ਪਾਇਲਟ ਤੇ ਪੈਸੈਂਜਰ ਬਾਲ-ਬਾਲ ਬਚੇ
ਸ਼.ਅ.ਬਿਓਰੋ ਨਿਊਜ਼: ਅਮਰੀਕਾ ਦੇ ਫਲੋਰੀਡਾ ਸਥਿਤ ਬ੍ਰੇਵਾਰਡ ਕਾਉਂਟੀ ਵਿੱਚ ਇੱਕ ਖੌਫਨਾਕ ਜਹਾਜ਼ ਹਾਦਸਾ ਸਾਹਮਣੇ ਆਇਆ ਹੈ, ਜਿੱਥੇ ਇੱਕ ਸੇਸਨਾ 152 ਸਿੰਗਲ-ਇੰਜਣ ਪ੍ਰਾਈਵੇਟ ਪਲੇਨ ਦਾ ਇੰਜਣ ਅਚਾਨਕ ਹਵਾ ਵਿੱਚ ਹੀ ਫੇਲ੍ਹ ਹੋ ਗਿਆ। ਐਮਰਜੈਂਸੀ ਸਥਿਤੀ ਨੂੰ ਦੇਖਦੇ ਹੋਏ ਪਾਇਲਟ ਨੇ ਹਾਈਵੇਅ ‘ਤੇ ਲੈਂਡਿੰਗ ਦੀ ਕੋਸ਼ਿਸ਼ ਕੀਤੀ, ਪਰ ਉਤਰਾਈ ਦੌਰਾਨ ਪਲੇਨ ਦਾ ਸੰਤੁਲਨ ਬਿਗੜ ਗਿਆ ਅਤੇ ਉਹ ਇੱਕ ਤੇਜ਼ ਰਫ਼ਤਾਰ ਟੋਾਇਟਾ ਕੈਮਰੀ ਨਾਲ ਜਾ ਟਕਰਾਇਆ।
ਧਮਾਕੇਦਾਰ ਟੱਕਰ ਦੇ ਬਾਵਜੂਦ, ਪਲੇਨ ਦੇ ਪਾਇਲਟ ਅਤੇ ਪੈਸੈਂਜਰ ਸੁਰੱਖਿਅਤ ਬਚ ਗਏ, ਜਦਕਿ ਕਾਰ ਚਲਾ ਰਹੀ 57 ਸਾਲਾ ਮਹਿਲਾ ਨੂੰ ਮਾਮੂਲੀ ਸੱਟਾਂ ਆਈਆਂ ਹਨ ਜੋ ਖ਼ਤਰੇ ਤੋਂ ਬਾਹਰ ਹਨ। ਕਈ ਗਵਾਹਾਂ ਨੇ ਇਸਨੂੰ “ਚਮਤਕਾਰ” ਕਰਾਰ ਦਿੱਤਾ ਹੈ।
ਵੀਡੀਓ ਵਾਇਰਲ — ਦਿਲ ਦਹਿਲਾ ਦੇਣ ਵਾਲਾ ਦ੍ਰਿਸ਼
ਹਾਦਸੇ ਦੀ ਪੂਰੀ ਘਟਨਾ ਨੇੜਲੇ ਕੈਮਰੇ ਵਿੱਚ ਕੈਦ ਹੋ ਗਈ, ਜਿਸ ਵਿੱਚ ਦਿਖਾਇਆ ਗਿਆ ਕਿ ਕਿਵੇਂ ਪਲੇਨ ਹਾਈਵੇਅ ਵੱਲ ਤੇਜ਼ੀ ਨਾਲ ਨੀਵਾਂ ਹੁੰਦਾ ਹੈ ਅਤੇ ਅਚਾਨਕ ਕਾਰ ਨਾਲ ਟਕਰਾ ਜਾਂਦਾ ਹੈ। ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ।
ਰੇਸਕਿਊ ਟੀਮਾਂ ਦੀ ਤੁਰੰਤ ਕਾਰਵਾਈ
ਮੌਕੇ ‘ਤੇ ਪਹੁੰਚੀ ਬ੍ਰੇਵਾਰਡ ਕਾਉਂਟੀ ਫਾਇਰ ਰੈਸਕਿਊ ਟੀਮ ਨੇ ਜਖ਼ਮੀ ਕਾਰ ਡਰਾਈਵਰ ਨੂੰ ਨਜ਼ਦੀਕੀ ਹਸਪਤਾਲ ਭੇਜਿਆ, ਜਿੱਥੇ ਉਸਦੀ ਹਾਲਤ ਸਥਿਰ ਹੈ। ਪਾਇਲਟ ਅਤੇ ਉਨ੍ਹਾਂ ਦੇ ਸਾਥੀ ਨੂੰ ਕੋਈ ਵੱਡੀ ਚੋਟ ਨਹੀਂ ਲੱਗੀ।
ਜਾਂਚ ਜਾਰੀ
ਹਾਦਸੇ ਤੋਂ ਬਾਅਦ ਕੁਝ ਸਮੇਂ ਲਈ ਹਾਈਵੇਅ ‘ਤੇ ਟ੍ਰੈਫਿਕ ਪ੍ਰਭਾਵਿਤ ਰਿਹਾ, ਜਿਸਨੂੰ ਮਲਬਾ ਹਟਾਉਣ ਤੋਂ ਬਾਅਦ ਮੁੜ ਚਾਲੂ ਕਰ ਦਿੱਤਾ ਗਿਆ। ਹਵਾਬਾਜ਼ੀ ਵਿਭਾਗ ਅਤੇ ਸਥਾਨਕ ਪੁਲਿਸ ਇਹ ਪਤਾ ਲਗਾ ਰਹੀ ਹੈ ਕਿ ਇੰਜਣ ਫੇਲ੍ਹ ਹੋਣ ਦੀ ਅਸਲੀ ਵਜ੍ਹਾ ਕੀ ਸੀ ਅਤੇ ਲੈਂਡਿੰਗ ਦੌਰਾਨ ਕੀ ਕੋਈ ਮਨੁੱਖੀ ਗ਼ਲਤੀ ਹੋਈ।
