ਪੰਜਾਬ ਦੇ ਵੱਖ-ਵੱਖ ਇਲਾਕਿਆਂ ਵਿੱਚ ਅੱਜ ਮੰਗਲਵਾਰ, 10 ਫਰਵਰੀ ਨੂੰ ਬਿਜਲੀ ਸਪਲਾਈ ਪ੍ਰਭਾਵਿਤ ਰਹੇਗੀ। ਪੰਜਾਬ ਬਿਜਲੀ ਵਿਭਾਗ (ਪਾਵਰਕਾਮ) ਵੱਲੋਂ ਜ਼ਰੂਰੀ ਮੁਰੰਮਤ ਅਤੇ ਰੱਖ-ਰਖਾਅ ਦੇ ਕੰਮਾਂ ਕਾਰਨ ਕਈ ਸ਼ਹਿਰਾਂ ਅਤੇ ਪੇਂਡੂ ਇਲਾਕਿਆਂ ਵਿੱਚ ਨਿਰਧਾਰਤ ਸਮੇਂ ਲਈ ਬਿਜਲੀ ਕੱਟ ਲਗਾਇਆ ਜਾ ਰਿਹਾ ਹੈ। ਇਸ ਸਬੰਧੀ ਸਬੰਧਤ ਖਪਤਕਾਰਾਂ ਨੂੰ ਪਹਿਲਾਂ ਹੀ ਸੂਚਿਤ ਕੀਤਾ ਜਾ ਚੁੱਕਾ ਹੈ।
ਤਪਾ ਮੰਡੀ:
ਪਾਵਰਕਾਮ ਸਬ-ਡਵੀਜ਼ਨ-2 ਦੇ ਐਸਡੀਓ ਸੁਖਵਿੰਦਰ ਸਿੰਘ ਨੇ ਦੱਸਿਆ ਕਿ ਧੌਲਾ ਸਬ-ਸਟੇਸ਼ਨ ‘ਤੇ ਮੁਰੰਮਤ ਕਾਰਨ ਸਵੇਰੇ 10 ਵਜੇ ਤੋਂ ਦੁਪਹਿਰ 2 ਵਜੇ ਤੱਕ ਸ਼ਹਿਰੀ ਅਤੇ ਪੇਂਡੂ ਫੀਡਰਾਂ ਦੀ ਬਿਜਲੀ ਸਪਲਾਈ ਬੰਦ ਰਹੇਗੀ। ਇਸ ਦੌਰਾਨ ਧੌਲਾ, ਕਾਹਨੇਕੇ, ਧੂਰਕੋਟ ਸਮੇਤ ਕਈ ਪਿੰਡ ਪ੍ਰਭਾਵਿਤ ਰਹਿਣਗੇ।
ਦਸੂਹਾ:
ਟਰਾਂਸਮਿਸ਼ਨ ਲਾਈਨ ਟਾਵਰ ਦੀ ਮੁਰੰਮਤ ਕਾਰਨ 11 ਕੇਵੀ ਕਲਿਆਣਪੁਰ ਯੂਪੀਐਸ ਅਤੇ 11 ਕੇਵੀ ਊਂਚੀ ਬੱਸੀ ਏਪੀ ਦੀ ਬਿਜਲੀ ਸਪਲਾਈ ਸਵੇਰੇ 8 ਵਜੇ ਤੋਂ ਰਾਤ 8 ਵਜੇ ਤੱਕ ਬੰਦ ਰਹੇਗੀ। ਇਸ ਨਾਲ ਸੈਦੋਨਵਾਲ, ਭੀਖੋਵਾਲ, ਬਰੋਵਾਲ, ਗਾਲੋਵਾਲ, ਕਲਿਆਣਪੁਰ, ਨਰਾਇਣਗੜ੍ਹ ਸਮੇਤ ਕਈ ਪਿੰਡਾਂ ਵਿੱਚ ਬਿਜਲੀ ਨਹੀਂ ਰਹੇਗੀ।
ਫਾਜ਼ਿਲਕਾ:
ਜ਼ਰੂਰੀ ਰੱਖ-ਰਖਾਅ ਦੇ ਚਲਦੇ 11 ਕੇਵੀ ਸ਼ਕਤੀ ਨਗਰ ਫੀਡਰ ਦੀ ਬਿਜਲੀ ਸਪਲਾਈ ਸਵੇਰੇ 10 ਵਜੇ ਤੋਂ ਸ਼ਾਮ 5 ਵਜੇ ਤੱਕ ਬੰਦ ਰਹੇਗੀ। ਇਸ ਨਾਲ ਸ਼ਕਤੀ ਨਗਰ, ਐਮ.ਆਰ. ਕਾਲਜ ਰੋਡ, ਆਨੰਦਪੁਰ ਮੁਹੱਲਾ, ਕਾਂਸ਼ੀਰਾਮ ਕਲੋਨੀ ਆਦਿ ਇਲਾਕੇ ਪ੍ਰਭਾਵਿਤ ਹੋਣਗੇ।
ਨੂਰਪੁਰਬੇਦੀ:
66 ਕੇਵੀ ਸਬ-ਸਟੇਸ਼ਨ ਬਜਰੂੜ ਅਧੀਨ ਅਬੀਆਨਾ ਫੀਡਰ ਦੀ ਮੁਰੰਮਤ ਕਾਰਨ ਸਵੇਰੇ 10 ਵਜੇ ਤੋਂ ਸ਼ਾਮ 4 ਵਜੇ ਤੱਕ ਬਿਜਲੀ ਬੰਦ ਰਹੇਗੀ। ਅਬੀਆਨਾ, ਨੰਗਲ, ਹਰੀਪੁਰ ਫੂਲਦੇ, ਟਿੱਬਾ ਟੱਪਰੀਆਂ ਸਮੇਤ ਕਈ ਪਿੰਡਾਂ ਵਿੱਚ ਸਪਲਾਈ ਪ੍ਰਭਾਵਿਤ ਰਹੇਗੀ।
ਤਰਨ ਤਾਰਨ:
132 ਕੇਵੀ ਸਬ-ਸਟੇਸ਼ਨ ਤੋਂ ਚੱਲਣ ਵਾਲੇ 11 ਕੇਵੀ ਸਿਟੀ-1 ਅਤੇ ਸਿਟੀ-6 ਫੀਡਰਾਂ ਦੀ ਵੰਡ ਕਾਰਨ ਸਵੇਰੇ 10 ਵਜੇ ਤੋਂ ਸ਼ਾਮ 5 ਵਜੇ ਤੱਕ ਬਿਜਲੀ ਕੱਟ ਲਗਾਇਆ ਜਾਵੇਗਾ। ਇਸ ਨਾਲ ਨਵਾਂ ਬਾਜ਼ਾਰ, ਸਰਹਾਲੀ ਰੋਡ, ਸਰਕੂਲਰ ਰੋਡ, ਪਾਰਕ ਐਵੇਨਿਊ ਸਮੇਤ ਕਈ ਮੁਹੱਲੇ ਪ੍ਰਭਾਵਿਤ ਰਹਿਣਗੇ।
ਗੁਰਦਾਸਪੁਰ:
132 ਕੇਵੀ ਸਬ-ਸਟੇਸ਼ਨ ਹਰਦੁਸ਼ਨੀ ਤੋਂ ਚੱਲਣ ਵਾਲੇ 11 ਕੇਵੀ ਟ੍ਰਾਈਮੋ ਰੋਡ ਫੀਡਰ ਦੀ ਬਿਜਲੀ ਸਪਲਾਈ ਸਵੇਰੇ 10 ਵਜੇ ਤੋਂ ਸ਼ਾਮ 5 ਵਜੇ ਤੱਕ ਬੰਦ ਰਹੇਗੀ। ਟ੍ਰਾਈਮੋ ਰੋਡ, ਸਰਕਾਰੀ ਕਾਲਜ, ਸੰਤ ਨਗਰ ਅਤੇ ਨੇੜਲੇ ਇਲਾਕਿਆਂ ਵਿੱਚ ਬਿਜਲੀ ਨਹੀਂ ਰਹੇਗੀ।
ਪਾਵਰਕਾਮ ਅਧਿਕਾਰੀਆਂ ਨੇ ਖਪਤਕਾਰਾਂ ਤੋਂ ਸਹਿਯੋਗ ਦੀ ਅਪੀਲ ਕਰਦਿਆਂ ਕਿਹਾ ਹੈ ਕਿ ਬਿਜਲੀ ਕੱਟ ਦੌਰਾਨ ਵਿਕਲਪਿਕ ਪ੍ਰਬੰਧ ਕਰਕੇ ਰੱਖੇ ਜਾਣ।
