ਧਰਮ (ਮਨੋਜ ਵਰਮਾ): ਨਵਰਾਤਰਿਆਂ ਦੀ ਅਸ਼ਟਮੀ ਤਿਥੀ ‘ਤੇ ਕੰਜਕ ਪੂਜਨ ਦੀ ਵਿਸ਼ੇਸ਼ ਮਹੱਤਤਾ ਹੁੰਦੀ ਹੈ। ਮੰਨਿਆ ਜਾਂਦਾ ਹੈ ਕਿ ਇਸ ਦਿਨ ਕੰਨਿਆ ਪੂਜਨ ਕਰਨ ਨਾਲ ਮਾਂ ਦੁਰਗਾ ਪ੍ਰਸੰਨ ਹੁੰਦੀ ਹੈ ਅਤੇ ਘਰ ਵਿੱਚ ਸੁੱਖ-ਸਮ੍ਰਿਧੀ ਆਉਂਦੀ ਹੈ। ਇਸ ਵਾਰ ਨਵਰਾਤਰੇ 19 ਮਾਰਚ ਨੂੰ ਸ਼ੁਰੂ ਹੋਏ ਸਨ ਅਤੇ ਅੱਜ, 26 ਮਾਰਚ ਨੂੰ ਦੇਸ਼ ਭਰ ਵਿੱਚ ਦੁਰਗਾ ਅਸ਼ਟਮੀ ਮਨਾਈ ਜਾ ਰਹੀ ਹੈ।
ਅਸ਼ਟਮੀ ਤਿਥੀ ਅਤੇ ਮੁਹੂਰਤ
ਵੈਦਿਕ ਪੰਚਾਂਗ ਅਨੁਸਾਰ ਅਸ਼ਟਮੀ ਤਿਥੀ 25 ਮਾਰਚ ਨੂੰ ਦੁਪਹਿਰ 1:50 ਵਜੇ ਸ਼ੁਰੂ ਹੋਈ ਸੀ, ਜੋ ਕਿ ਅੱਜ 26 ਮਾਰਚ ਨੂੰ ਸਵੇਰੇ 11:48 ਵਜੇ ਤੱਕ ਰਹੇਗੀ। ਉਦਿਆ ਤਿਥੀ ਅਨੁਸਾਰ ਅਸ਼ਟਮੀ ਅੱਜ ਹੀ ਮਨਾਈ ਜਾ ਰਹੀ ਹੈ।
-
ਅਭਿਜੀਤ ਮੁਹੂਰਤ: ਦੁਪਹਿਰ 12:02 ਤੋਂ 12:52 ਵਜੇ ਤੱਕ।
-
ਵਿਜੇ ਮੁਹੂਰਤ: ਦੁਪਹਿਰ 2:30 ਤੋਂ 3:19 ਵਜੇ ਤੱਕ।
-
ਅੰਮ੍ਰਿਤ ਕਾਲ: ਸਵੇਰੇ 6:50 ਤੋਂ 8:21 ਵਜੇ ਤੱਕ।
ਕੰਨਿਆ ਪੂਜਨ ਦੀ ਵਿਧੀ
-
ਇਸ਼ਨਾਨ ਤੇ ਪੂਜਾ: ਸਵੇਰੇ ਜਲਦੀ ਉੱਠ ਕੇ ਇਸ਼ਨਾਨ ਕਰੋ ਅਤੇ ਮਾਂ ਮਹਾਂਗੌਰੀ ਦੀ ਪੂਜਾ ਕਰੋ।
-
ਸਤਿਕਾਰ ਨਾਲ ਸੱਦਾ: ਕੰਨਿਆਵਾਂ ਨੂੰ ਘਰ ਬੁਲਾ ਕੇ ਸਭ ਤੋਂ ਪਹਿਲਾਂ ਉਨ੍ਹਾਂ ਦੇ ਚਰਨ ਧੋਵੋ।
-
ਭੈਰਵ ਰੂਪ: 9 ਕੰਨਿਆਵਾਂ ਦੇ ਨਾਲ ਇੱਕ ਬਾਲਕ ਨੂੰ ‘ਭੈਰਵ’ ਦੇ ਰੂਪ ਵਿੱਚ ਜ਼ਰੂਰ ਬਿਠਾਓ।
-
ਤਿਲਕ ਤੇ ਮੌਲੀ: ਕੰਨਿਆਵਾਂ ਦੇ ਮੱਥੇ ‘ਤੇ ਰੋਲੀ-ਅਕਸ਼ਤ ਲਗਾਓ ਅਤੇ ਹੱਥ ‘ਤੇ ਮੌਲੀ ਬੰਨ੍ਹ ਕੇ ਲਾਲ ਚੁਨਰੀ ਭੇਟ ਕਰੋ।
-
ਭੋਗ: ਉਨ੍ਹਾਂ ਨੂੰ ਆਸਣ ‘ਤੇ ਬਿਠਾ ਕੇ ਪੂਰੀ, ਸਬਜ਼ੀ, ਚਨੇ, ਹਲਵਾ, ਖੀਰ ਅਤੇ ਫਲ ਛਕਾਓ।
-
ਆਸ਼ੀਰਵਾਦ: ਸਮਰੱਥਾ ਅਨੁਸਾਰ ਤੋਹਫ਼ੇ, ਕੱਪੜੇ ਜਾਂ ਦਕਸ਼ਿਣਾ ਦੇ ਕੇ ਉਨ੍ਹਾਂ ਦਾ ਆਸ਼ੀਰਵਾਦ ਲਵੋ।
ਰਾਸ਼ੀ ਅਨੁਸਾਰ ਦਿਓ ਤੋਹਫ਼ੇ (ਜੋਤਿਸ਼ ਸਲਾਹ)
ਜੋਤਿਸ਼ਾਚਾਰੀਆ ਡਾ. ਗੌਰਵ ਕੁਮਾਰ ਦੀਕਸ਼ਿਤ ਅਨੁਸਾਰ ਰਾਸ਼ੀ ਮੁਤਾਬਕ ਤੋਹਫ਼ੇ ਦੇਣਾ ਸ਼ੁਭ ਹੁੰਦਾ ਹੈ:
-
ਮੇਖ: ਅਨਾਰ ਦਾ ਫਲ।
-
ਬ੍ਰਿਸ਼ਭ: ਅਮਰੂਦ ਜਾਂ ਨਾਖ।
-
ਮਿਥੁਨ: ਕਾਪੀ, ਪੈੱਨ ਜਾਂ ਪੜ੍ਹਾਈ ਦਾ ਸਾਮਾਨ।
-
ਕਰਕ: ਦੁੱਧ ਤੋਂ ਬਣੀਆਂ ਚੀਜ਼ਾਂ।
-
ਸਿੰਘ: ਗੁੜ ਜਾਂ ਮੂੰਗਫਲੀ ਦੀ ਗੱਚਕ।
-
ਕੰਨਿਆ: ਮੂੰਗ ਦੀ ਦਾਲ ਦਾ ਹਲਵਾ ਜਾਂ ਲੱਡੂ।
-
ਤੁਲਾ: ਸਾਬੂਦਾਣੇ ਜਾਂ ਚੌਲਾਂ ਦੀ ਖੀਰ।
-
ਬ੍ਰਿਸ਼ਚਕ: ਚੈਰੀ ਜਾਂ ਸਟ੍ਰਾਬੇਰੀ ਵਾਲੀ ਮਿਠਾਈ।
-
ਧਨੂ ਤੇ ਮੀਨ: ਕੇਲਾ, ਪਪੀਤਾ ਜਾਂ ਚਨੇ ਦੀ ਦਾਲ ਦੀ ਮਿਠਾਈ।
-
ਮਕਰ ਤੇ ਕੁੰਭ: ਕਾਲੇ ਜਾਂ ਹਰੇ ਅੰਗੂਰ।
ਕਿੰਨੀਆਂ ਕੰਜਕਾਂ ਬਿਠਾਉਣੀਆਂ ਸ਼ੁਭ?
ਮਾਂ ਦੁਰਗਾ ਦੇ 9 ਸਰੂਪਾਂ ਕਾਰਨ 9 ਕੰਨਿਆਵਾਂ ਨੂੰ ਬਿਠਾਉਣਾ ਸਭ ਤੋਂ ਉੱਤਮ ਮੰਨਿਆ ਜਾਂਦਾ ਹੈ। ਜੇਕਰ 9 ਕੰਨਿਆਵਾਂ ਨਾ ਮਿਲਣ, ਤਾਂ ਸ਼ਰਧਾ ਅਨੁਸਾਰ 3, 5 ਜਾਂ 7 ਕੰਨਿਆਵਾਂ ਦਾ ਪੂਜਨ ਵੀ ਕੀਤਾ ਜਾ ਸਕਦਾ ਹੈ।
