ਖੇਡ ਮੰਤਰਾਲੇ ਵੱਲੋਂ ਅਭਿਨਵ ਬਿੰਦਰਾ ਦੀ ਅਗਵਾਈ ਹੇਠ ਬਣਾਈ ਟਾਸਕ ਫੋਰਸ ਨੇ ਭਾਰਤ ਵਿੱਚ ਖੇਡ ਪ੍ਰਸ਼ਾਸਨ ਦੀਆਂ ਕਮੀਆਂ ਨੂੰ ਉਜਾਗਰ ਕਰਦਿਆਂ ਇੱਕ ਖੁਦਮੁਖਤਿਆਰ ਸੰਸਥਾ ਬਣਾਉਣ ਦੀ ਸਿਫਾਰਸ਼ ਕੀਤੀ ਹੈ। 170 ਪੰਨਿਆਂ ਦੀ ਰਿਪੋਰਟ ਵਿੱਚ ਖੇਡ ਪ੍ਰਸ਼ਾਸਕਾਂ ਲਈ ਪੇਸ਼ੇਵਰ ਕੈਡਰ, ਸੰਗਠਿਤ ਸਿਖਲਾਈ ਅਤੇ ਐਥਲੀਟਾਂ ਲਈ ਦੋਹਰਾ ਕਰੀਅਰ ਮਾਰਗ ਬਣਾਉਣ ’ਤੇ ਜ਼ੋਰ ਦਿੱਤਾ ਗਿਆ ਹੈ।
ਟਾਸਕ ਫੋਰਸ ਨੇ ਰਾਸ਼ਟਰੀ ਖੇਡ ਸਿੱਖਿਆ ਅਤੇ ਸਮਰੱਥਾ ਨਿਰਮਾਣ ਪ੍ਰੀਸ਼ਦ (NCSECB) ਦੀ ਸਥਾਪਨਾ ਦੀ ਸਿਫਾਰਸ਼ ਕੀਤੀ, ਜੋ ਖੇਡ ਪ੍ਰਸ਼ਾਸਨ ਸਿਖਲਾਈ ਨੂੰ ਨਿਯਮਤ ਅਤੇ ਪ੍ਰਮਾਣਿਤ ਕਰੇਗੀ। ਖੇਡ ਮੰਤਰੀ ਮਨਸੁਖ ਮਾਂਡਵੀਆ ਨੇ ਕਿਹਾ ਕਿ 2036 ਓਲੰਪਿਕ ਦੇ ਟੀਚੇ ਨੂੰ ਧਿਆਨ ਵਿੱਚ ਰੱਖਦਿਆਂ ਸਾਰੀਆਂ ਸਿਫਾਰਸ਼ਾਂ ਲਾਗੂ ਕੀਤੀਆਂ ਜਾਣਗੀਆਂ।
