ਦਿੱਲੀ ਦੇ ਨਜਫਗੜ੍ਹ ਤੇ ਮਾਲਵੀਆ ਨਗਰ ਦੇ ਦੋ ਸਕੂਲਾਂ ਨੂੰ ਬੰਬ ਨਾਲ ਉਡਾਉਣ ਦੀ ਧਮਕੀ ਭਰੀ ਮਿਲੀ ਈ-ਮੇਲ
ਨਵੀਂ ਦਿੱਲੀ : ਦਿੱਲੀ ਦੇ 32 ਸਕੂਲਾਂ ਨੂੰ ਬੰਬ ਨਾਲ ਉਡਾਉਣ ਦੀ ਧਮਕੀ ਮਿਲਣ ਦੇ 48 ਘੰਟੇ ਬਾਅਦ ਅੱਜ ਸਵੇਰੇ ਫਿਰ ਤੋਂ ਦਿੱਲੀ ਦੇ ਨਜਫਗੜ੍ਹ ਅਤੇ ਮਾਲਵੀਆ ਨਗਰ ਦੇ ਦੋ ਸਕੂਲਾਂ ਨੂੰ ਬੰਬ ਨਾਲ ਉਡਾਉਣ ਦੀ ਧਮਕੀ ਭਰੀ ਈ-ਮੇਲ ਮਿਲੀ । ਜਿਸ ਤੋਂ ਬਾਅਦ ਹਫੜਾ-ਦਫੜੀ ਮਚ ਗਈ। ਸਵੇਰੇ ਤੜਕੇ ਮਿਲੇ ਇਨ੍ਹਾਂ ਈ-ਮੇਲਾਂ ਨੇ ਸਕੂਲ ਪ੍ਰਸ਼ਾਸਨ, ਵਿ ਦਿਆਰਥੀਆਂ ਅਤੇ ਮਾਪਿਆਂ ਵਿੱਚ ਦਹਿਸ਼ਤ ਫੈਲਾ ਦਿੱਤੀ ਹੈ। ਸਥਾਨਕ ਪੁਲਿਸ ਤੁਰੰਤ ਹਰਕਤ ਵਿੱਚ ਆ ਗਈ ਹੈ ਅਤੇ ਦੋਵਾਂ ਸਕੂਲਾਂ ਵਿੱਚ ਤਲਾਸ਼ੀ ਮੁਹਿੰਮ ਸ਼ੁਰੂ ਕਰ ਦਿੱਤੀ ਗਈ ਹੈ। ਹੁਣ ਤੱਕ ਕੋਈ ਸ਼ੱਕੀ ਵਸਤੂ ਨਹੀਂ ਮਿਲੀ ਹੈ, ਪਰ ਜਾਂਚ ਜਾਰੀ ਹੈ।
ਜਾਣਕਾਰੀ ਅਨੁਸਾਰ, ਸਵੇਰੇ 7:40 ਅਤੇ 7:42 ਵਜੇ, ਨਜਫਗੜ੍ਹ, ਮਾਲਵੀਆ ਨਗਰ ਵਿੱਚ ਐਸ.ਕੇ.ਵੀ. ਹੌਜ਼ ਰਾਣੀ ਅਤੇ ਕਰੋਲ ਬਾਗ ਵਿੱਚ ਪ੍ਰਸਾਦ ਨਗਰ ਦੇ ਆਂਧਰਾ ਸਕੂਲ ਵਿੱਚ ਧਮਕੀ ਭਰੇ ਈ-ਮੇਲ ਪ੍ਰਾਪਤ ਹੋਏ। ਦਿੱਲੀ ਫਾਇਰ ਸਰਵਿ ਸਿਜ਼ ਦੇ ਅਨੁਸਾਰ, ਸੰਭਾਵਨਾ ਹੈ ਕਿ ਹੋਰ ਸਕੂਲਾਂ ਨੂੰ ਨਿਸ਼ਾਨਾ ਬਣਾਇਆ ਗਿਆ ਹੋ ਸਕਦਾ ਹੈ। ਸਥਾਨਕ ਪੁਲਿਸ, ਬੰਬ ਸਕੁਐਡ ਅਤੇ ਹੋਰ ਏਜੰਸੀਆਂ ਤੁਰੰਤ ਹਰਕਤ ਵਿੱਚ ਆ ਗਈਆਂ ਅਤੇ ਸਕੂਲਾਂ ਵਿੱਚ ਤਲਾਸ਼ੀ ਮੁਹਿੰਮ ਸ਼ੁਰੂ ਕਰ ਦਿੱਤੀ ਗਈ ਹੈ।
