ਤੇਲ ਦੀਆਂ ਵਧੀਆਂ ਕੀਮਤਾਂ ਖ਼ਿਲਾਫ਼ ਮਤਾ ਪਾਸ
ਪਟਿਆਲਾ: 1 ਜੂਨ 2026 (ਬਲਜੀਤ ਸਰਨਾ): ਭਾਰਤੀ ਕਿਸਾਨ ਯੂਨੀਅਨ (BKU) ਸਿੱਧੂਪੁਰ ਪੰਜਾਬ ਦਾ ਇੱਕ ਅਹਿਮ ਡੈਲੀਗੇਟ ਇਜਲਾਸ ਇਤਿਹਾਸਕ ਗੁਰਦੁਆਰਾ ਪਾਤਸ਼ਾਹੀ ਨੌਵੀਂ ਬਹਾਦਰਗੜ੍ਹ (ਪਟਿਆਲਾ) ਵਿਖੇ ਹੋਇਆ। ਇਸ ਇਜਲਾਸ ਵਿੱਚ ਪੰਜਾਬ ਭਰ ਤੋਂ ਵੱਡੀ ਗਿਣਤੀ ਵਿੱਚ ਜਥੇਬੰਦੀ ਦੇ ਡੈਲੀਗੇਟਾਂ ਨੇ ਹਿੱਸਾ ਲਿਆ। ਇਜਲਾਸ ਦੌਰਾਨ ਸਭ ਤੋਂ ਅਹਿਮ ਫੈਸਲਾ ਲੈਂਦਿਆਂ ਸਰਬਸੰਮਤੀ ਨਾਲ ਅਗਲੇ ਸੈਸ਼ਨ ਲਈ ਪੰਜਾਬ ਕਮੇਟੀ ਦੀ ਨਵੀਂ ਚੋਣ ਕੀਤੀ ਗਈ।
ਨਵੀਂ ਸੂਬਾ ਕਮੇਟੀ ਦੇ ਅਹੁਦੇਦਾਰਾਂ ਦੀ ਸੂਚੀ
ਸਰਬਸੰਮਤੀ ਨਾਲ ਹੋਈ ਚੋਣ ਅਨੁਸਾਰ ਜਥੇਬੰਦੀ ਦੇ ਮੁੱਖ ਅਹੁਦੇਦਾਰਾਂ ਦਾ ਐਲਾਨ ਕੀਤਾ ਗਿਆ, ਜੋ ਕਿ ਹੇਠ ਲਿਖੇ ਅਨੁਸਾਰ ਹੈ:
| ਅਹੁਦਾ | ਨਾਮ | ਜ਼ਿਲ੍ਹਾ/ਖੇਤਰ |
| ਸੂਬਾ ਪ੍ਰਧਾਨ | ਸਃ ਦਲਵੀਰ ਸਿੰਘ ਸਿੱਧੂਪੁਰ | – |
| ਸੂਬਾ ਜਨਰਲ ਸਕੱਤਰ | ਸਃ ਬੋਗ ਸਿੰਘ | ਮਾਨਸਾ |
| ਸੂਬਾ ਸੀਨੀਅਰ ਮੀਤ ਪ੍ਰਧਾਨ | ਸਃ ਜੋਰਾਵਰ ਸਿੰਘ | ਬਲਬੇੜਾ (ਪਟਿਆਲਾ) |
| ਮੀਤ ਪ੍ਰਧਾਨ | ਸਃ ਸੁਖਦੇਵ ਸਿੰਘ | ਸਰਾਓ |
| ਸੂਬਾ ਪ੍ਰੈਸ ਸਕੱਤਰ | ਸਃ ਮੇਹਰ ਸਿੰਘ | ਥੇੜੀ |
| ਸੂਬਾ ਸਕੱਤਰ | ਸਃ ਬੇਅੰਤ ਸਿੰਘ | ਮਹਿਮਾ (ਬਠਿੰਡਾ) |
“ਜ਼ਿੰਮੇਵਾਰੀ ਤਨਦੇਹੀ ਨਾਲ ਨਿਭਾਵਾਂਗੇ” — ਨਵੇਂ ਚੁਣੇ ਆਗੂ
ਇਸ ਮੌਕੇ ਜਥੇਬੰਦੀ ਦੇ ਨਵਨਿਯੁਕਤ ਸੂਬਾ ਪ੍ਰਧਾਨ ਸਃ ਦਲਵੀਰ ਸਿੰਘ ਸਿੱਧੂਪੁਰ ਨੇ ਪਹੁੰਚੇ ਹੋਏ ਸਮੂਹ ਡੈਲੀਗੇਟਾਂ ਦਾ ਦਿਲੋਂ ਧੰਨਵਾਦ ਕੀਤਾ। ਉਨ੍ਹਾਂ ਕਿਸਾਨ ਭਰਾਵਾਂ ਨੂੰ ਭਰੋਸਾ ਦਿਵਾਉਂਦਿਆਂ ਕਿਹਾ ਕਿ ਜਥੇਬੰਦੀ ਨੇ ਉਨ੍ਹਾਂ ਨੂੰ ਜੋ ਜ਼ਿੰਮੇਵਾਰੀ ਸੌਂਪੀ ਹੈ, ਉਹ ਉਸ ਨੂੰ ਪੂਰੀ ਤਨਦੇਹੀ ਅਤੇ ਇਮਾਨਦਾਰੀ ਨਾਲ ਨਿਭਾਉਣਗੇ। ਬਾਕੀ ਨਵੇਂ ਚੁਣੇ ਗਏ ਆਗੂਆਂ ਨੇ ਵੀ ਕਿਸਾਨਾਂ ਦੇ ਇਕੱਠ ਨੂੰ ਸੰਬੋਧਨ ਕਰਦਿਆਂ ਵਚਨਬੱਧਤਾ ਦੁਹਰਾਈ ਕਿ ਉਹ ਕਿਸਾਨੀ ਹੱਕਾਂ ਦੀ ਰਾਖੀ ਅਤੇ ਕਿਸਾਨਾਂ ਦੀ ਸੇਵਾ ਲਈ ਹਮੇਸ਼ਾ ਯਤਨਸ਼ੀਲ ਰਹਿਣਗੇ।
ਪੰਜਾਬ ਦੇ ਵੱਖ-ਵੱਖ ਜ਼ਿਲ੍ਹਾ ਪ੍ਰਧਾਨਾਂ ਨੇ ਭਰੀ ਹਾਜ਼ਰੀ
ਇਸ ਇਜਲਾਸ ਵਿੱਚ ਪੰਜਾਬ ਦੇ ਵੱਖ-ਵੱਖ ਜ਼ਿਲ੍ਹਿਆਂ ਤੋਂ ਪ੍ਰਧਾਨ ਆਪਣੇ ਸਾਥੀਆਂ ਅਤੇ ਵੱਡੇ ਕਾਫਲਿਆਂ ਸਮੇਤ ਸ਼ਾਮਲ ਹੋਏ:
-
ਸੰਗਰੂਰ: ਸੁਰਜੀਤ ਸਿੰਘ ਭਾਦਸੋਂ
-
ਪਟਿਆਲਾ: ਗਿਆਨ ਸਿੰਘ
-
ਗੁਰਦਾਸਪੁਰ: ਬਖ਼ਸ਼ੀਸ਼ ਸਿੰਘ
-
ਫ਼ਰੀਦਕੋਟ: ਗਮਦੂਰ ਸਿੰਘ
-
ਸ਼੍ਰੀ ਫ਼ਤਿਹਗੜ੍ਹ ਸਾਹਿਬ: ਗੁਰਮੀਤ ਸਿੰਘ
-
ਮੋਹਾਲੀ: ਰਵਿੰਦਰ ਸਿੰਘ
-
ਫਿਰੋਜ਼ਪੁਰ: ਜਸਵਿੰਦਰ ਸਿੰਘ
-
ਬਰਨਾਲਾ: ਰੂਪ ਸਿੰਘ
-
ਬਠਿੰਡਾ: ਗਗਨਦੀਪ ਸਿੰਘ
-
ਰੋਪੜ: ਕੁਲਵਿੰਦਰ ਸਿੰਘ
ਵਧੀਆਂ ਤੇਲ ਕੀਮਤਾਂ ਵਿਰੁੱਧ ਰੋਸ, 2 ਜੂਨ ਦੇ SKM ਪ੍ਰਦਰਸ਼ਨ ਨੂੰ ਸਮਰਥਨ
ਇਜਲਾਸ ਦੌਰਾਨ ਜਿੱਥੇ ਸੰਗਠਨ ਦੀ ਮਜ਼ਬੂਤੀ ‘ਤੇ ਚਰਚਾ ਹੋਈ, ਉੱਥੇ ਹੀ ਕਿਸਾਨਾਂ ਦੀਆਂ ਆਰਥਿਕ ਮੁਸ਼ਕਿਲਾਂ ਦਾ ਮੁੱਦਾ ਵੀ ਗੂੰਜਿਆ। ਜਥੇਬੰਦੀ ਵੱਲੋਂ ਦੇਸ਼ ਵਿੱਚ ਲਗਾਤਾਰ ਵਧ ਰਹੀਆਂ ਤੇਲ ਦੀਆਂ ਕੀਮਤਾਂ ਵਿਰੁੱਧ ਸਖ਼ਤ ਰੋਸ ਪ੍ਰਗਟ ਕੀਤਾ ਗਿਆ।
