ਨਵੀਂ ਦਿੱਲੀ : 22 ਨਵੰਬਰ, 2025 (ਜਗਜੀਤ ਸਿੰਘ): ਸਾਬਕਾ ਕ੍ਰਿਕਟਰ ਅਤੇ ਰਾਜਨੀਤਿਕਾ ਨਵਜੋਤ ਸਿੰਘ ਸਿੱਧੂ ਹਾਲ ਹੀ ਵਿੱਚ ਪਹਾੜਗੰਜ ਦੀ ਇੱਕ ਮਸ਼ਹੂਰ ਦੁਕਾਨ ‘ਤੇ ਪਹੁੰਚੇ, ਜਿੱਥੇ ਉਨ੍ਹਾਂ ਨੇ ਪਟਿਆਲੇ ਦੇ ਮਸ਼ਹੂਰ ਫੁੱਲੇ-ਫੁੱਲੇ ਭਟੂਰਿਆਂ ਦਾ ਸੁਆਦ ਚੱਖਿਆ। ਸਿੱਧੂ ਨੇ ਖਾਣੇ ਦੀ ਤਾਰੀਫ਼ ਕਰਦਿਆਂ ਕਿਹਾ ਕਿ ਇਹ ਅਨੁਭਵ ਬਹੁਤ ਹੀ ਮਜ਼ੇਦਾਰ ਰਿਹਾ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਉੱਥੇ ਦੀ ਮਸ਼ਹੂਰ ਲੱਸੀ ਵੀ ਪੀਤੀ ਅਤੇ ਇਸਦੀ ਖਾਸ ਤੌਰ ‘ਤੇ ਪ੍ਰਸ਼ੰਸਾ ਕੀਤੀ।
ਸਿੱਧੂ ਨੇ ਸਟੋਰ ‘ਤੇ ਮੌਜੂਦ ਲੋਕਾਂ ਨਾਲ ਗੱਲਬਾਤ ਕੀਤੀ, ਉਨ੍ਹਾਂ ਦਾ ਹਾਲ-ਚਾਲ ਪੁੱਛਿਆ ਅਤੇ ਫੋਟੋਆਂ ਵੀ ਖਿਚਵਾਈਆਂ। ਬੱਚਿਆਂ ਅਤੇ ਨੌਜਵਾਨਾਂ ਨਾਲ ਵੀ ਉਨ੍ਹਾਂ ਨੇ ਖੂਬ ਸਮਾਂ ਬਿਤਾਇਆ। ਉਨ੍ਹਾਂ ਦਾ ਦੋਸਤਾਨਾ ਅਤੇ ਸਿੱਧਾ ਸੁਭਾਅ ਲੋਕਾਂ ਨੂੰ ਖਾਸਾ ਭਾਇਆ ਅਤੇ ਸਥਾਨਕ ਲੋਕਾਂ ਨੇ ਉਨ੍ਹਾਂ ਦਾ ਗਰਮਜੋਸ਼ੀ ਨਾਲ ਸਵਾਗਤ ਕੀਤਾ।
ਇਹ ਫੇਰੀ ਸਿਰਫ਼ ਸੁਆਦ ਚੱਖਣ ਤੱਕ ਸੀਮਿਤ ਨਹੀਂ ਸੀ, ਸਗੋਂ ਜਨਤਾ ਨਾਲ ਨਿੱਘੇ ਤੌਰ ਤੇ ਜੁੜਨ ਅਤੇ ਆਪਣੇ ਅਨੁਭਵ ਸਾਂਝੇ ਕਰਨ ਦਾ ਮੌਕਾ ਵੀ ਬਣੀ। ਸਿੱਧੂ ਨੇ ਇੱਕ ਵਾਰ ਫਿਰ ਆਪਣੇ ਮਿਲਾਪ੍ਰੀਅ ਸੁਭਾਅ ਨਾਲ ਲੋਕਾਂ ਦੇ ਦਿਲ ਜਿੱਤ ਲਏ।
