ਮਨੋਰੰਜਨ, 21 ਜੁਲਾਈ, 2026 (ਵਿਸ਼ਾਲ ਗੁਪਤਾ):ਸੋਸ਼ਲ ਮੀਡੀਆ ‘ਤੇ ਇੱਕ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ ਵਿੱਚ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਬਾਲੀਵੁੱਡ ਦੇ ਦਿੱਗਜ ਅਦਾਕਾਰ ਨਸੀਰੁੱਦੀਨ ਸ਼ਾਹ ਨਵੀਂ ਦਿੱਲੀ ਦੇ ਜੰਤਰ-ਮੰਤਰ ਵਿਖੇ ਵਿਦਿਆਰਥੀਆਂ ਦੇ ਪ੍ਰਦਰਸ਼ਨ ਦੇ ਸਮਰਥਨ ‘ਚ ਖੜ੍ਹੇ ਹਨ।
ਕਈ ਸੋਸ਼ਲ ਮੀਡੀਆ ਉਪਭੋਗਤਾਵਾਂ (Users) ਨੇ ਇਸ ਵੀਡੀਓ ਨੂੰ ਇਹ ਦਾਅਵਾ ਕਰਦਿਆਂ ਸਾਂਝਾ ਕੀਤਾ ਕਿ ਸ਼ਾਹ ਆਪਣੇ ਪੁੱਤਰਾਂ ਇਮਾਦ ਸ਼ਾਹ ਅਤੇ ਵਿਵਾਨ ਸ਼ਾਹ ਨਾਲ ਚੁੱਪਚਾਪ ਜੰਤਰ-ਮੰਤਰ ‘ਤੇ ਹੋ ਰਹੇ ਪ੍ਰਦਰਸ਼ਨ ਵਿੱਚ ਸ਼ਾਮਲ ਹੋਏ। ਇਸ ਵਾਇਰਲ ਫੁਟੇਜ ਵਿੱਚ ਅਦਾਕਾਰ ਆਪਣੇ ਪੁੱਤਰ ਨਾਲ ਇੱਕ ਪਾਸੇ ਖੜ੍ਹੇ ਹੋ ਕੇ ਕੋਲੋਂ ਲੰਘਦੇ ਲੋਕਾਂ ਨੂੰ ਦੇਖਦੇ ਹੋਏ ਨਜ਼ਰ ਆ ਰਹੇ ਹਨ।
ਨਸੀਰੁੱਦੀਨ ਸ਼ਾਹ ਦੀ ‘ਜੰਤਰ-ਮੰਤਰ’ ਵਾਲੀ ਕਥਿਤ ਵੀਡੀਓ ਹੋਈ ਵਾਇਰਲ
ਇੱਕ ਵਾਇਰਲ ਪੋਸਟ ਵਿੱਚ ਦਾਅਵਾ ਕੀਤਾ ਗਿਆ, “ਦਿੱਲੀ ਦੇ ਜੰਤਰ-ਮੰਤਰ ‘ਤੇ ਚੱਲ ਰਹੇ ਵਿਦਿਆਰਥੀ ਅੰਦੋਲਨ ਦਰਮਿਆਨ ਨਸੀਰੁੱਦੀਨ ਸ਼ਾਹ ਆਪਣੇ ਪੁੱਤਰਾਂ ਇਮਾਦ ਅਤੇ ਵਿਵਾਨ ਸ਼ਾਹ ਨਾਲ ਪਹੁੰਚੇ। ਉਨ੍ਹਾਂ ਨੇ ਕੋਈ ਜਨਤਕ ਬਿਆਨ ਨਹੀਂ ਦਿੱਤਾ, ਬਸ ਇੱਕ ਥੰਮ੍ਹ ਨਾਲ ਸਹਾਰਾ ਲੈ ਕੇ ਚੁੱਪਚਾਪ ਖੜ੍ਹੇ ਰਹੇ ਅਤੇ ਪ੍ਰਦਰਸ਼ਨ ਨੂੰ ਦੇਖਦੇ ਰਹੇ। ਉਨ੍ਹਾਂ ਨੇ ਪੁਲਿਸ ਕਾਰਵਾਈ ਤੋਂ ਬਾਅਦ ਖਿੰਡ ਰਹੇ ਵਿਦਿਆਰਥੀਆਂ ਨੂੰ ਵੀ ਗੰਭੀਰਤਾ ਨਾਲ ਦੇਖਿਆ।”
