ਆਨੰਦ ਨਗਰ ਐਕਸੈਂਟਸ਼ਨ ਵਿੱਖੇ ਸੜਕ ਬਨਾਉਣ ਦਾ ਕੰਮ ਸ਼ੁਰੂ ਕਰਵਾਉਣ ਖਾਸ ਤੌਰ ਤੇ ਪੁੱਜੇ ਕੈਬਿਨਟ ਸਿਹਤ ਮੰਤਰੀ ਡਾ ਬਲਬੀਰ ਨੇ ਕਿਹਾ ਕਿ ਮੁੱਖ ਮੰਤਰੀ ਮਾਨ ਵੱਲੋਂ ਪੰਜਾਬ ਨੂੰ ਰੰਗਲਾ ਪੰਜਾਬ ਬਨਾਉਣ ਦੀ ਸੋਚ ਨਾਲ ਸ਼ਹਿਰ ਦੇ ਹਰ ਕੌਨੇ ਵਿੱਚਲੀਆਂ ਸੜਕਾਂ ਦੀ ਨੁਹਾਰ ਦੁਰਸੱਤ ਕਰਨ ਦੇ ਆਦੇਸ਼ ਦਿੱਤੇ ਗਏ ਹਨ। ਜਿਸ ਤਹਿਤ ਚੰਗੀ ਨੁਹਾਰ ਬਨਣ ਵਿੱਚ ਪਟਿਆਲਾ ਮੋਹਰੀ ਰਹਿਣ ਵਿੱਚ ਕੋਈ ਕਸਰ ਨਹੀ ਛੱਡ ਰਿਹਾ। ਉਨਾਂ ਕਿਹਾ ਕਿ ਸੜਕਾਂ ਦਾ ਨਿਰਮਾਣ ਇੱਕ ਵੱਡੀ ਵਿਕਾਸਕਾਰੀ ਪਹਿਲਕਦਮੀ ਹੈ। ਇਹ ਪ੍ਰੋਜੈਕਟ ਲੋਕਾਂ ਦੀਆਂ ਔਖਿਆਈਆਂ ਨੂੰ ਦੂਰ ਕਰੇਗਾ ਅਤੇ ਲੋਕਾਂ ਦੀ ਰੋਜਾਨਾਂ ਦੀ ਆਵਾਜਾਈ ਨੂੰ ਅਨੂਕੂਲ ਕਰੇਗਾ। ਸਾਡੀ ਸਰਕਾਰ ਲੋਕ ਕਲਿਆਣ ਲਈ ਪ੍ਰਤੀਬੱਧ ਹੈ, ਅਤੇ ਅਸੀਂ ਹੋਰ ਵੀ ਅਜਿਹੇ ਪ੍ਰੋਜੈਕਟਾਂ ਲਈ ਨਿਰੰਤਰ ਕੰਮ ਕਰ ਰਹੇ ਹਾਂ। ਉਨਾਂ ਕਿਹਾ ਕਿ ਉਨਾਂ ਵੱਲੋਂ ਸ਼ਹਿਰਾਂ ਦੇ ਨਾਲ ਨਾਲ ਪਿੰਡਾ ਵਿੱਚ ਜਾ ਕੇ ਵੀ ਆਪ ਮੁਹਾਰੇ ਪਿੰਡ ਵਾਸੀਆਂ ਦੇ ਹੋਣ ਵਾਲੇ ਕੰਮਾਂ ਬਾਰੇ ਪੁੱਛਤਾਛ ਕੀਤੀ ਜਾ ਰਹੀ ਹੈ।
ਮੋਦੀ ਕਾਲਜ ਦੇ ਨਜ਼ਦੀਕ ਬਣਨ ਵਾਲੀ ਸੜਕ ਦਾ ਉਦਘਾਟਨ ਕਰਨ ਮਗਰੋਂ ਵਿਧਾਇਕ ਅਜੀਤਪਾਲ ਸਿੰਘ ਕੋਹਲੀ ਨੇ ਗੱਲਬਾਤ ਦੌਰਾਨ ਕਿਹਾ ਕਿ ਆਪ ਸਰਕਾਰ ਪੁਰਾਣੀਆਂ ਸਰਕਾਰਾਂ ਦੀ ਤਰ੍ਹਾਂ ਬਿਨਾਂ ਮਤਲਬ ਸਿਰਫ ਸੜਕਾਂ ਪੁੱਟਣ ਦਾ ਨਹੀ, ਬਨਾਉਣ ਦਾ ਵੀ ਟੀਚਾ ਮਿੱਥ ਕੇ ਚਲਦੀ ਹੈ। ਉਨਾਂ ਕਿਹਾ ਕਿ ਸੜਕਾਂ ਦੇ ਨਾਲ ਨਾਲ ਪਟਿਆਲਾ ਸ਼ਹਿਰ ਵਿੱਚ ਹੋਰ ਨਵੇਂ ਪ੍ਰੋਜੈਕਟਾਂ ਤੇ ਵੀ ਕੰਮ ਸ਼ੁਰੂ ਹੋਣ ਜਾ ਰਿਹਾ ਹੈ। ਇਹ ਸੜਕਾਂ ਵਿੱਚ ਖੁਦ ਐਮ ਸੀ ਅਤੇ ਨਿਗਮ ਦੇ ਅਧਿਕਾਰੀ ਲੋਕ ਸਹੂਲਤਾਂ ਨੂੰ ਮੁੱਖ ਰੱਖ ਕੇ ਕਿਸੇ ਵੀ ਤਰ੍ਹਾਂ ਦੀ ਖਾਮੀ ਨਹੀ ਹੋਣ ਦੇਣਗੇ। ਉਨਾਂ ਪੁਰਾਣੀਆਂ ਸਰਕਾਰਾਂ ਤੇ ਤੰਜ ਕਸਦਿਆ ਕਿਹਾ ਕਿ ਪਹਿਲੀਆਂ ਸਰਕਾਰਾਂ ਵਾਂਗ ਬਿਨਾਂ ਮਤਲਬ ਤੋਂ ਲੁੱਕ ਦੀ ਸੜਕ ਪੁੱਟ ਕੇ ਟਾਇਲਾ ਦੀ ਸੜਕ ਬਨਾਉਣਾ ਆਪ ਸਰਕਾਰ ਦੀ ਕਿਤਾਬ ਵਿੱਚ ਨਹੀ ਲਿਿਖਆ ਹੈ। ਇਸ ਤੋਂ ਇਲਾਵਾ ਹੋਰ ਸ਼ਹਿਰ ਦੀਆਂ ਸੜਕਾਂ ਦੀ ਵੀ ਰਿਪੇਅਰ ਜਾਂ ਮਿਆਦ ਪੂਰੀ ਕਰ ਚੁੱਕੀਆਂ ਸੜਕਾਂ ਨੂੰ ਨਵਾਂ ਬਨਾਉਣ ਦੀ ਤਿਆਰੀ ਚੱਲ ਰਹੀ ਹੈ। ਇਸ ਦੇ ਨਾਲ ਪਟਿਆਲਾ ਵਿੱਚ ਪਾਣੀ ਦੀ ਮਾਰ ਨੂੰ ਖਤਮ ਕਰਨ ਲਈ ਵੱਡੇ ਰੈਨ ਵੈਸਟਿੰਗ ਪੋ੍ਰਜੈਕਟ ਵੀ ਬਨਣ ਲਈ ਤਿਆਰੀ ਚੱਲ ਰਹੀ ਹੈ।
ਇਸ ਮੌਕੇ ਨਿਗਮ ਦੇ ਅਧਿਕਾਰੀਆਂ ਤੋਂ ਇਲਾਵਾ ਲਾਲ ਸਿੰਘ ਬਲਾਕ ਪ੍ਰਧਾਨ, ਰਵਿੰਦਰਪਾਲ ਸਿੰਘ ਜ਼ੋਨੀ ਕੋਹਲੀ, ਬਲਵਿੰਦਰ ਸੈਣੀ, ਪ੍ਰਿੰਸੀਪਲ ਡਾ ਨੀਰਜ ਗੋਇਲ, ਹਰਮੀਤ ਸਿੰਘ, ਹਰਜੋਤ ਸਿੰੰਘ, ਰਮਨ ਕੋਹਲੀ, ਭਵਖੰਡਨ ਸਿੰਘ, ਸੁੱਖਜੋਤ ਸਿੰਘ, ਅਮਰਿੰਦਰ ਸਿੰਘ, ਸਿਮਰ ਸਰਨਾਂ, ਗੋਰਵ ਕਥੂਰੀਆਂ, ਇੰਦਰਪਾਲ ਕੋਹਲੀ, ਮਲਕੀਤ ਖੱਟੜਾ, ਅਮਰਜੀਤ ਸਿੰਘ ਲੰਬੜਦਾਰ, ਸੁਰਜੀਤ ਸਿੰਘ, ਹਰੀਸ਼ ਕੁਮਾਰ ਅਤੇ ਹੋਰ ਇਲਾਕਾ ਨਿਵਾਸੀ ਵੀ ਮੌਜੂਦ ਸਨ।
ਫੋਟੋ – ਆਨੰਦ ਨਗਰ ਐਕਸਟੈਂਸ਼ਨ ਅਤੇ ਮੋਦੀ ਕਾਲਜ ਵਿੱਖੇ ਸੜਕਾਂ ਦਾ ਕੰਮ ਸ਼ੁਰੂ ਕਰਵਾਉਣ ਮੌਕੇ ਕੈਬਿਨਟ ਸਿਹਤ ਮੰਤਰੀ ਡਾ ਬਲਬੀਰ ਸਿੰਘ, ਵਿਧਾਇਕ ਅਜੀਤਪਾਲ ਸਿੰਘ ਕੋਹਲੀ, ਮੇਅਰ ਕੁੰਦਨ ਗੋਗੀਆ, ਕਮਿਸ਼ਨਰ ਪਰਮਵੀਰ ਸਿੰਘ ਅਤੇ ਹੋਰ
