ਜਨਵਰੀ 2025 ਤੋਂ ਹੁਣ ਤੱਕ 85,000 ਤੋਂ ਵੱਧ ਵੀਜ਼ੇ ਰੱਦ
ਵਾਸ਼ਿੰਗਟਨ 10 ਦਸੰਬਰ 2025: (ਸ਼.ਅ.ਬਿਓਰੋ) : ਅਮਰੀਕਾ ਜਾਣ ਦੀ ਯੋਜਨਾ ਬਣਾ ਰਹੇ ਲੋਕਾਂ ਲਈ ਵੱਡਾ ਝਟਕਾ ਸਾਹਮਣੇ ਆਇਆ ਹੈ। ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਪ੍ਰਸ਼ਾਸਨ ਨੇ ਰਾਸ਼ਟਰੀ ਸੁਰੱਖਿਆ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਵੀਜ਼ਾ ਨਿਯਮਾਂ ਵਿੱਚ ਤੀਬਰ ਸਖ਼ਤੀ ਲਿਆਈ ਹੈ। ਨਵੀਆਂ ਨੀਤੀਆਂ ਦੇ ਤਹਿਤ ਜਨਵਰੀ 2025 ਤੋਂ ਹੁਣ ਤੱਕ 85,000 ਤੋਂ ਵੱਧ ਵੀਜ਼ੇ ਰੱਦ ਕਰ ਦਿੱਤੇ ਗਏ ਹਨ, ਜਿਸਦਾ ਵੱਧ ਅਸਰ ਭਾਰਤੀ ਅਰਜ਼ੀਦਾਰਾਂ ‘ਤੇ ਪਿਆ ਹੈ।
H-1B ਵੀਜ਼ਾ ਜਾਂਚ ਹੋਈ ਕਠੋਰ, ਇੰਟਰਵਿਊ ਮਾਰਚ 2025 ਤੱਕ ਟਲੇ
ਅਮਰੀਕੀ ਪ੍ਰਸ਼ਾਸਨ ਨੇ ਖ਼ਾਸ ਤੌਰ ’ਤੇ H-1B ਵੀਜ਼ਿਆਂ ਲਈ ਵੈਰੀਫਿਕੇਸ਼ਨ ਪ੍ਰਕਿਰਿਆ ਹੋਰ ਵੀ ਸਖ਼ਤ ਕਰ ਦਿੱਤੀ ਹੈ। ਇਸ ਕਰਕੇ ਦਸੰਬਰ ਦੇ ਅੰਤ ਤੱਕ ਤੈਅ ਹੋਏ ਕਈ ਇੰਟਰਵਿਊਆਂ ਨੂੰ ਰੱਦ ਕਰਕੇ ਮਾਰਚ 2025 ਤੱਕ ਲਈ ਮੁਲਤਵੀ ਕਰ ਦਿੱਤਾ ਗਿਆ ਹੈ।
ਅਮਰੀਕੀ ਦੂਤਾਵਾਸ ਨੇ ਸੋਸ਼ਲ ਮੀਡੀਆ ’ਤੇ ਸਪੱਸ਼ਟ ਚੇਤਾਵਨੀ ਜਾਰੀ ਕੀਤੀ ਹੈ ਕਿ ਜਿਨ੍ਹਾਂ ਦੀ ਅਪਾਇੰਟਮੈਂਟ ਰੱਦ ਹੋ ਚੁੱਕੀ ਹੈ, ਉਹ ਐਂਬੈਸੀ ਨਾ ਆਉਣ, ਨਹੀਂ ਤਾਂ ਉਨ੍ਹਾਂ ਨੂੰ ਪ੍ਰਵੇਸ਼ ਨਹੀਂ ਦਿੱਤਾ ਜਾਵੇਗਾ।
ਸੋਸ਼ਲ ਮੀਡੀਆ ਪ੍ਰੋਫਾਈਲ ਵੀ ਹੁਣ ਜਾਂਚ ਦਾ ਹਿੱਸਾ
ਨਵੇਂ ਨਿਯਮਾਂ ਵਿੱਚ ਬਿਨੈਕਾਰਾਂ ਦੀ ਆਨਲਾਈਨ ਅਤੇ ਸੋਸ਼ਲ ਮੀਡੀਆ ਸਰਗਰਮੀਆਂ ਦੀ ਵੀ ਵਿਸਤਾਰ ਨਾਲ ਜਾਂਚ ਕੀਤੀ ਜਾਵੇਗੀ।
ਇਮੀਗ੍ਰੇਸ਼ਨ ਵਿਦਵਾਨਾਂ ਮੁਤਾਬਕ, ਅਮਰੀਕਾ ਹੁਣ ਇਹ ਪਤਾ ਲਗਾਏਗਾ ਕਿ ਕਿਸੇ ਦੀ ਡਿਜੀਟਲ ਗਤੀਵਿਧੀ ਅਮਰੀਕਾ ਦੀ ਸੁਰੱਖਿਆ ਲਈ ਖ਼ਤਰਾ ਤਾਂ ਨਹੀਂ।
ਵਿਦੇਸ਼ ਮੰਤਰਾਲੇ ਨੇ ਕਿਹਾ ਹੈ ਕਿ ਹਰ ਵੀਜ਼ਾ ਫੈਸਲਾ ਹੁਣ ਰਾਸ਼ਟਰੀ ਸੁਰੱਖਿਆ ਨਾਲ ਜੋੜਿਆ ਹੋਇਆ ਮੰਨਿਆ ਜਾਵੇਗਾ।
ਵਿਦਿਆਰਥੀਆਂ ਅਤੇ ਪ੍ਰਦਰਸ਼ਨਕਾਰੀਆਂ ਤੇ ਕਸੋਟੀ
ਟਰੰਪ ਪ੍ਰਸ਼ਾਸਨ ਦੇ ਕੜੇ ਕਦਮਾਂ ਦਾ ਸਿੱਧਾ ਅਸਰ ਵਿਦਿਆਰਥੀਆਂ ’ਤੇ ਵੀ ਪਿਆ ਹੈ।
ਰੱਦ ਕੀਤੇ ਵੀਜ਼ਿਆਂ ਵਿੱਚੋਂ 8,000 ਤੋਂ ਵੱਧ ਵਿਦਿਆਰਥੀ ਵੀਜ਼ੇ ਹਨ। ਕਈ ਮਾਮਲਿਆਂ ਵਿੱਚ DUI, ਚੋਰੀ, ਕੁੱਟਮਾਰ ਵਰਗੇ ਅਪਰਾਧ ਵੀਜ਼ਾ ਰੱਦ ਹੋਣ ਦੀ ਵਜ੍ਹਾ ਬਣੇ।
ਇਸ ਤੋਂ ਇਲਾਵਾ, ਗਾਜ਼ਾ ਸੰਘਰਸ਼ ਦੇ ਪ੍ਰਦਰਸ਼ਨਾਂ ਵਿੱਚ ਹਿੱਸਾ ਲੈਣ ਵਾਲੇ ਵਿਦੇਸ਼ੀ ਵਿਦਿਆਰਥੀਆਂ ਅਤੇ ਚਾਰਲੀ ਕਿਰਕ ਹੱਤਿਆ ਮਾਮਲੇ ’ਚ ਜਸ਼ਨ ਮਨਾਉਣ ਦੇ ਦੋਸ਼ੀਆਂ ਦੇ ਵੀਜ਼ੇ ਵੀ ਰੱਦ ਕਰ ਦਿੱਤੇ ਗਏ ਹਨ।
5.5 ਕਰੋੜ ਵੀਜ਼ਾ ਧਾਰਕਾਂ ’ਤੇ ਲਗਾਤਾਰ ਨਿਗਰਾਨੀ
ਅਮਰੀਕਾ ਨੇ ਸਰਹੱਦ ਸੁਰੱਖਿਆ ਦੇ ਤਹਿਤ ‘ਨਿਰੰਤਰ ਨਿਗਰਾਨੀ ਪ੍ਰਣਾਲੀ’ ਲਾਗੂ ਕੀਤੀ ਹੈ।
ਇਸ ਨੀਤੀ ਅਨੁਸਾਰ, ਦੇਸ਼ ਵਿੱਚ ਮੌਜੂਦ 5.5 ਕਰੋੜ ਤੋਂ ਵੱਧ ਵੀਜ਼ਾ ਧਾਰਕਾਂ ਦੀ ਹਮੇਸ਼ਾ ਜਾਂਚ ਹੁੰਦੀ ਰਹੇਗੀ—ਚਾਹੇ ਉਹ ਵਿਦਿਆਰਥੀ ਹੋਣ, ਕੰਮਕਾਜੀ ਜਾਂ ਟੂਰਿਸਟ।
