ਚੰਡੀਗੜ੍ਹ: ਦੇਸ਼ ਭਰ ਵਿੱਚ ਦੀਵਾਲੀ ਦੀਆਂ ਤਿਆਰੀਆਂ ਜੋਰਾਂ ‘ਤੇ ਹਨ। ਘਰਾਂ, ਬਾਜ਼ਾਰਾਂ ਤੇ ਦਫ਼ਤਰਾਂ ‘ਚ ਤਿਉਹਾਰੀ ਰੌਣਕ ਚਮਕ ਰਹੀ ਹੈ। ਜਿਵੇਂ-ਜਿਵੇਂ ਦੀਵਾਲੀ ਨੇੜੇ ਆ ਰਹੀ ਹੈ, ਲੋਕ ਛੁੱਟੀਆਂ ਦੀ ਬੇਸਬਰੀ ਨਾਲ ਉਡੀਕ ਕਰ ਰਹੇ ਹਨ ਤਾਂ ਜੋ ਆਪਣੇ ਪਰਿਵਾਰ ਨਾਲ ਖੁਸ਼ੀ ਅਤੇ ਸ਼ਾਂਤੀ ਨਾਲ ਇਹ ਪਵਿੱਤਰ ਤਿਉਹਾਰ ਮਨਾ ਸਕਣ।
ਕੈਲੰਡਰ ਦੇ ਅਨੁਸਾਰ, ਇਸ ਸਾਲ ਦੀ ਦੀਵਾਲੀ 20 ਅਕਤੂਬਰ (ਸੋਮਵਾਰ) ਨੂੰ ਮਨਾਈ ਜਾਵੇਗੀ। ਲਕਸ਼ਮੀ ਪੂਜਾ ਦਾ ਸ਼ੁਭ ਸਮਾਂ ਪ੍ਰਦੋਸ਼ ਕਾਲ ਵਿੱਚ ਪੈਂਦਾ ਹੈ, ਜਿਸ ਕਰਕੇ ਮੁੱਖ ਪੂਜਾ 20 ਅਕਤੂਬਰ ਦੀ ਸ਼ਾਮ ਨੂੰ ਹੋਵੇਗੀ।
ਪੰਜਾਬ ਸਰਕਾਰ ਵੱਲੋਂ ਜਾਰੀ ਛੁੱਟੀ ਸ਼ਡਿਊਲ ਅਨੁਸਾਰ —
- 20 ਅਕਤੂਬਰ (ਸੋਮਵਾਰ): ਦੀਵਾਲੀ
- 22 ਅਕਤੂਬਰ (ਬੁੱਧਵਾਰ): ਵਿਸ਼ਵਕਰਮਾ ਦਿਵਸ ਅਤੇ ਗੋਵਰਧਨ ਪੂਜਾ
- 23 ਅਕਤੂਬਰ (ਵੀਰਵਾਰ): ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦਾ ਗੁਰੂ ਗੱਦੀ ਦਿਵਸ
ਇਸ ਤਰ੍ਹਾਂ ਪੰਜਾਬ ‘ਚ ਤਿੰਨ ਲਗਾਤਾਰ ਛੁੱਟੀਆਂ ਰਹਿਣਗੀਆਂ।
ਇਹ ਛੁੱਟੀਆਂ ਵਿਦਿਆਰਥੀਆਂ, ਸਰਕਾਰੀ ਕਰਮਚਾਰੀਆਂ ਅਤੇ ਦਫ਼ਤਰੀ ਕਰਮਚਾਰੀਆਂ ਲਈ ਖ਼ੁਸ਼ੀ ਦੀ ਖ਼ਬਰ ਬਣ ਗਈਆਂ ਹਨ। ਲੋਕਾਂ ਨੇ ਤਿਉਹਾਰ ਨੂੰ ਪਰਿਵਾਰ ਸਮੇਤ ਮਨਾਉਣ ਲਈ ਯਾਤਰਾ, ਖਰੀਦਦਾਰੀ ਅਤੇ ਸਫ਼ਾਈ ਦੀਆਂ ਤਿਆਰੀਆਂ ਸ਼ੁਰੂ ਕਰ ਦਿੱਤੀਆਂ ਹਨ।
ਬਾਜ਼ਾਰਾਂ ਵਿੱਚ ਦੀਏ, ਮਿਠਾਈਆਂ, ਫੁੱਲਾਂ ਤੇ ਤੋਹਫ਼ਿਆਂ ਦੀ ਖਰੀਦਾਰੀ ਚਰਮ ‘ਤੇ ਪਹੁੰਚ ਗਈ ਹੈ। ਵਿਸ਼ਵਕਰਮਾ ਦਿਵਸ ‘ਤੇ ਉਦਯੋਗਿਕ ਇਕਾਈਆਂ ਵਿੱਚ ਵੀ ਵਿਸ਼ੇਸ਼ ਪੂਜਾ ਦਾ ਪ੍ਰਬੰਧ ਕੀਤਾ ਜਾਵੇਗਾ। ਇਸੇ ਤਰ੍ਹਾਂ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਗੁਰੂ ਗੱਦੀ ਦਿਵਸ ਮੌਕੇ ਗੁਰਦੁਆਰਿਆਂ ਵਿੱਚ ਕੀਰਤਨ ਸਮਾਗਮ ਹੋਣਗੇ।
