੌਡਾ ਅਤੇ ਨਾਰਾ ਪਿੰਡ ਦਰਮਿਆਨ ਵਾਪਰੀ। ਵਾਰਦਾਤ ਤੋਂ ਬਾਅਦ ਮੁਲਜ਼ਮ ਮੋਟਰਸਾਈਕਲ ‘ਤੇ ਫਰਾਰ ਹੋ ਗਏ। ਪੀੜਤ ਦੀ ਸ਼ਿਕਾਇਤ ‘ਤੇ ਮਤਲੌਡਾ ਥਾਣਾ ਪੁਲਿਸ ਨੇ ਕੇਸ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਪੁਲਿਸ ਵੱਲੋਂ ਬਾਈਕ ਨੰਬਰ ਦੇ ਆਧਾਰ ‘ਤੇ ਮੁਲਜ਼ਮਾਂ ਦੀ ਭਾਲ ਕੀਤੀ ਜਾ ਰਹੀ ਹੈ।
