ਕੇਂਦਰੀ ਮੰਤਰੀ ਸ਼ਿਵਰਾਜ ਸਿੰਘ ਚੌਹਾਨ ਨੇ ਕੀਤਾ ਸਨਮਾਨਿਤ
ਨਵੀਂ ਦਿੱਲੀ, 14 ਜੁਲਾਈ: (ਛਤਰਪਾਲ ਸਿੰਘ) ਮਾਤਰ 5 ਸਾਲ 2 ਮਹੀਨੇ ਦੀ ਉਮਰ ਵਿੱਚ ਪਰਿਆਵਰਣ ਸੰਰੱਖਣ ਲਈ ਵਿਲੱਖਣ ਯੋਗਦਾਨ ਪਾਉਣ ਵਾਲੇ ਬਾਲ ਪਰਿਆਵਰਣ ਪ੍ਰੇਮੀ ਰੁਦ੍ਰਾਂਸ਼ ਉਪਾਧਿਆਯ ਨੂੰ ਕੇਂਦਰੀ ਖੇਤੀਬਾੜੀ ਅਤੇ ਕਿਸਾਨ ਭਲਾਈ ਮੰਤਰੀ ਸ਼ਿਵਰਾਜ ਸਿੰਘ ਚੌਹਾਨ ਵੱਲੋਂ ਵਿਸ਼ੇਸ਼ ਤੌਰ ‘ਤੇ ਸਨਮਾਨਿਤ ਕੀਤਾ ਗਿਆ।
ਵਾਰਾਣਸੀ ਦੇ ਮੂਲ ਨਿਵਾਸੀ ਰੁਦ੍ਰਾਂਸ਼ ਇਸ ਸਮੇਂ ਆਪਣੇ ਪਿਤਾ ਸ਼੍ਰੀ ਗਿਆਨੇੰਦਰ ਉਪਾਧਿਆਯ ਨਾਲ ਪੰਚਕੂਲਾ ਵਿੱਚ ਰਹਿ ਰਹੇ ਹਨ, ਜਿੱਥੇ ਉਨ੍ਹਾਂ ਦੇ ਪਿਤਾ ਭਾਰਤੀ ਫੌਜ ਦੀ ਪੱਛਮੀ ਕਮਾਂਡ ਵਿੱਚ ਸੇਵਾ ਨਿਭਾ ਰਹੇ ਹਨ।
‘ਰੁਦ੍ਰਾਂਸ਼ ਗ੍ਰੀਨ ਮਿਸ਼ਨ’ ਰਾਹੀਂ ਪਰਿਆਵਰਣ ਸੰਭਾਲ ਦੀ ਮੁਹਿੰਮ, 1427 ਪੌਦੇ ਅੱਜ ਵੀ ਹਰੇ-ਭਰੇ
ਨਵੀਂ ਦਿੱਲੀ ਵਿੱਚ ਆਯੋਜਿਤ ‘ਵ੍ਰਿਕਸ਼ ਮਿੱਤਰ’ ਪ੍ਰੋਗਰਾਮ ਦੌਰਾਨ ਰੁਦ੍ਰਾਂਸ਼ ਨੇ ਕੇਂਦਰੀ ਮੰਤਰੀ ਨਾਲ ਮਿਲ ਕੇ ਪੌਧਾਰੋਪਣ ਕੀਤਾ ਅਤੇ ਆਪਣੇ ਨਿੱਜੀ ਅਭਿਆਨ ‘ਰੁਦ੍ਰਾਂਸ਼ ਗ੍ਰੀਨ ਮਿਸ਼ਨ (RGM)’ ਬਾਰੇ ਜਾਣਕਾਰੀ ਸਾਂਝੀ ਕੀਤੀ। ਉਨ੍ਹਾਂ ਦੱਸਿਆ ਕਿ ਉਹ ਹੁਣ ਤੱਕ 1455 ਪੌਦੇ ਲਗਾ ਚੁੱਕੇ ਹਨ, ਜਿਨ੍ਹਾਂ ਵਿੱਚੋਂ 1427 ਪੌਦੇ ਅੱਜ ਵੀ ਸੁਰੱਖਿਅਤ ਅਤੇ ਤੰਦਰੁਸਤ ਹਨ।
ਰੁਦ੍ਰਾਂਸ਼ ਵੱਲੋਂ ਲਗਾਏ ਗਏ ਜ਼ਿਆਦਾਤਰ ਪੌਦੇ ਪੰਚਕੂਲਾ, ਚੰਡੀਗੜ੍ਹ ਅਤੇ ਚੰਡੀਮੰਦਰ ਕੈਂਟ ਦੇ ਵੱਖ-ਵੱਖ ਖੇਤਰਾਂ ਵਿੱਚ ਹਨ। ਉਹ ਹਰ ਐਤਵਾਰ ਘੱਟੋ-ਘੱਟ ਸੱਤ ਪੌਦੇ ਲਗਾਉਣ ਦੇ ਆਪਣੇ ਸੰਕਲਪ ਨੂੰ ਨਿਭਾਉਣ ਦੇ ਨਾਲ-ਨਾਲ ਉਨ੍ਹਾਂ ਦੀ ਸੰਭਾਲ ਅਤੇ ਸੁਰੱਖਿਆ ਵੀ ਖੁਦ ਕਰਦੇ ਹਨ।
ਪ੍ਰੋਗਰਾਮ ਦੌਰਾਨ ਰੁਦ੍ਰਾਂਸ਼ ਨੇ ਆਪਣੇ ਅਭਿਆਨ ਦਾ ਡਿਜ਼ਿਟਲ ਰਿਕਾਰਡ ਵੀ ਪੇਸ਼ ਕੀਤਾ, ਜਿਸ ਵਿੱਚ ਹਰ ਪੌਦੇ ਦੀ ਪ੍ਰਜਾਤੀ, ਸਥਾਨ ਅਤੇ ਮੌਜੂਦਾ ਹਾਲਤ ਦਾ ਵੇਰਵਾ ਦਰਜ ਸੀ। ਉਨ੍ਹਾਂ ਦੇ ਇਸ ਅਨੋਖੇ ਯਤਨ ਤੋਂ ਪ੍ਰਭਾਵਿਤ ਹੋ ਕੇ ਕੇਂਦਰੀ ਮੰਤਰੀ ਸ਼ਿਵਰਾਜ ਸਿੰਘ ਚੌਹਾਨ ਨੇ ਉਨ੍ਹਾਂ ਨੂੰ ਮੰਚ ‘ਤੇ ਸਨਮਾਨਿਤ ਕਰਦਿਆਂ ਇੱਕ ਪੌਦਾ ਅਤੇ 10 ਹਜ਼ਾਰ ਰੁਪਏ ਦੀ ਪ੍ਰੋਤਸਾਹਨ ਰਾਸ਼ੀ ਭੇਟ ਕੀਤੀ।
ਸਮਾਗਮ ਵਿੱਚ ਭਾਰਤੀ ਖੇਤੀਬਾੜੀ ਅਨੁਸੰਧਾਨ ਪਰਿਸ਼ਦ (ICAR), ਭਾਰਤੀ ਖੇਤੀਬਾੜੀ ਅਨੁਸੰਧਾਨ ਸੰਸਥਾਨ (IARI), ਖੇਤੀ ਵਿਗਿਆਨੀਆਂ, ਪਰਿਆਵਰਣ ਮਾਹਿਰਾਂ ਅਤੇ ਵੱਖ-ਵੱਖ ਸੰਸਥਾਵਾਂ ਦੇ ਪ੍ਰਤੀਨਿਧੀਆਂ ਨੇ ਵੀ ਸ਼ਮੂਲੀਅਤ ਕੀਤੀ। ਮਾਹਿਰਾਂ ਨੇ ਰੁਦ੍ਰਾਂਸ਼ ਦੇ ਯਤਨਾਂ ਨੂੰ ਹੋਰ ਬੱਚਿਆਂ ਲਈ ਪ੍ਰੇਰਣਾਦਾਇਕ ਦੱਸਦਿਆਂ ਕਿਹਾ ਕਿ ਪਰਿਆਵਰਣ ਸੰਭਾਲ ਦੀ ਸ਼ੁਰੂਆਤ ਬਚਪਨ ਤੋਂ ਹੀ ਹੋਣੀ ਚਾਹੀਦੀ ਹੈ।
ਰੁਦ੍ਰਾਂਸ਼ ਉਪਾਧਿਆਯ ਨੇ ਆਪਣੀ ਛੋਟੀ ਉਮਰ ਵਿੱਚ ਹੀ ਇਹ ਸਾਬਤ ਕਰ ਦਿੱਤਾ ਹੈ ਕਿ ਜੇਕਰ ਇਰਾਦੇ ਮਜ਼ਬੂਤ ਹੋਣ ਤਾਂ ਉਮਰ ਕਦੇ ਵੀ ਸਫ਼ਲਤਾ ਦੇ ਰਾਹ ਵਿੱਚ ਰੁਕਾਵਟ ਨਹੀਂ ਬਣਦੀ।
