ਚੰਡੀਗੜ੍ਹ – ਰੋਪੜ ਰੇਂਜ ਦੇ ਡੀ.ਆਈ.ਜੀ. ਹਰਚਰਨ ਸਿੰਘ ਭੁੱਲਰ ਨੂੰ ਸੀ.ਬੀ.ਆਈ. ਨੇ ਰਿਸ਼ਵਤ ਲੈਣ ਦੇ ਮਾਮਲੇ ‘ਚ ਗ੍ਰਿਫ਼ਤਾਰ ਕਰ ਲਿਆ ਹੈ। ਉਨ੍ਹਾਂ ਦੇ ਘਰੋਂ 7 ਕਰੋੜ ਰੁਪਏ ਨਕਦ, 2 ਕਿਲੋਗ੍ਰਾਮ ਸੋਨਾ, ਲਗਜ਼ਰੀ ਕਾਰਾਂ ਅਤੇ ਘੜੀਆਂ ਬਰਾਮਦ ਹੋਈਆਂ।
ਇਹ ਮਾਮਲਾ ਲੁਧਿਆਣਾ ਦੇ ਅਕਾਸ਼ ਬੱਤਾ ਦੀ ਸ਼ਿਕਾਇਤ ‘ਤੇ ਸਾਹਮਣੇ ਆਇਆ, ਜਿਸਨੇ ਦੱਸਿਆ ਕਿ ਡੀ.ਆਈ.ਜੀ. ਨੇ ਉਸ ਤੋਂ 8 ਲੱਖ ਰੁਪਏ ਰਿਸ਼ਵਤ ਮੰਗੀ ਸੀ। ਸੀ.ਬੀ.ਆਈ. ਨੇ ਜਾਲ ਬਿਛਾ ਕੇ ਭੁੱਲਰ ਨੂੰ 5 ਲੱਖ ਦੀ ਪਹਿਲੀ ਕਿਸ਼ਤ ਲੈਂਦਿਆਂ ਫੜ ਲਿਆ।
ਅਕਾਸ਼ ਬੱਤਾ ਨੇ ਕਿਹਾ ਕਿ ਉਸਨੇ ਡਰ ਦੇ ਬਾਵਜੂਦ ਸੱਚਾਈ ਲਈ ਲੜਾਈ ਲੜੀ ਤੇ ਹੁਣ ਉਸਨੂੰ ਪੂਰੀ ਸੰਤੁਸ਼ਟੀ ਹੈ। ਉਸਦੇ ਅਨੁਸਾਰ, “ਇਹ ਸਿਰਫ ਮੇਰਾ ਨਹੀਂ, ਸਾਰੇ ਪ੍ਰੇਸ਼ਾਨ ਲੋਕਾਂ ਦਾ ਬਦਲਾ ਸੀ।”
ਸੀ.ਬੀ.ਆਈ. ਮਾਮਲੇ ਦੀ ਹੋਰ ਜਾਂਚ ਕਰ ਰਹੀ ਹੈ, ਜਦਕਿ ਡੀ.ਆਈ.ਜੀ. ਦੇ ਖਿਲਾਫ ਕਈ ਹੋਰ ਸ਼ਿਕਾਇਤਾਂ ਵੀ ਸਾਹਮਣੇ ਆ ਰਹੀਆਂ ਹਨ।
