ਖੇਡਾਂ, 21 ਜੁਲਾਈ, 2026 (ਹਰਸ਼ਲੀਨ ਸਿੰਘ): ਭਾਰਤ ਦੇ ਸਾਬਕਾ ਸਪਿਨਰ ਰਵੀਚੰਦਰਨ ਅਸ਼ਵਿਨ ਨੇ ਰੋਹਿਤ ਸ਼ਰਮਾ ਅਤੇ ਵਿਰਾਟ ਕੋਹਲੀ ਦਾ ਸਮਰਥਨ ਕਰਦਿਆਂ ਕਿਹਾ ਹੈ ਕਿ ਜੇਕਰ ਇਹ ਦੋਵੇਂ ਸੀਨੀਅਰ ਬੱਲੇਬਾਜ਼ ਅਜੇ ਵੀ ਭਾਰਤ ਲਈ ਖੇਡਣਾ ਚਾਹੁੰਦੇ ਹਨ, ਤਾਂ ਉਨ੍ਹਾਂ ਨੂੰ ਆਸਾਨੀ ਨਾਲ ਟੀਮ ‘ਚੋਂ ਬਾਹਰ ਨਹੀਂ ਕੀਤਾ ਜਾ ਸਕਦਾ।
ਅਸ਼ਵਿਨ ਦੀਆਂ ਇਹ ਟਿੱਪਣੀਆਂ ਰੋਹਿਤ ਵੱਲੋਂ ਲਾਰਡਜ਼ ਵਿਖੇ ਇੰਗਲੈਂਡ ਵਿਰੁੱਧ ਤੀਜੇ ਅਤੇ ਆਖਰੀ ਵਨਡੇ ‘ਚ ਸ਼ਾਨਦਾਰ ਸੈਂਕੜਾ ਜੜ ਕੇ ਆਪਣੀ ਸੰਨਿਆਸ ਦੀਆਂ ਚਰਚਾਵਾਂ ‘ਤੇ ਵਿਰਾਮ ਲਗਾਉਣ ਤੋਂ ਬਾਅਦ ਆਈਆਂ ਹਨ। ਭਾਵੇਂ ਭਾਰਤ ਇਹ ਮੈਚ 27 ਦੌੜਾਂ ਨਾਲ ਹਾਰ ਗਿਆ ਅਤੇ ਸੀਰੀਜ਼ 2-1 ਨਾਲ ਗੁਆ ਬੈਠਾ, ਪਰ ਰੋਹਿਤ ਦੀ 138 ਦੌੜਾਂ ਦੀ ਪਾਰੀ ਨੇ ਸਭ ਨੂੰ ਯਾਦ ਦਿਵਾ ਦਿੱਤਾ ਕਿ ਉਹ ਅਜੇ ਵੀ ਭਾਰਤ ਦੇ ਸਭ ਤੋਂ ਵੱਡੇ ਮੈਚ ਜੇਤੂਆਂ ਵਿੱਚੋਂ ਇੱਕ ਹਨ।
ਆਪਣੇ ਯੂਟਿਊਬ ਚੈਨਲ ‘ਅਸ਼ ਕੀ ਬਾਤ’ (Ash ki Baat) ‘ਤੇ ਗੱਲਬਾਤ ਕਰਦਿਆਂ ਅਸ਼ਵਿਨ ਨੇ ਕਿਹਾ: “ਰੋਹਿਤ ਸ਼ਰਮਾ ਅਤੇ ਵਿਰਾਟ ਕੋਹਲੀ ਕੋ ਛੂਹ ਨਹੀਂ ਪਾਏਂਗੇ (ਉਹ ਵਿਰਾਟ ਕੋਹਲੀ ਅਤੇ ਰੋਹਿਤ ਸ਼ਰਮਾ ਨੂੰ ਛੂਹ ਵੀ ਨਹੀਂ ਸਕਣਗੇ)। ਜੇਕਰ ਉਹ ਖੇਡਣਾ ਚਾਹੁੰਦੇ ਹਨ ਤਾਂ ਉਹ ਵਿਰਾਟ ਅਤੇ ਰੋਹਿਤ ਨੂੰ ਹੱਥ ਵੀ ਨਹੀਂ ਲਗਾ ਸਕਦੇ। ਇਹ ਉਨ੍ਹਾਂ ਦੇ ਸ਼ਾਨਦਾਰ ਰਿਕਾਰਡਸ ਕਾਰਨ ਹੈ। ਰੋਹਿਤ ਨੇ ਲਗਭਗ 12,000 ਦੌੜਾਂ ਬਣਾਈਆਂ ਹਨ; ਉਹ ਉਨ੍ਹਾਂ ਨੂੰ ਬਾਹਰ ਨਹੀਂ ਕਰ ਸਕਦੇ।”
