ਚੰਡੀਗੜ੍ਹ, 26 ਅਕਤੂਬਰ (ਛਤਰਪਾਲ ਸਿੰਘ): ਚੰਡੀਗੜ੍ਹ ਅੰਤਰਰਾਸ਼ਟਰੀ ਹਵਾਈ ਅੱਡੇ ਨੇ ਸਰਦੀਆਂ ਦੇ ਮੌਸਮ ਨੂੰ ਧਿਆਨ ਵਿੱਚ ਰੱਖਦਿਆਂ ਨਵੀਂ ਉਡਾਣ ਸਮਾਂ-ਸਾਰਣੀ ਜਾਰੀ ਕੀਤੀ ਹੈ। ਇਸ ਸਾਰਣੀ ਅਨੁਸਾਰ 55 ਉਡਾਣਾਂ ਸਵੇਰੇ 5:20 ਵਜੇ ਤੋਂ ਰਾਤ 11:55 ਵਜੇ ਤੱਕ ਚੱਲਣਗੀਆਂ। ਨਵਾਂ ਸ਼ਡਿਊਲ 26 ਅਕਤੂਬਰ 2025 ਤੋਂ 28 ਮਾਰਚ 2026 ਤੱਕ ਲਾਗੂ ਰਹੇਗਾ।
ਘਰੇਲੂ ਉਡਾਣਾਂ
ਚੰਡੀਗੜ੍ਹ ਤੋਂ ਘਰੇਲੂ ਉਡਾਣਾਂ ਵਿੱਚ ਇੰਡੀਗੋ, ਏਅਰ ਇੰਡੀਆ, ਏਅਰ ਇੰਡੀਆ ਐਕਸਪ੍ਰੈਸ ਅਤੇ ਅਲਾਇੰਸ ਏਅਰ ਸ਼ਾਮਲ ਹਨ। ਇੰਡੀਗੋ ਲਗਭਗ 40 ਉਡਾਣਾਂ, ਏਅਰ ਇੰਡੀਆ 10, ਅਤੇ ਏਅਰ ਇੰਡੀਆ ਐਕਸਪ੍ਰੈਸ ਅਤੇ ਅਲਾਇੰਸ ਏਅਰ 5-5 ਉਡਾਣਾਂ ਚਲਾਉਣਗੀਆਂ।
ਮੁੱਖ ਰੁੱਟਾਂ:
- ਦਿੱਲੀ: ਪਹਿਲੀ ਉਡਾਣ 5:45 ਵਜੇ, ਆਖਰੀ 10:30 ਵਜੇ
- ਮੁੰਬਈ: ਪਹਿਲੀ ਉਡਾਣ 5:20 ਵਜੇ, ਆਖਰੀ 5:05 ਵਜੇ
- ਬੰਗਲੁਰੂ: ਪਹਿਲੀ ਉਡਾਣ 7:30 ਵਜੇ, ਆਖਰੀ 11:20 ਵਜੇ
- ਸ਼੍ਰੀਨਗਰ: ਪਹਿਲੀ ਉਡਾਣ 12:55 ਦੁਪਹਿਰ, ਆਖਰੀ 8:10 ਰਾਤ
ਇੰਡੀਗੋ, ਏਅਰ ਇੰਡੀਆ ਅਤੇ ਅਲਾਇੰਸ ਏਅਰ ਦਿੱਲੀ ਲਈ ਰੋਜ਼ਾਨਾ 10 ਉਡਾਣਾਂ, ਅਤੇ ਇੰਡੀਗੋ ਤੇ ਏਅਰ ਇੰਡੀਆ ਮੁੰਬਈ ਲਈ 6 ਉਡਾਣਾਂ ਚਲਾਉਣਗੀਆਂ।
ਅੰਤਰਰਾਸ਼ਟਰੀ ਉਡਾਣਾਂ
ਨਵੀਂ ਸਮਾਂ-ਸਾਰਣੀ ਅਨੁਸਾਰ:
- ਅਬੂ ਧਾਬੀ: 1:20 ਦੁਪਹਿਰ
- ਦੁਬਈ: 3:30 ਦੁਪਹਿਰ
ਚੰਡੀਗੜ੍ਹ ਇੰਟਰਨੈਸ਼ਨਲ ਏਅਰਪੋਰਟ ਲਿਮਟਿਡ ਦੇ ਅਧਿਕਾਰੀਆਂ ਨੇ ਕਿਹਾ ਕਿ ਇਸ ਵਾਰ ਸ਼ਡਿਊਲ ਧੁੰਦ ਅਤੇ ਘੱਟ ਦ੍ਰਿਸ਼ਟੀ ਵਾਲੇ ਮੌਸਮ ਨੂੰ ਧਿਆਨ ਵਿੱਚ ਰੱਖ ਕੇ ਤਿਆਰ ਕੀਤਾ ਗਿਆ ਹੈ, ਤਾਂ ਜੋ ਉਡਾਣਾਂ ਪ੍ਰਭਾਵਿਤ ਨਾ ਹੋਣ। ਯਾਤਰੀਆਂ ਨੂੰ ਸਲਾਹ ਦਿੱਤੀ ਗਈ ਹੈ ਕਿ ਉਹ ਯਾਤਰਾ ਕਰਨ ਤੋਂ ਪਹਿਲਾਂ ਏਅਰਲਾਈਨ ਨਾਲ ਆਪਣੀ ਉਡਾਣ ਦਾ ਸਮਾਂ ਪੁਸ਼ਟੀ ਕਰ ਲੈਣ।
