ਪਟਿਆਲਾ: 11 ਫਰਵਰੀ (ਮਨੋਜ ਵਰਮਾ) : ਰੇਡੀਓ ਕਿਸਾਨ ਦਿਵਸ ਮਨਾਉਣ ਲਈ, ਆਕਾਸ਼ਵਾਣੀ: ਪਟਿਆਲਾ ਕੱਲ੍ਹ ਇੱਥੇ ਆਕਾਸ਼ਵਾਣੀ ਪਰਿਸਰ ਵਿੱਚ ਸਥਿਤ ਦੂਰਦਰਸ਼ਨ ਸਟੂਡੀਓ ਵਿੱਚ ਇੱਕ ਸੱਭਿਆਚਾਰਕ ਸਮਾਗਮ ਦਾ ਆਯੋਜਨ ਕਰਨ ਜਾ ਰਿਹਾ ਹੈ। ਇਹ ਸਮਾਗਮ ਭਾਰਤ ਸਰਕਾਰ ਦੇ ਖੇਤੀਬਾੜੀ ਅਤੇ ਕਿਸਾਨ ਭਲਾਈ ਮੰਤਰਾਲੇ ਦੁਆਰਾ ਸਪਾਂਸਰ ਕੀਤਾ ਜਾਣਾ ਹੈ ।
ਪੰਜਾਬ ਦੇ ਪੇਂਡੂ ਜੀਵਨ ਨੂੰ ਦਰਸਾਉਂਦਾ ਪੰਜਾਬੀ ਵਿੱਚ ਇੱਕ ਨਾਟਕ, ‘ਪਰਤ ਆਉਣ ਤੱਕ’, ਜੋ ਕਿ ਪ੍ਰਸਿੱਧ ਨਾਟਕ ਕਾਰਡਾ. ਸਤੀਸ਼ ਕੁਮਾਰ ਵਰਮਾ ਦੁਆਰਾ ਲਿਖਿਆ ਗਿਆ ਹੈ, ਮੋਹਨ ਕੰਬੋਜ ਅਤੇ ਹੋਰ ਨਾਟਕ ਕਲਾਕਾਰਾਂ ਦੁਆਰਾ ਖੇਡਿਆ ਜਾਵੇਗਾ।
ਆਕਾਸ਼ਵਾਣੀ ਵੱਲੋਂ ਏ-ਗ੍ਰੇਡ ਕਲਾਕਾਰ ਸਵਰਨ ਯਮਲਾ ਦੀ ਪਾਰਟੀ ਪੰਜਾਬ ਦਾ ਲੋਕ ਸੰਗੀਤ ਪੇਸ਼ ਕਰੇਗੀ।
ਪ੍ਰੋਗਰਾਮ ਦੀ ਰਿਕਾਰਡਿੰਗ ਆਕਾਸ਼ਵਾਣੀ: ਪਟਿਆਲਾ ਦੀ ਐਫ ਐਮ ਫ੍ਰੀਕੁਐਂਸੀ 100.2 ਮੈਗਾ ਹਰਟਜ਼ ਅਤੇ ਮੋਬਾਈਲ ਐਪ‘News On Air (ਨਿਊਜ਼ ਆਨ ਏਅਰ)’’ਤੇ 15 ਫਰਵਰੀ, 2026 ਨੂੰ‘ਕਿਸਾਨਵਾਣੀ’ਪ੍ਰੋਗਰਾਮ ਦੌਰਾਨ ਪ੍ਰਸਾਰਿਤ ਕੀਤੀ ਜਾਵੇਗੀ।
ਇਸ ਸਮਾਗਮ ਵਿੱਚ ਲਗਭਗ ਸੱਤਰ ਪ੍ਰਗਤੀਸ਼ੀਲ ਕਿਸਾਨ, ਖੇਤੀਬਾੜੀ ਅਧਿਕਾਰੀ ਅਤੇ ਕ੍ਰਿਸ਼ੀਵਿਗਿਆਨ ਕੇਂਦਰਾਂ, ਖੇਤੀਬਾੜੀ ਅਤੇ ਪਸ਼ੂ ਪਾਲਣ ਵਿਭਾਗਾਂ ਦੇ ਮਾਹਿਰਾਂ ਦੇ ਸ਼ਾਮਲ ਹੋਣ ਦੀ ਉਮੀਦ ਹੈ।
ਰੇਡੀਓ ਕਿਸਾਨ ਦਿਵਸ ਹਰ ਸਾਲ 15 ਫਰਵਰੀ ਨੂੰ ਜਾਂ ਇਸਦੇ ਆਸ-ਪਾਸ ਪੂਰੇ ਭਾਰਤ ਵਿੱਚ ਮਨਾਇਆ ਜਾਂਦਾ ਹੈ ਤਾਂ ਜੋ ਆਕਾਸ਼ਵਾਣੀ ਅਤੇ ਕਿਸਾਨ ਭਾਈਚਾਰੇ ਵਿਚਕਾਰ ਸਬੰਧ ਬਣਾਇਆ ਜਾ ਸਕੇ।
